سیف علی خان کا سابقہ اہلیہ امریتا سنگھ کے بارے میں حیران کن اعتراف
اشاعت کی تاریخ: 10th, October 2025 GMT
اداکار سیف علی خان نے اعتراف کیا ہے کہ اگر امریتا نہ ہوتیں تو شاید میں بالی ووڈ میں راستہ ہی نہ ڈھونڈ پاتا۔
اس بات کا انکشاف بالی ووڈ کے نواب سیف علی خان نے اپنے ایک انٹرویو میں کیا۔ انھوں نے برسوں بعد پہلی بار اپنی سابقہ بیوی اور سینئر اداکارہ امریتا سنگھ کے بارے میں وہ باتیں کھول کر بتا دیں جن کا ذکر وہ پہلے کبھی نہ کر سکے تھے۔
سیف علی خان نے کہا کہ میں کم عمر اور نا تجربہ کار تھا۔ ہماری شادی چاہے نہیں چل سکی، لیکن میں پہلی بار کہہ رہا ہوں۔ امریتا نے مجھے انڈسٹری سمجھنے، لوگوں کو پہچاننے اور اپنے راستے بنانے میں بے پناہ مدد دی۔
اس انٹرویو میں اداکارہ کاجول بھی موجود تھیں جنھوں نے مذاق میں کہا کہ “اچھا، تو امریتا نے آپ کو اچھی طرح بڑا کیا؟”
جس پر سیف نے ہنستے ہوئے جواب دیا کہ ہاں، کچھ سال واقعی بہت سیکھنے والے تھے اور ہاں، وہ ایک بہترین ماں ہیں۔ ہم آج بھی بات کر لیتے ہیں۔ خاص طور پر جب میں اسپتال میں ہوتا ہوں!”
خیال رہے کہ سیف اور امریتا کی محبت کی کہانی فلم بےخودی کے سیٹ سے شروع ہوئی اور بغیر کسی فلمی ڈیبیو کے ہی سیف نے 1991 میں امریتا سے شادی کی۔
امریتا سنگھ اس وقت 33 سال کی تھیں اور ایک کامیاب اور مقبول ہیروئن تھیں جب کہ 21 سالہ سیف علی خان کا ابھی کیریئر شروع بھی نہیں ہوا تھا کہ فلم ابھی سینما میں لگی بھی نہیں تھی۔
سیف اور امریتا کے دو بچے ہیں جن میں سے سارہ علی خان اپنی ماں کی طرح ایک مقبول اداکارہ بنتی جا رہی ہیں جب کہ ابراہیم بھی باپ کے نقش قدم پر چل پڑے ہیں۔
.ذریعہ: Daily Mumtaz
کلیدی لفظ: سیف علی خان
پڑھیں:
امریکا میں گمشدہ بلی 10 برس بعد حیران کن طور پر اپنے گھر واپس پہنچ گئی
data-id="863a0a8" data-element_type="widget" data-widget_type="theme-post-content.default">
امریکا میں ایک گمشدہ بلی 10 سال کے بعد حیران کن طور پر اپنے گھر واپس پہنچ گئی۔
بین الاقوامی خبر رساں اداروں کے مطابق یہ بلی دس برس قبل اپنے گھر سے غائب ہو گئی تھی اور خاندان نے اسے ہمیشہ کے لیے کھو دیا سمجھ کر زندگی گزارنا شروع کر دی تھی، لیکن ٹیکنالوجی نے ایک بار پھر یہ ثابت کر دیا کہ کبھی کبھار امید کا ایک چھوٹا سا دھاگا بھی برسوں بعد تعلق دوبارہ جوڑ دیتا ہے۔
اس بلی کی گھر واپسی ایک مائیکرو چپ اسکین کی بدولت ممکن ہوئی، جس نے اس کی شناخت اور اصل خاندان کا پتا فراہم کیا۔
یہ دلچسپ واقعہ امریکی ریاست نیو جرسی کے مونٹ کلیر ٹاؤن شپ اینیمل شیلٹر میں پیش آیا، جہاں عملے نے بتایا کہ ایک آوارہ بلی کو علاقے سے اٹھا کر شیلٹر لایا گیا۔ بلی کے رویّے اور جسمانی حالت سے اندازہ ہو رہا تھا کہ وہ طویل عرصے سے اکیلی بھٹک رہی ہے۔
معمول کے مطابق شیلٹر کے عملے نے اسے اسکین کیا تو حیرت انگیز طور پر چپ نے فوری طور پر اس کے اصل مالکان کی معلومات ظاہر کر دیں۔ یہ جان کر شیلٹر کے عملے سمیت سب حیران رہ گئے کہ بلی کا خاندان اسے گزشتہ 10 برس سے تلاش کر رہا تھا۔
شیلٹر نے اپنی سوشل میڈیا پوسٹ میں لکھا کہ یہی بلی اور اس کا ایک بہن بھائی تقریباً ایک دہائی قبل اسی شیلٹر سے ایک خاندان نے گود لیا تھا، مگر چند دن بعد یہ کم عمر بلی کھڑکی سے باہر نکل کر کہیں گم ہو گئی تھی اور پھر اس کا سراغ نہ مل سکا۔
خاندان نے مہینوں تک ہر طرف اس کی تلاش جاری رکھی، پمفلٹ لگائے، مذکورہ شیلٹر سے بار بار رابطہ کیا اور مقامی کمیونٹی میں معلومات پھیلائیں، لیکن تلاش بارآور ثابت نہ ہو سکی۔
دس سال تک بلی کہاں رہی، کس طرح زندہ رہی اور کس نے اس دوران اس کی دیکھ بھال کی، یہ سب اب بھی ایک معما ہے۔ لیکن شیلٹر کا کہنا ہے کہ بلی کی حالت دیکھ کر اندازہ ہوتا ہے کہ اسے ہر وقت مشکل حالات کا سامنا نہیں رہا۔
ممکن ہے کہ اسے کسی نے کچھ عرصہ اپنے پاس رکھا ہو، یا وہ مختلف مقامات پر خوراک ڈھونڈتی رہی ہو، لیکن اس تمام عرصے میں اس کی شناخت محفوظ رہی اور یہی مائیکرو چپ اسے دوبارہ اپنے خاندان تک لینے کا ذریعہ بنی۔
جیسے ہی شیلٹر نے بلی کے مالکان سے رابطہ کیا، وہ یہ سن کر خوشی سے بے قابو ہو گئے کہ ان کی بچھڑی ہوئی پالتو بلی زندہ حالت میں مل گئی ہے۔ شیلٹر کی ٹیم نے دونوں کے ملاپ کی ایک جذباتی تصویر بھی شیئر کی، جس میں بلی کو اپنے خاندان کے ہاتھوں میں سکون اور اعتماد کے ساتھ بیٹھے دیکھا جا سکتا ہے۔
اس پوسٹ نے چند گھنٹوں میں ہزاروں لوگوں کی توجہ حاصل کر لی، اور کئی صارفین نے اس کہانی کو امید کا خوبصورت پیغام قرار دیا۔
پوری قوم دہشتگردی کیخلاف جنگ میں اپنی افواج کیساتھ کھڑی ہے: وزیراعظم