کیریئر کے ابتدائی دنوں میں انتہائی ظالم لوگوں سے واسطہ پڑا، جولیا رابرٹس کا انکشاف
اشاعت کی تاریخ: 9th, October 2025 GMT
ہالی ووڈ کی معروف اداکارہ جولیا رابرٹس نے اپنی زندگی اور کیریئر کے ابتدائی دور کے بارے میں کھل کر بات کرتے ہوئے انکشاف کیا ہے کہ اُنہیں شروعات میں لوگوں کی ’ظالمانہ رویے‘ اور تنقید کا سامنا کرنا پڑا، جس نے اُن میں اعتماد کی کمی اور عدم تحفظ پیدا کر دی۔
57 سالہ آسکر ایوارڈ یافتہ اداکارہ نے ’پیپل میگزین‘ کو دیے گئے ایک انٹرویو میں کہا کہ جب انہوں نے اداکاری کا آغاز کیا تو اُن کے اندر زیادہ خوداعتمادی نہیں تھی۔
’یہ زیادہ اس بارے میں تھا کہ میں کس طرح کی انسان بننا چاہتی ہوں، نہ کہ میرے کیریئر کی سمت کیا ہوگی‘۔
’مجھے اپنے ابتدائی دنوں میں کچھ ایسے لوگ ملے جو واقعی بہت ظالم اور تنقیدی تھے، اور یہ میرے لیے ایک دلچسپ مگر مشکل آزمائش تھی کہ میں یہ فیصلہ کروں کہ میں کیسی شخصیت بننا چاہتی ہوں۔‘
یہ بھی پڑھیے اداکارہ جولیا رابرٹس کی خوبصورتی اور فٹنس کاراز کیا ہے؟
رابرٹس، جنہوں نے 1990 میں ’پریٹی وومن‘ سے شہرت حاصل کی اور 2000 میں ‘ایرن بروکووچ’ کے لیے آسکر جیتا، نے مزید کہا کہ ہالی ووڈ آج بھی ’انتہائی مردانہ غلبے والا شعبہ‘ ہے۔
انہوں نے کہا کہ نوعمری اور 20 سال عمر کے بعد ان کی زندگی میں ہموار راستوں سے زیادہ رکاوٹیں تھیں۔
’اس وقت بھی میرے اندر شکر گزاری کی جھلک تھی۔ میں سوچتی تھی، شاید اس سب کے پیچھے کوئی مقصد ہے۔ آج جب میں پیچھے مڑ کر دیکھتی ہوں تو مجھے لگتا ہے یہی وہ سبق تھے جنہوں نے مجھے اپنی برداشت کا احساس دلایا۔‘
جولیا رابرٹس نے کہا کہ عدم تحفظ ایک مفلوج کرنے والا احساس ہو سکتا ہے اور اگر کوئی انہیں شرمندہ کر دیتا، تو وہ بالکل رک جاتی تھیں۔
’یہ انڈسٹری اُن لوگوں کے لیے نہیں ہے جو تنقید یا سخت رویے برداشت نہیں کر سکتے۔ مجھے یہ سب سیکھنا پڑا۔‘
انہوں نے اپنے بچپن کا ایک واقعہ بھی سنایا جب وہ دی ٹونائٹ شو میں جانی کارسن کے ساتھ ایک ٹرمپٹ بجانے والے فنکار کو دیکھنے کے لیے رات گئے جاگتی رہیں۔
’جیسے ہی وہ اپنی کرسی کی طرف بڑھا، وہ اسٹیج پر گر گیا، اور میں نے اپنے گھر بیٹھے وہ احساس خود محسوس کیا۔ مجھے ایسا لگا جیسے یہ میرے ساتھ ہو گیا ہو۔‘
اداکارہ نے مزید کہا کہ اپنی طویل کیریئر کے دوران انہوں نے ہمیشہ ایسے پروجیکٹس چنے جو اُن کے لیے ذاتی ارتقاء اور دریافت کا ذریعہ بنیں۔
جولیا رابرٹس کی نئی فلم “After the Hunt” رواں ہفتے 10 اکتوبر کو منتخب سنیما گھروں میں ریلیز ہو رہی ہے، جبکہ ملک بھر میں 17 اکتوبر سے نمائش کے لیے پیش کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جولیا رابرٹس ہالی ووڈ.ذریعہ: WE News
کلیدی لفظ: جولیا رابرٹس ہالی ووڈ جولیا رابرٹس انہوں نے کہا کہ کے لیے
پڑھیں:
کسی کو دھمکی نہیں دی، میرے بیان کو سیاق و سباق سے ہٹ کر چلا یا گیا، سہیل آفریدی
وزیراعلیٰ خیبر پختونخوا سہیل آفریدی نے کہا ہے کہ ان کے بیان کو سیاق و سباق سے ہٹ کر پیش کیا گیا ہے۔
اڈیالا جیل کے باہر میڈیا سے گفتگو میں انہوں نے وضاحت کی کہ انہوں نے کسی پولیس افسر یا ادارے کو کسی امیدوار کی حمایت کا نہیں کہا، بلکہ صرف انتخابی بے ضابطگیاں روکنے کی ہدایت دی تھی۔ ان کا کہنا تھا کہ انہوں نے کسی کو دھمکی نہیں دی۔
انہوں نے بتایا کہ ان کے پاس عدالت کی جانب سے بانی پی ٹی آئی عمران خان سے ملاقات کی اجازت موجود ہے، اس کے باوجود انہیں ملاقات کی اجازت نہیں دی جا رہی۔ ان کے مطابق آئینی اور قانونی طریقہ اپنانے کے باوجود رسائی نہیں دی گئی۔
سہیل آفریدی کا کہنا تھا کہ انہوں نے پہلے دن ہی وزیراعظم سے ملاقات کی درخواست کی تھی تاکہ بہتر ورکنگ ریلیشن شپ قائم کیا جا سکے، تاہم جواب ملنے کے بعد انہیں دوبارہ یہی بات کہنا مناسب نہیں لگا۔
انہوں نے شکوہ کیا کہ وہ کوئی بھی بات کرتے ہیں تو ان کے خلاف مقدمہ بنا دیا جاتا ہے۔
واضح رہے کہ ایبٹ آباد کے جلسے میں سہیل آفریدی نے انتظامیہ اور پولیس کو خبردار کیا تھا کہ اگر انتخابی دن بدمزگی ہوئی تو وہ اپنے عہدوں پر برقرار نہیں رہیں گے، جس پر الیکشن کمیشن نے ان کے بیان کا نوٹس لیا تھا۔ الیکشن کمیشن نے متعلقہ حکام سے وزیراعلیٰ کے سرکاری افسران کو دی گئی مبینہ دھمکیوں پر رپورٹ طلب کی ہے۔
وزیراعظم، چیئرمین پی سی بی اور وزیراعلیٰ سندھ کی قومی کرکٹ ٹیم کی شاندار کامیابی پر تہنیتی پیغامات