سندھ حکومت کا دیوالی پر دوروزہ عام تعطیل
اشاعت کی تاریخ: 18th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی:۔ سندھ حکومت نے ہندو ملازمین کے لیے 20 اور 21 اکتوبر کو دو دن کی سرکاری چھٹی کا نوٹیفکیشن جاری کیا ہے، 19 اکتوبر اتوار کا دن پہلے سے ہی ہفتہ وار چھٹی ہے اس لیے ہندو ملازمین کو 19 سے 21 اکتوبر تک تین دن کی مسلسل چھٹی مل جائے گی، وہ اس موقع پر اپنے خاندان اور پیاروں کے ساتھ دیوالی کی خوشیاں منا سکیں گے۔
سروسز، جنرل ایڈمنسٹریشن اینڈ کوآرڈینیشن ڈپارٹمنٹ کے نوٹیفکیشن کے مطابق یہ چھٹیاں صوبے بھر کی تمام سرکاری اور نیم سرکاری اداروں، اسکولوں، کالجوں، یونیورسٹیوں اور مقامی کونسلوں میں کام کرنے والے تمام ہندو ملازمین پر لاگو ہوں گی۔
فی الحال سندھ ہی واحد صوبہ ہے جس نے دیوالی پر سرکاری چھٹی کا اعلان کیا ہے لیکن جلد ہی وفاقی حکومت اور دیگر صوبوں سے بھی ایسے اعلانات متوقع ہیں، اس سے پورے پاکستان میں ہندو برادری دیوالی کا تہوار قومی سطح پر باوقار طریقے سے منا سکے گی۔
ذریعہ
ذریعہ: Jasarat News
پڑھیں:
حیسکو میں گھوسٹ، ریٹائرڈ ملازمین کی تنخواہ کے نام پر 1 ارب 6 کروڑ روپے کی خرد برد کا انکشاف
فائل فوٹوپبلک اکاؤنٹس کمیٹی کے اجلاس میں حیدرآباد الیکٹرک سپلائی کمپنی (حیسکو) میں گھوسٹ، ریٹائرڈ ملازمین کی تنخواہ کے نام پر 1 ارب 6 کروڑ روپے کی خرد برد کا انکشاف ہوا ہے۔
آڈٹ رپورٹ کے مطابق حیسکو کے ڈی ڈی او، ایکسیئن اور سی ایف او آفس کی ملی بھگت سے خرد برد کی گئی۔
سی ای او حیسکو کے مطابق اس کیس میں چار ملازمین کو برطرف کیا جا چکا ہے۔ تین اکاؤنٹس افسران، ایک فنانس افسر کو نوکری سے نکالا گیا۔
ایف آئی اے حکام کا کہنا ہے کہ اس کیس کے 5 مقدمات درج کیے گئے، 130 سے زائد افراد ملوث تھے، اب تک صرف 13 کروڑ روپے کی ریکوری ہوئی ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی