صدر ٹرمپ آئندہ ہفتے مصر جائیں گے، غزہ جنگ بندی معاہدے کی تقریب میں شرکت کا امکان
اشاعت کی تاریخ: 9th, October 2025 GMT
امریکی ایلچی اسٹیو وِٹکوف نے کہا ہے کہ صدر ڈونلڈ ٹرمپ آئندہ ہفتے مصر کا دورہ کریں گے۔
یہ دورہ مصری صدر عبدالفتاح السیسی کی جانب سے غزہ میں جنگ بندی معاہدے کی تکمیل کے موقع پر ہونے والی تقریب میں شرکت کی دعوت کے بعد طے پایا ہے۔
اسٹیو وٹکوف نے قاہرہ میں صدر السیسی سے ملاقات کے دوران کہا کہ صدر ٹرمپ مصر آنے کے لیے بہت پُرجوش ہیں، اور منصوبہ یہی ہے کہ وہ آئندہ ہفتے یہاں آئیں۔
یہ بھی پڑھیں:
ان کا یہ بیان مصری ایوان صدر کی جانب سے جاری کردہ ایک ویڈیو میں سامنے آیا۔
مصری صدر کے دفتر کے مطابق، مصری صدر عبدالفتاح السیسی نے صدر ٹرمپ کو غزہ پٹی میں جنگ بندی معاہدے کے اختتام پر مصر میں منعقد ہونے والی تقریب میں شرکت کی باضابطہ دعوت دی، جس کا پہلا مرحلہ قاہرہ میں ہونے والے مذاکرات کے دوران طے پایا۔
مزید پڑھیں:
غزہ میں اسرائیل اور حماس کے درمیان طے پانے والے اس معاہدے کے تحت جنگ بندی کے ساتھ ساتھ حماس کی تحویل میں موجود مغویوں کے بدلے اسرائیل کی جیلوں میں قید سینکڑوں فلسطینی قیدیوں کی رہائی بھی شامل ہے۔
اسرائیلی حکومت کے مطابق، جنگ بندی جمعرات کو سیکیورٹی کابینہ کے اجلاس کے 24 گھنٹے بعد نافذالعمل ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیووٹکوف اسرائیل امریکا امن جنگ بندی صدر ٹرمپ غزہ مصر.ذریعہ: WE News
کلیدی لفظ: اسٹیووٹکوف اسرائیل امریکا
پڑھیں:
غزہ میں جنگ بندی کا معاہدہ نافذالعمل ہوگیا، مصری میڈیا کا دعویٰ
مصری نشریاتی ادارے القاہرہ ٹی وی نے اپنی رپورٹ میں بتایا کہ معاہدے کے نفاذ کے بعد غزہ میں فائر بندی اور فوجی کارروائیوں کا سلسلہ رک گیا ہے۔ مصر کی وزارتِ خارجہ نے اس پیشرفت کو ’’اہم اور نازک لمحہ‘‘ قرار دیتے ہوئے کہا ہے کہ شرم الشیخ میں ہونیوالے مذاکرات نے غزہ جنگ میں ایک فیصلہ کن موڑ فراہم کیا ہے۔ اسلام ٹائمز۔ غزہ میں برسوں سے جاری خونریزی کے بعد بالآخر جنگ بندی معاہدہ نافذالعمل ہوگیا۔ مصری میڈیا کے مطابق یہ تاریخی پیش رفت پاکستانی وقت کے مطابق دوپہر 2 بجے ہوئی، جب فریقین کے درمیان طے پانے والا غزہ امن معاہدہ عملی طور پر مؤثر ہوگیا۔ مصری نشریاتی ادارے القاہرہ ٹی وی نے اپنی رپورٹ میں بتایا کہ معاہدے کے نفاذ کے بعد غزہ میں فائر بندی اور فوجی کارروائیوں کا سلسلہ رک گیا ہے۔ مصر کی وزارتِ خارجہ نے اس پیش رفت کو ’’اہم اور نازک لمحہ‘‘ قرار دیتے ہوئے کہا ہے کہ شرم الشیخ میں ہونے والے مذاکرات نے غزہ جنگ میں ایک فیصلہ کن موڑ فراہم کیا ہے۔ مصری وزیرِ خارجہ بدر عبدالعاطی کے بارے میں بتایا گیا ہے کہ وہ پیرس روانہ ہوں گے، جہاں وہ غزہ کی صورتحال پر ہونے والے وزارتی اجلاس میں شریک ہوں گے، تاکہ امن عمل کو مزید مضبوط بنایا جا سکے۔
ادھر اسرائیلی وزیراعظم کے دفتر نے بیان میں کہا ہے کہ جنگ بندی آج شام اسرائیلی حکومت کی باضابطہ توثیق کے بعد نافذالعمل ہوگی۔ ایک اسرائیلی عہدیدار کے مطابق غزہ میں موجود 20 اسرائیلی قیدیوں کی رہائی اتوار یا پیر کو متوقع ہے، جسے امن معاہدے کا پہلا عملی مرحلہ قرار دیا جا رہا ہے۔ دوسری جانب غیر ملکی خبر ایجنسیوں کے مطابق حماس اور اسرائیل کے درمیان دستخط آج متوقع ہیں۔ ذرائع نے بتایا کہ فریقین دوپہر تک معاہدے پر باضابطہ دستخط کریں گے، جس کے بعد 24 گھنٹوں کے اندر اسرائیلی فوج کا جزوی انخلا شروع ہو جائے گا۔ اسی تناظر میں اسرائیلی وزیراعظم بنیامین نیتن یاہو نے معاہدے کی منظوری کے لیے دو خصوصی اجلاس طلب کرلیے ہیں، جبکہ اسرائیلی فوج نے تصدیق کی ہے کہ عمل درآمد کی تیاریوں کا آغاز کر دیا گیا ہے۔ تل ابیب میں قیدیوں کے اہلِ خانہ نے امید کا اظہار کرتے ہوئے اس معاہدے کو ’’امن کی جانب ایک مثبت قدم‘‘ قرار دیا ہے۔
ادھر غزہ شہر اور خان یونس کی گلیوں میں جنگ سے تھکے ہوئے شہری ایک دوسرے کو گلے لگاتے اور معاہدے کی مبارکباد دیتے نظر آئے۔ ان کے چہروں پر برسوں بعد امن کی امید کی چمک دیکھی گئی۔ واضح رہے کہ گذشتہ روز امریکی صدر ڈونلڈ ٹرمپ نے اپنے سوشل میڈیا پلیٹ فارم پر اعلان کیا تھا کہ اسرائیل اور حماس کے درمیان امن معاہدے پر دستخط مکمل ہوچکے ہیں اور توقع ظاہر کی تھی کہ پیر سے قیدیوں کی واپسی کا عمل شروع ہو جائے گا۔ عالمی سطح پر بھی یہ پیش رفت خوش آئند قرار دی جا رہی ہے۔ اقوامِ متحدہ کے سیکریٹری جنرل، وزیراعظم پاکستان اور دیگر عالمی رہنماؤں نے کہا ہے کہ یہ معاہدہ مشرقِ وسطیٰ میں امن کے قیام کی جانب ایک امید افزا کوشش ہے، جو خطے کے لیے نئے دور کی شروعات ثابت ہوسکتی ہے۔
سندھ حکومت کی جانب سے ترقیاتی منصوبوں پر کام روکنے کے معاملے پر وزیر اعظم سے بات کریں گے، امین الحق