کراچی: صبح میں سردی اور دوپہر میں شدید گرمی، شہریوں کو احتیاط کا مشورہ
اشاعت کی تاریخ: 18th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی کے شہری اس وقت موسم کے منفرد امتزاج کا تجربہ کر رہے ہیں، جہاں صبح اور رات کے اوقات میں سردی کی خوشگوار لہر محسوس کی جا رہی ہے جب کہ دن کے وقت گرم اور خشک ہوائیں چلنے سے درجہ حرارت میں نمایاں اضافہ ہو رہا ہے۔
محکمہ موسمیات کے مطابق گزشتہ دنوں کے مقابلے میں آج صبح درجہ حرارت میں ایک سے دو ڈگری کمی دیکھنے میں آئی ہے اور کم سے کم درجہ حرارت 22 ڈگری سینٹی گریڈ تک ریکارڈ کیا گیا۔
ماہرین نے شہریوں کو خبردار کیا ہے کہ آئندہ چند دنوں کے دوران سمندری ہوائیں معطل رہنے کے باعث اور گرم ریگستانی ہوائیں چلنے کی وجہ سے شہر کا پارہ 36 ڈگری سینٹی گریڈ تک پہنچ سکتا ہے۔ اس دوران شہری دن کے اوقات میں زیادہ دھوپ اور خشک ہوا کے اثرات سے متاثر ہو سکتے ہیں، خاص طور پر وہ لوگ جو زیادہ دیر باہر رہتے ہیں۔
ماہرین کے مطابق شہر کے مضافاتی علاقوں اور مرکزی حصوں میں وقفے وقفے سے گرد آلود ہوائیں چلنے کا امکان بھی موجود ہے، جس سے ہوا کی کیفیت متاثر ہو سکتی ہے اور سانس لینے میں دشواری ہو سکتی ہے۔ شہریوں کو مشورہ دیا گیا ہے کہ صبح اور شام کے وقت خنکی سے بچاؤ کے لیے مناسب لباس اور دیگر احتیاطی تدابیر اختیار کریں۔
محکمہ موسمیات نے یہ بھی کہا ہے کہ شہر میں آنے والے دنوں میں موسم میں اتار چڑھاؤ معمول کی بات ہے اور شہری اپنے روزمرہ کے شیڈول میں موسم کے مطابق تبدیلیاں کر کے صحت کو محفوظ رکھ سکتے ہیں۔
.ذریعہ: Jasarat News
پڑھیں:
کراچی میں ڈکیتی مزاحمت پر نوجوان کا قاتل شہریوں کے ہاتھوں زندہ جلا دیا گیا
data-id="863a0a8" data-element_type="widget" data-widget_type="theme-post-content.default">
کراچی: شہر قائد کے علاقے اورنگی ٹاؤن میں نوجوان کو قتل کرنے والے ڈاکو کو شہریوں نے پکڑ کر زندہ جلا دیا۔
کراچی میں اورنگی ٹاؤن کے سیکٹر 7 بلوچ گوٹھ میں ڈاکوؤں نے مزاحمت پر شہری کو گولی ماری، فائرنگ کی آواز سن کر لوگ جمع ہوئے تو ڈاکو فرار ہونے لگے اس دوران ایک ڈاکو شہریوں کے ہتھے چڑھ گیا۔ مشتعل عوام نے ڈاکو کو بجلی کے کھمبے سے باندھ کو بدترین تشدد کا نشانہ بنایا اس کے بعد پیٹرول چھڑک کر آگ لگادی۔
ذرائع کا کہنا ہے کہ ڈاکو جلتا رہا، بچنے کے لیے ہاتھ پاؤں مارتا رہا اور لوگ ویڈیو بناتے رہے، پولیس اہلکار نے موقع پر پہنچ کر آگ بجھائی لیکن تب تک ڈاکو کی مر چکا تھا۔
ادھر غفلت برتنے پر ایس ایچ او اورنگی ٹاؤن یوسف مہر کو معطل کردیا گیا ہےجبکہ پولیس کی مدعیت میں مقدمہ 30 سے 35 افراد کے خلاف درج کرلیا گیا
پولیس کا کہنا ہے کہ اورنگی ٹاؤن سیکٹر سیون ایف میں صبح 8 بجے اطلاع ملی جب نفری موقع پر پہنچی تو معلوم ہوا 2 ڈاکوؤں نے عبدالحنان نامی شخص کو قتل کیا، واقعے کے بعد مشتعل افراد نے ایک ڈاکو کو پکڑ کر تشدد کا نشانہ بنانے کے بعد آگ لگادی۔
تفتیشی حکام کا کہنا ہے کہ مارے گئے ڈاکو کی شناخت ساجد کے نام سے ہوئی ہے۔
اے پی پی کے 10 ملازمین و افسروں عدالت سے بری