ہیڈنگ: زیرو پوائنٹ ناکے پر کارروائی، جے یو آئی رہنما فرخ کھوکھر گرفتار
اشاعت کی تاریخ: 26th, November 2025 GMT
اسلام آباد پولیس نے کارروائی کرتے ہوئے جے یو آئی کے رہنما فرخ کھوکھر کو مبینہ طور پر غیر قانونی اسلحہ رکھنے کے الزام میں حراست میں لے لیا۔
پولیس کے مطابق گرفتاری زیرو پوائنٹ پر قائم چیک پوائنٹ سے عمل میں آئی، جہاں تلاشی کے دوران اسلحہ کی موجودگی کا انکشاف ہوا۔
گرفتاری کے بعد فرخ کھوکھر کو قانونی کارروائی کے لیے تھانہ آبپارہ منتقل کر دیا گیا ہے، جہاں مزید تفتیش جاری ہے۔
واضح رہے کہ راولپنڈی اور اسلام آباد کے ایک معروف سیاسی گھرانے سے تعلق رکھنے والے فرخ کھوکھر نے چند ماہ قبل جمعیت علمائے اسلام میں شمولیت اختیار کی تھی۔ پولیس ذرائع کے مطابق معاملے کی تمام قانونی پہلوؤں سے جانچ پڑتال کی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: فرخ کھوکھر
پڑھیں:
اسلام آباد، غیر قانونی مقیم 539 افغانیوں کو حراست میں لے لیا گیا
فائل فوٹواسلام آباد پولیس نے غیر قانونی طور پر مقیم 539 افغان باشندوں کو حراست میں لے لیا۔
دارالحکومت اسلام آباد کی پولیس نے غیر قانونی طور پر مقیم افغان باشندوں کے خلاف آپریشن کیا ہے، جس کے دوران غیر قانونی مقیم 539 افغان باشندے حراست میں لیے گئے، انہیں افغانستان واپس بھجوایا جائے گا۔
حکام کے مطابق زیر حراست افغان باشندے کسی قسم کا ویزا یا دیگر دستاویز پیش نہیں کرسکے۔
پولیس حکام کے مطابق غیر قانونی طور پر مقیم افغان باشندوں کو حاجی کیمپ سے افغانستان کے بارڈر پر منتقل کیا جائے گا۔
عدالت کو سیاسی اکھاڑہ نہ بنائیں،27 ویں آئینی ترمیم پڑھ کر آئیں، آئینی عدالت کے جج کا مکالمہ