اریج فاطمہ نے کینسر سے صحتیابی کے بعد عمرہ ادا کرلیا
اشاعت کی تاریخ: 14th, October 2025 GMT
کینسر سے صحتیابی کے بعد سابقہ اداکارہ اریج فاطمہ نے اپنے اہلِ خانہ کے ہمراہ عمرے کی سعادت حاصل کرلی۔
دین کے خاطر شوبز کی خیرباد کہہ کر انڈسٹری سے کنارہ کشی اختیار کرنے والی سابقہ اداکارہ اریج فاطمہ نے عمرے کی ادائیگی کے دوران اپنے روحانی تجربات اور احساسات سوشل میڈیا پلیٹ فارم انسٹاگرام پر اپنے مداحوں کے ساتھ شیئر کیے ہیں۔
انہوں نے بتایا کہ کینسر کے خلاف کامیاب جدوجہد کے بعد عمرہ ادا کرنا ان کے لیے نہایت جذباتی اور شکرگزاری کا لمحہ تھا۔ اداکارہ نے سوشل میڈیا پر ویڈیو شیئر کرتے ہوئے کیپشن میں لکھا کہ ’الحمدللّٰہ، ہم نے عشاء کے بعد نہایت سکون اور اطمینان کے ساتھ عمرہ مکمل کیا اور دل سے اللّٰہ تعالیٰ کا شکر ادا کیا‘۔
A post common by Arij Fatyma (@arijfatymajafri)
اریج فاطمہ نے مزید بتایا کہ اگلا دن خانہ کعبہ میں عبادت کرتے ہوئے گزرا، جہاں انہیں حطیم میں نماز ادا کرنے اور کسوہ پر اپنے خاندان کے نام لکھنے کی سعادت نصیب ہوئی۔
انہوں نے یہ بھی ذکر کیا کہ اگرچہ وہ حجر اسود کے قریب پہنچ گئیں تھیں، لیکن ہجوم کی وجہ سے اسے بوسہ نہیں دے سکیں۔ ان کا کہنا تھا کہ بعض اوقات صبر اور تحمل بھی عبادت کی ایک صورت ہے۔
یاد رہے کہ اریج فاطمہ نے حال ہی میں مداحوں کو بتایا تھا کہ وہ گزشتہ کچھ عرصے سے کینسر میں مبتلا تھیں تاہم اب وہ اسے شکست دے کر زندگی کی طرف واپس لوٹ گئیں ہیں۔ انہوں نے مداحوں کیلئے کینسر سے آگاہی کی ویڈیوز بھی شیئر کی تھیں۔
TagsShowbiz News Urdu.
ذریعہ: Al Qamar Online
کلیدی لفظ: اریج فاطمہ نے کے بعد
پڑھیں:
بنگلا دیش کی سابق وزیرِ اعظم خالدہ ضیا تشویشناک حالت میں اسپتال میں داخل؛ دعاؤں کی اپیل
بنگلا دیش کی 3 بار وزیراعظم رہنے والی بیگم خالدہ ضیا کی طبیعت کافی ناساز ہے اور انھیں انتہائی نگہداشت کے وارڈ میں داخل کیا گیا ہے۔
عالمی خبر رساں ادارے کے مطابق شیخ حسینہ واجد کے دور میں زیادہ تر عرصہ قید میں گزارنے والی 80 سالہ خالدہ ضیا کو گزشتہ برس کے آخر میں رہائی نصیب ہوئی تھی۔
انھیں جیل سے رہائی اُس وقت ملی تھی جب شیخ حسینہ واجد طلبا تحریک کے نتیجے میں اقتدار چھوڑ کر بھارت فرار ہونے پر مجبور ہوگئی تھیں۔
خالدہ ضیا جیل میں ہی علیل ہوگئی تھیں اور رہائی کے بعد بھی کچھ عرصہ اسپتال میں بھی گزارا تھا اور تب سے وہ گھر پر آرام ہی کر رہی تھیں۔
تاہم اب انھیں پھیپھڑوں کے انفیکشن کے باعث سانس لینے میں شدید مشکلات کا سامنا کرنا پڑ رہا ہے اور اسی وجہ سے آئی سی یو میں داخل کیا گیا ہے۔
بی این پی کے سیکریٹری جنرل مرزا فخرالاسلام عالمگیر نے بتایا کہ ڈاکٹروں کے مطابق خالدہ ضیاء کی حالت بہت نازک ہے۔
خالدہ ضیا کے بڑے بیٹے طارق رحمان 2008 سے لندن میں مقیم ہیں، انھوں نے سوشل میڈیا پر عوام سے والدہ کی صحت کے لیے دعا کی اپیل کی ہے۔
طارق رحمان نے مزید کہا کہ وہ عوام کی محبت اور دعاوں کے لیے شکرگزار ہیں تاہم بنگلا دیش واپس آنا ان حالات میں ممکن نہیں۔
یاد رہے کہ خالدہ ضیاء تین بار وزیرِ اعظم رہ چکی ہیں اور 2018 سے شیخ حسینہ کی حکومت کے دوران کرپشن کے الزام میں مسلسل جیل میں تھیں۔
خالدہ ضیا کی سخت حریف شیخ حسینہ واجد نے انھیں علاج کے لیے بیرونِ ملک جانے کی اجازت بھی نہیں دی تھی۔
گرین لائن کامن کوریڈور آئندہ سال کھول دیا جائیگا، میئر کراچی