وفاقی وزیر پلاننگ احسن اقبال کی زیر صدارت ترقیاتی منصوبوں سے متعلق گلگت میں اہم اجلاس
اشاعت کی تاریخ: 26th, November 2025 GMT
وفاقی وزیر احسن اقبال نے کہا کہ ترقیاتی منصوبوں کی تکمیل سے عوام جلد از جلد ان کے ثمرات سے مستفید ہو سکیں گے۔ انہوں نے یقین دہانی کرائی کہ وفاق گلگت بلتستان حکومت کے ساتھ مکمل تعاون جاری رکھے گا اور وفاقی منصوبوں کی بروقت تکمیل کو ہر صورت یقینی بنایا جائے گا۔ اسلام ٹائمز۔ وفاقی وزیر منصوبہ بندی، ترقی و اصلاحات احسن اقبال کی زیر صدارت گلگت بلتستان میں جاری وفاقی ترقیاتی پروگرام (PSDP) کے منصوبوں سے متعلق ایک اہم اجلاس گلگت میں منعقد ہوا، جس میں خطے میں جاری مختلف ترقیاتی منصوبوں کا تفصیلی جائزہ لیا گیا۔ اجلاس کے دوران ایڈیشنل چیف سیکریٹری گلگت بلتستان مشتاق احمد نے پاور، سی اینڈ ڈبلیو، ہیلتھ اور پی پی ایچ سیکٹرز سمیت اہم منصوبوں پر پیش رفت سے آگاہ کیا۔ اس موقع پر 16 میگا واٹ نلتر-III ہائیڈرو پاور پراجیکٹ، ہینزل میں 20/40 میگا واٹ ہائیڈرو پاور پراجیکٹ، گلگت بلتستان میں فیز-I کے تحت ریجنل گرڈ کے قیام، بین الصوبائی رابطہ سڑکوں کی تعمیر، 40 کلومیٹر طویل شاہراہ نگر، اور گلگت میں 50 بستروں پر مشتمل کارڈیک اسپتال کے حوالے سے بریفننگ دی گئی۔ اجلاس کو مزید بتایا گیا کہ خطے میں 100 میگا واٹ کے سولرائزیشن منصوبے پر بھی پیش رفت جاری ہے، جو مستقبل میں توانائی کے شعبے میں ریلیف فراہم کرے گا۔
چیف سیکریٹری نے اجلاس کو بتایا کہ ریجنل گرڈ اسٹیشن کا قیام خطے کی معاشی ترقی کے لیے گیم چینجر ثابت ہوگا۔ انہوں نے بتایا کہ ای آفس اور ای پروکیورمنٹ کے نفاذ سے سرکاری امور میں شفافیت اور کارکردگی میں بہتری آئی ہے۔ اس کے علاوہ ہنزہ میں این پاک انرجی کے ساتھ نئے معاہدے سے بجلی کی لوڈشیڈنگ میں نمایاں کمی متوقع ہے۔ اس موقع پر وفاقی وزیر احسن اقبال نے کہا کہ ترقیاتی منصوبوں کی تکمیل سے عوام جلد از جلد ان کے ثمرات سے مستفید ہو سکیں گے۔ انہوں نے یقین دہانی کرائی کہ وفاق گلگت بلتستان حکومت کے ساتھ مکمل تعاون جاری رکھے گا اور وفاقی منصوبوں کی بروقت تکمیل کو ہر صورت یقینی بنایا جائے گا۔ احسن اقبال نے اس عزم کا بھی اظہار کیا کہ گلگت بلتستان کو جدید تقاضوں سے ہم آہنگ کرنے کے لیے صوبائی حکومت کو اپنا اصلاحاتی پروگرام موثر انداز میں تشکیل دینا چاہیے، تاکہ خطے کو معاشی ترقی، توانائی کے استحکام اور بہتر گورننس کی جانب تیزی سے لے جایا جاسکے۔
ذریعہ
ذریعہ: Islam Times
کلیدی لفظ: ترقیاتی منصوبوں گلگت بلتستان وفاقی وزیر احسن اقبال منصوبوں کی
پڑھیں:
نواز شریف ایک روزہ دورے پر گلگت بلتستان پہنچ گئے
گلگت (ڈیلی پاکستان آن لائن) پاکستان مسلم لیگ (ن) کے صدر اور سابق وزیراعظم نواز شریف ایک روزہ دورے پر گلگت بلتستان پہنچ گئے۔
نجی ٹی وی چینل دنیا نیوز کے مطابق وفاقی وزراء خواجہ محمد آصف، احسن اقبال، رانا ثناء اللہ، سینیٹر پرویز رشید، پنجاب کی سینئر صوبائی وزیر مریم اورنگزیب، سینیٹر انوشہ رحمن، کاظم پیرزادہ بھی نواز شریف کے ہمراہ ہیں۔
گلگت پہنچنے پر وفاقی وزیر امور کشمیر انجینئر امیر مقام، سابق وزیراعلیٰ گلگت بلتستان حافظ حفیظ الرحمان، کیپٹن (ر) محمد صفدر اور دیگر پارٹی رہنماؤں نے پارٹی صدر کا استقبال کیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
نواز شریف پارٹی رہنماؤں اور گلگت بلتستان کے انتخابات میں حصہ لینے والے پارٹی ٹکٹ ہولڈرز سے ملاقاتیں کریں گے۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ