سندھ حکومت کے دعوے کہاں گئے؟
اشاعت کی تاریخ: 19th, October 2025 GMT
data-id="863a0a8" data-element_type="widget" data-widget_type="theme-post-content.default">
251019-03-2
کراچی ایک بار پھر حادثات کی لپیٹ میں ہے۔ لیاقت آباد اور ملیر ماڈل کالونی میں دو الگ الگ واقعات میں تیز رفتار ٹرکوں نے موٹر سائیکل سواروں کو کچل دیا، جس کے نتیجے میں دو افراد جاں بحق اور تین زخمی ہو گئے۔ مرنے والوں میں 37 سالہ صابر شامل ہے، جو دو بچیوں کا باپ اور ایف سی ایریا کا رہائشی تھا۔ دوسرے واقعے میں ملیر ماڈل کالونی کے قریب ایک شخص موقع پر جاں بحق ہوا اور دو زخمی زندگی و موت کی کشمکش میں ہیں۔ ان واقعات کے بعد لوگوں نے احتجاجاً ٹرکوں پر پتھراؤ کیا، انہیں نقصان پہنچایا اور سڑکیں بند کر دیں۔ نتیجتاً شہر کی اہم شاہراہوں پر بدترین ٹریفک جام ہوگیا۔ لیکن اصل سوال یہ ہے کہ ایسے حادثات کیوں بڑھ رہے ہیں؟ سندھ حکومت، جو آئے دن شہری سہولتوں، ٹریفک اصلاحات اور سڑکوں کی بہتری کے دعوے کرتی ہے، وہ کہاں ہے؟ کراچی کی سڑکیں موت کے کنویں بن چکی ہیں۔ بھاری گاڑیاں، ٹریلرز اور ٹرک دن رات رہائشی علاقوں میں دوڑتے ہیں۔ ٹریفک پولیس بے بس ہے یا بے پروا۔ نہ چالان کا ڈر، نہ قانون کی گرفت۔ حکومت کی ناک کے نیچے ٹرانسپورٹ مافیا کھلے عام انسانی جانوں سے کھیل رہی ہے۔ حادثات کے بعد چند رسمی گرفتاریاں تو ہو جاتی ہیں، لیکن کوئی مستقل پالیسی یا اصلاحی قدم نظر نہیں آتا۔ یہ حقیقت ہے کہ سندھ حکومت نے باتوں کے سوا شہری ٹریفک اور سڑکوں کے نظام کو کبھی ترجیح نہیں دی۔ شہر تجاوزات، غیر قانونی پارکنگ، اور خراب سڑکوں کے بوجھ تلے دب چکا ہے۔ عوام ٹریفک میں پھنسے رہتے ہیں اور سندھ حکومت کے نمائدے پریس کانفرنس سے عوام کو تسلی دینے کی کوشش کرتے ہیں۔ ضرورت اس بات کی ہے کہ سندھ حکومت باتیں نہیں، عملی اقدامات کرے۔
ذریعہ: Jasarat News
کلیدی لفظ: سندھ حکومت
پڑھیں:
پڈعیدن، مختلف حادثات میں 3افراد جاں بحق ، بچی سمیت 2زخمی
data-id="863a0a8" data-element_type="widget" data-widget_type="theme-post-content.default">
پڈعیدن( نمائندہ جسارت) محراب پور اور پڈعیدن میں مختلف حادثات 3 افراد جاں بحق، ایک بچی سمیت دو زخمی،گھروں میں کہرام مچ گیا۔ تفصیلات کے مطابق محراب پور بوگڑی شاخ کے قریب افسوسناک ٹریفک حادثہ پیش آیا، جہاں ٹریکٹر ٹرالی کی موٹر سائیکل سے ٹکر کے نتیجے میں دو افراد موقع پر ہی جاں بحق جبکہ دو افراد زخمی ہو گئے۔پولیس کے مطابق جاں بحق ہونے والوں کی شناخت مسمات روبل اور 10 سالہ روزینہ بھانھبن کے طور پر ہوئی ہے، جبکہ زخمیوں میں کامران ولد ملہار بھانھبن سمیت ایک دیگر شخص شامل ہے۔زخمیوں کو فوری طور پر اسپتال منتقل کیا گیا جہاں انہیں طبی امداد فراہم کی جا رہی ہے۔ ڈاکٹروں نے ضروری کارروائی کے بعد نعشیں ورثا کے حوالے کر دی ہیں۔ پولیس نے واقعے کی تحقیقات شروع کر دی ہیں۔پڈعیدن گوٹھ چیہو میں دیوار منہدم ہونے سے ایک مزدور صحبت ولد آچر خاصخیلی جاں بحق ہوگیا،لاشیں گھروں میں پہچنے پر کہرام مچ گیا۔
وزیر داخلہ کا ٹی چوک فلائی اوور اور شاہین چوک انڈر پاس کا دورہ