بلدیاتی ایکٹ میرے دستخط کا منتظر، میں اسے سمجھ نہیں پایا، گورنر پنجاب
اشاعت کی تاریخ: 18th, October 2025 GMT
data-id="863a0a8" data-element_type="widget" data-widget_type="theme-post-content.default">
مری:۔ گورنر پنجاب سردار سلیم حیدر خان نے کہا ہے کہ بلدیاتی ایکٹ 2025ءمیرے دستخط کا منتظر ہے اور میں بلدیاتی ایکٹ کو سمجھنے کا منتظر ہوں۔ مری بار ایسوسی ایشن کی استقبالیہ تقریب سے خطاب کرتے ہوئے گورنرپنجاب سردار سلیم حیدر خان کا کہنا تھا کہ سیکرٹری بلدیات پیر کو بریفنگ دیں گے، پھر بلدیاتی ایکٹ 2025 پر فیصلہ کروں گا۔
انہوں نے کہا کہ میں اس ملک کا رہائشی ہوں، بیرون ممالک جائیدادیں بھی نہیں، نہ کہیں شفٹ ہونا ہے، احتجاجی مظاہروں سے ملکی ترقی کا راستہ نہ روکا جائے، جذبات میں آکر اپنے ہاتھوں سے اپنے ملک کا نقصان نہ کریں۔
گورنر پنجاب سردار سلیم حیدر خان نے کہا کہ مری میں تجاوزات کے خلاف آپریشن کے لیے مقامی لوگوں کے گلے شکوے دور کرنے کی ضرورت ہے، سڑکیں بند کرنے، دکانیں جلانے اور عوام کے مال وجان کو نقصان پہنچانے کے خلاف سخت قانون سازی ہونی چاہیے۔ انہوں نے یہ بھی کہا کہ عالمی میڈیا پر اپنے ملک کو بدنام کرنے کی سخت سزا ہونی چاہیے۔
ذریعہ: Jasarat News
کلیدی لفظ: بلدیاتی ایکٹ
پڑھیں:
بااختیاربلدیاتی نظام کیلیے تحریک 7دسمبر سے شروع ہوگی‘ طارق سلیم
data-id="863a0a8" data-element_type="widget" data-widget_type="theme-post-content.default">
251201-08-14
اسلام آباد ( نمائندہ جسارت ) امیر جماعت اسلامی پنجاب ڈاکٹر طارق سلیم نے کہا ہے کہ بلدیاتی نظام میں اختیارات کی نچلی سطح پر منتقلی کے راستے میں حائل حکمرانوں ہوں یا بیوروکریسی ان کے خلاف تحریک چلائی جائے گی،اس سلسلے میں پنجاب بھر میں دستخطی مہم، سیمینار، احتجاجی مظاہروں سمیت عوامی رابطہ مہم چلائی جا ئے گی، انھوں نے کہا 7 دسمبر کو پورے پنجاب میں بلد یاتی انتخابات کے انعقاد کے لیے احتجاجی مظاہرے کیے جا ئیں گے، صوبائی دارلحکومت لاہور میں ہو نے والے احتجاجی مظاہرے کی قیادت امیر جماعت اسلامی حافظ نعیم الرحمن کریں گے۔ان خیالات کا اظہار انھوں نے اُمراء اضلاع کہ جا ئزہ اجلاس سے خطاب کر تے ہو ئے کیا۔ڈاکٹر طارق سلیم نے کہا حکومت اور اپوزیشن میں بیٹھے مافیازنے عوام کے چاروں طرف اپنے پنجے گاڑھ رکھے ہیں،عوام بنیادی ضروریات زندگی سے محروم ہیں، گیس اور بجلی کے بلوں نے عام آدمی کی کمر توڑ دی ہے،پاکستان پر ان چوروں اور عوام دشمن مافیاز کو مسلط کر نے میں خلائی مخلوق سمیت عوام بھی شامل ہیں جو ایسے بدیانتوں اور چوروں کو اپنے کندھوں پر بٹھاتے اور ان کے نعرے لگاتے ہیں، انھوں نے کہا جماعت اسلامی ملک میں قرآن و سنت کے نظام کے لئے جدوجہد کررہی ہے۔اللہ کا عطا کردہ نظام ہی عوام کو پریشانیوں اور مسائل سے نکال سکتا ہے۔ قوم اللہ کے نافرمانوں اور کرپشن میں ہاتھ رنگنے والوں کے بجائے جماعت اسلامی کا ساتھ دے تاکہ ملک کو ان چوروں اور لٹیروں سے نجات دلائی جاسکے اور پاکستان کو اس کے نظریے کے مطابق حقیقی معنوں میں ایک اسلامی و فلاحی ریاست بنایا جاسکے۔
وفاقی وزیر پلاننگ احسن اقبال کی زیر صدارت ترقیاتی منصوبوں سے متعلق گلگت میں اہم اجلاس