وفاقی وزیر امور کشمیر امیر مقام گلگت پہنچ گئے
اشاعت کی تاریخ: 25th, November 2025 GMT
۔ وزیر امور کشمیر جی بی کے نگراں وزیرِ اعلیٰ جسٹس (ر) یار محمد کی حلف برداری کی تقریب میں شریک ہوں گے۔ وفاقی وزیر کی گِلگت ایئرپورٹ آمد پر اُن کا پرتپاک استقبال کیا گیا۔ اسلام ٹائمز۔ وفاقی وزیر برائے امورِ کشمیر، گلگت بلتستان اور سیفران انجینئر امیر مقام گِلگت پہنچ گئے۔ وزیر امور کشمیر جی بی کے نگراں وزیرِ اعلیٰ جسٹس (ر) یار محمد کی حلف برداری کی تقریب میں شریک ہوں گے۔ وفاقی وزیر کی گِلگت ایئرپورٹ آمد پر اُن کا پرتپاک استقبال کیا گیا۔ مسلم لیگ (ن) کے صدر اور سابق وزیرِ اعلیٰ گلگت بلتستان حافظ حفیظ الرحمن نے اُن کا خیرمقدم کیا، ایئرپورٹ پر سینئر سرکاری افسران، مسلم لیگ (ن) کے دیگر رہنما اور وزارت کے اعلیٰ حکام بھی موجود تھے۔ وفاقی وزیر کے ہمراہ وزارتِ امورِ کشمیر و گلگت بلتستان کے سینئر افسران بھی گِلگت پہنچے ہیں۔ انجینئر امیر مقام اپنے دورۂ گلگت کے دوران اہم ملاقاتیں بھی کریں گے۔ نگران وزیر اعلیٰ کی حلف برداری کل گیارہ بجے گلگت میں ہو گی۔
.ذریعہ: Islam Times
کلیدی لفظ: وفاقی وزیر
پڑھیں:
گلگت بلتستان الیکشن، سکردو میں اسلامی تحریک کا اعلیٰ سطحی اجلاس، تیاریوں کا جائزہ
کمیٹی کے شرکاء نے اس عزم کا اعادہ کیا کہ اگر عوام نے موقع دیا تو آئندہ بھی اسلامی تحریک پاکستان نئی انقلابی روح کے ساتھ جی بی کی عوام کے معیار زندگی کو بہتر بنانے اور جی بی کی تعمیر و ترقی اور خوشحالی میں اپنا کلیدی کردار ادا کرے گی۔ اسلام ٹائمز۔ اسلامی تحریک پاکستان کی سیاسی انتخابی کمیٹی کا پہلا رسمی اجلاس چیئرمین کمیٹی اسلامی تحریک پاکستان، مرکزی سیکرٹری جنرل علامہ ڈاکٹر شبیر حسن میثمی کی زیرصدارت سکردو میں منعقد ہوا، جس میں اسلامی تحریک پاکستان کے مرکزی نائب صدر علامہ محمد رمضان توقیر، صوبائی صدر علامہ شیخ مرزا علی، مرکزی سیکرٹری اطلاعات زاہد علی آخونزدادہ، شیخ نثار اتحادی، سید محمد حسن سبزواری، مولانا سلمان کمال، سخی احمد جان، نثار حسین، موسیٰ سدپارہ، مہدی علی ایڈووکیٹ اور شاہ رئیس خان نے شرکت کی، جبکہ مرکزی ڈپٹی سیکرٹری جنرل سید مصور نقوی نے آن لائن اجلاس میں شرکت کی۔ اجلاس میں جی بی کے آئندہ انتخابات میں اسلامی تحریک پاکستان کے میدان عمل میں اترنے کا تفصیلی جائزہ لیا گیا اور گلگت بلتستان کے حلقوں میں مرحلہ وار رابطہ عوام مہم چلانے کے لیے ابتدائی حکمت عملی طے کی گئی۔ اجلاس میں شرکاء کمیٹی کو اسلامی تحریک پاکستان کی سابقہ اور حالیہ عوامی خدمات اور اقدامات کی بھی بریفنگ دی گئی، جس کو بہترین قرار دیتے ہوئے متفقہ طور پر سراہا گیا۔
اس موقع پر اسلامی تحریک پاکستان میں شمولیت کی خواہشمند شخصیات کے رابطوں کو بھی مرحلہ وار مکمل کرنے کی منظوری دی گئی اور سیاسی انتخابی کمیٹی نے رابطوں کے لیے پہلے سے موجود رابطہ کمیٹی کو متفقہ طور اختیار دیا کہ وہ سیاسی اور انتخابی امور کی انجام دہی کے لیے فوری اقدامات اٹھائے۔ شرکاء اجلاس نے اسلامی تحریک پاکستان کی عوامی مقبولیت کے باعث جی بی میں کامیابی کو یقینی قرار دیتے ہوئے کہا کہ اسلامی تحریک پاکستان کا جی بی کی عوام کے لیے خدمات کا سلسلہ تسلسل سے جاری ہے اور آئی ٹی پی حکومت میں ہوتے ہوئے اور حکومت کے بغیر بھی مسلسل عوامی خدمات انجام دیتی رہی ہے۔ کمیٹی کے شرکاء نے اس عزم کا اعادہ کیا کہ اگر عوام نے موقع دیا تو آئندہ بھی اسلامی تحریک پاکستان نئی انقلابی روح کے ساتھ جی بی کی عوام کے معیار زندگی کو بہتر بنانے اور جی بی کی تعمیر و ترقی اور خوشحالی میں اپنا کلیدی کردار ادا کرے گی۔
جعلی دستاویزات اسکینڈل، فیفا نے ملائیشین فٹ بال ایسوسی ایشن پر جرمانہ اور 7 کھلاڑی معطل کر دیے