درخواست اندراج مقدمات پر سماعت اختتام پذیر، عدالت نے فیصلہ محفوظ کر لیا
اشاعت کی تاریخ: 9th, October 2025 GMT
بانی پی ٹی آئی عمران خان کی بہن علیمہ خان کی جانب سے اندراجِ مقدمات کی درخواستوں پر سماعت مکمل ہونے کے بعد عدالت نے فیصلہ محفوظ کرلیا۔ ایڈیشنل ڈسٹرکٹ اینڈ سیشن جج راولپنڈی کے روبرو علیمہ خان کی مقدمات اندراج کی درخواستوں پر سماعت مکمل ہوگئی، جس کے بعد عدالت نے فیصلہ محفوظ کرلیا ہے۔ علیمہ خان نے اپنی درخواست میں اڈیالہ جیل کے باہر کارکنوں کو ہراساں کرنے پر مقدمات درج کرنے کی استدعا ہے۔ علاوہ ازیں علیمہ خان کی اڈیالہ جیل کے باہر انڈہ پھینکنے کے خلاف مقدمہ درج کرنے سے متعلق درخواست کی سماعت بھی مکمل ہوگئی۔ قبل ازیں تینوں بہنیں علیمہ خان، عظمیٰ خان اور نورین خان راولپنڈی کچہری پہنچیں، جہاں انہوں نے عدالت میں دائر درخواست میں استدعا کی کہ ہائی کورٹ کے حکم باوجود عمران خان کو جیل مینوئل کے مطابق سہولتیں دینے کا حکم دیا جائے ۔ جیل سہولیات کے بارے میں ہائی کورٹ نے جو احکامات دیے ہیں، ان پر عمل کرایا جائے۔ درخواست میں مؤقف اختیار کیا گیا ہے کہ کارکنوں سمیت علیمہ خان اور ان کی بہنوں کو گرفتار کر کے رات گئے ویرانے میں چھوڑ دیا جاتا ہے۔ رات گئے ویرانے میں چھوڑنے سے کوئی واقعہ ہوسکتا ہے، لہٰذا ایسا کرنے سے روکا جائے۔ علاوہ ازیں اڈیالہ جیل میں عمران خان کی ہائی کورٹ کے فیصلے کے مطابق آئسولیشن ختم کرنے کا حکم دیا جائے۔
.ذریعہ: Nawaiwaqt
پڑھیں:
متاب جموں و کشمیر کی نویں کارگاہ "مطلع الفجر" سرینگر میں کامیابی سے اختتام پذیر
کارگاہ میں وادی کے مختلف اضلاع سے تعلق رکھنے والے درجنوں نوجوانوں نے شرکت کی، پروگرام کا مقصد دینی شعور کی بیداری، اخلاقی تربیت اور فکری بالیدگی کو فروغ دینا تھا۔ چھوٹی تصاویر تصاویر کی فہرست سلائیڈ شو
متاب جموں و کشمیر کا نویں کارگاہ مطلع الفجر سرینگر میں کامیابی سے اختتام پذیر
متاب جموں و کشمیر کا نویں کارگاہ مطلع الفجر سرینگر میں کامیابی سے اختتام پذیر
متاب جموں و کشمیر کا نویں کارگاہ مطلع الفجر سرینگر میں کامیابی سے اختتام پذیر
متاب جموں و کشمیر کا نویں کارگاہ مطلع الفجر سرینگر میں کامیابی سے اختتام پذیر
متاب جموں و کشمیر کا نویں کارگاہ مطلع الفجر سرینگر میں کامیابی سے اختتام پذیر
متاب جموں و کشمیر کا نویں کارگاہ مطلع الفجر سرینگر میں کامیابی سے اختتام پذیر
متاب جموں و کشمیر کا نویں کارگاہ مطلع الفجر سرینگر میں کامیابی سے اختتام پذیر
متاب جموں و کشمیر کا نویں کارگاہ مطلع الفجر سرینگر میں کامیابی سے اختتام پذیر
متاب جموں و کشمیر کا نویں کارگاہ مطلع الفجر سرینگر میں کامیابی سے اختتام پذیر
متاب جموں و کشمیر کا نویں کارگاہ مطلع الفجر سرینگر میں کامیابی سے اختتام پذیر
متاب جموں و کشمیر کا نویں کارگاہ مطلع الفجر سرینگر میں کامیابی سے اختتام پذیر
متاب جموں و کشمیر کا نویں کارگاہ مطلع الفجر سرینگر میں کامیابی سے اختتام پذیر
اسلام ٹائمز۔ دینی ادارہ "متاب جموں و کشمیر" کے زیرِ اہتمام نوجوانوں کے لئے 9ویں تین روزہ مرکزی کارگاہ "مطلع الفجر" تا 5 اکتوبر 2025ء کو امام بارگاہ الزہراء (س) باغ زینب شالیمار سرینگر میں کامیابی کے ساتھ اختتام پذیر ہوا۔ کارگاہ میں وادی کے مختلف اضلاع سے تعلق رکھنے والے درجنوں نوجوانوں نے شرکت کی، پروگرام کا مقصد دینی شعور کی بیداری، اخلاقی تربیت اور فکری بالیدگی کو فروغ دینا تھا۔ تین روزہ کارگاہ کی نشستوں میں مختلف علمی و فکری دروس، گروہی مباحثے اور تربیتی سیشنز منعقد ہوئے۔ علماء کرام مولانا حکیم سجاد، مولانا امجد علی، مولانا بلال علی، مولانا الطاف حسین، مولانا عمران حسین، مولانا کفایت حسین انصاری اور مولانا سید فیاض باقر حسینی نے نوجوانوں کو دینی و تربیتی رہنمائی فراہم کی۔ اسی سلسلے میں تاریخی شالیمار باغ میں "ڈرگ و منشیات سے بچاؤ" کے عنوان سے خصوصی نشست منعقد ہوئی، جس میں طلباء نے اپنے خیالات پیش کئے اور منشیات کے خلاف جدوجہد کا عزم کیا۔ کارگاہ میں منشیات کے بڑھتے ہوئے ناسور پر ماہرِ نفسیات جناب فِدا حسین نے گفتگو کرتے ہوئے منشیات کے بڑھتے خطرات پر روشنی ڈالتے ہوئے نوجوانوں کو اس سے بچاؤ اور مقابلے کے عملی طریقے بتائے۔کارگاہ میں وادی کشمیر کے معروف فزیکل ٹرینر برادر رضوان ملک بھی شریک رہے جنہوں دو دن مارنگ سیسشن میں نوجوانوں کی فزیکل فٹنس پر زور دیا اور اس کے کئی سارے عملی پہلو سے نوجوانوں کو روشناس کرایا۔ اختتامی تقریب میں مہمانانِ خصوصی، اساتذہ کرام اور اوقافِ امامیہ کی انتظامیہ نے شرکت کی۔ شرکاء نے اپنے تاثرات میں اس فکری و تربیتی کارگاہ کے تسلسل کی خواہش ظاہر کی، اساتذہ کرام نے بھی نوجوانوں کی فکری تربیت کے لئے اس کارگاہ کے طریقہ کار کو بہترین عملی نمونہ قرار دیا، ادارہ اوقاف کی نمائندگی کرتے ہوئے حاجی مہدی نے اپنے ثاثرات میں اس دینی و تربیتی کوشش کو سراہا اور امام بارگاہ الزہراء (س) کی جانب سے مستقبل میں بھی ایسے پروگراموں کے انعقاد کے لئے ہر ممکن تعاون کا یقین دلایا۔ ادارہ متاب کے سربراہ مولانا بشیر احمد بٹ نے فکر و شعور کی تربیت کو کارگاہ کا بنیادی ہدف قرار دیتے ہوئےکہا کہ مقصد صرف درس و تدریس نہیں بلکہ ظہورِ امامِ زمانہ (عج) کے ناصرانہ کردار کے لئے ذہن و دل کی تربیت ہے۔ انہوں نے نوجوانوں کی فکری تربیت کو وقت کی اہم ضرورت قرار دیتے ہوئے والدین اور سماجی تنظیموں سے تعاون کی اپیل کی۔ آخر میں شرکاء و طلباء میں اسناد و انعامات تقسیم کئے گئے جبکہ امام بارگاہ کی انتظامیہ کی خلوص و بے لوث خدمات کو سراہتے ہوئے ادارہ متاب نے شکریہ ادا کیا۔
عوامی مفاد اور امن ترجیح ہے، وزیراعظم کا آزاد کشمیر میں کامیاب مذاکراتی عمل کا خیر مقدم