افغانستان میں دہشتگردوں کے ٹھکانے ناقابلِ قبول ہیں، رانا تنویر حسین
اشاعت کی تاریخ: 19th, October 2025 GMT
وفاقی وزیر برائے غذائی تحفظ و تحقیق رانا تنویر حسین نے واضح کیا ہے کہ پاکستان کو افغان سرزمین پر موجود دہشتگردوں کے ٹھکانے کسی صورت قبول نہیں۔
مریدکے میں میڈیا سے گفتگو کرتے ہوئے ان کا کہنا تھا کہ افغانستان ایک برادر اور ہمسایہ ملک ہے، لیکن اگر وہ بھارت کی پراکسی بننے کی کوشش کرے گا تو پاکستان چپ نہیں بیٹھے گا۔ اُنہوں نے کہا کہ افغان حکومت کو چاہیے کہ دہشتگرد عناصر کو روکے، ورنہ پاکستان اپنے تحفظ کے لیے ضروری اقدامات کرے گا۔
رانا تنویر کا کہنا تھا کہ پاکستان افغانستان میں امن، ترقی اور خوشحالی کا خواہاں ہے، کیونکہ خطے میں استحکام سب کے مفاد میں ہے۔ ساتھ ہی انہوں نے کہا کہ پاکستان دہشتگردی کے خاتمے کے لیےپختہ ارادہ کرچکا ہے۔
انہوں نے سابق وزیراعلیٰ عثمان بزدار پر طنز کرتے ہوئے کہا کہ پیرول پر رہائی کی دعائیں کرنے والا ہی آج خطے میں کشیدگی کی وجوہات بن رہا ہے،سہیل آفریدی آل راؤنڈر نہیں بلکہ بزدار ٹو ثابت ہوگا۔
زرعی شعبے پر بات کرتے ہوئے رانا تنویر نے کہا کہ زرعی ترقی کے لیے جدید ٹیکنالوجی کا استعمال ناگزیر ہے، اور اگر تسلسل اور استحکام قائم رہا تو پاکستان ایک مضبوط معیشت کے طور پر ابھرے گا۔
ذریعہ: Daily Mumtaz
کلیدی لفظ: رانا تنویر کہا کہ
پڑھیں:
کابینہ اجلاس میں امریکی صدر ڈونلڈ ٹرمپ سو گئے، ویڈیو وائرل
امریکی صدر ڈونلڈ ٹرمپ وائٹ ہاؤس میں ہونے والے کابینہ اجلاس کے دوران نیند سے لڑتے ہوئے دکھائی دیے جس کی ویڈیو سوشل میڈیا پر وائرل ہو گئی۔
وائرل ویڈیو میں ڈونلڈ ٹرمپ کبھی آنکھیں بند کرتے اور کبھی جھپکی لیتے ہوئے محسوس ہوئے، 2 گھنٹے 18 منٹ طویل اجلاس کے دوران 79 سالہ صدر متعدد مواقع پر آنکھیں بند کرتے اور کرسی میں آگے پیچھے جھولتے ہوئے نظر آئے۔ بعض اوقات وہ اپنی آنکھیں کھلی رکھنے میں بھی مشکل محسوس کرتے رہے۔ اس دوران کابینہ ارکان اپنی کارکردگی بیان کر رہے تھے۔
BREAKING: In a stunning moment, Donald Trump has fallen asleep during his own cabinet meeting. This is so embarrassing. pic.twitter.com/fNNHB1E27t
— Democratic Wins Media (@DemocraticWins) December 2, 2025
حالانکہ اجلاس کے آغاز میں انہوں نے میڈیا کی اس کوریج پر تنقید کی تھی جس میں اُن کی عمر کے باعث درپیش چیلنجز کا ذکر تھا۔ جب پوچھا گیا کہ آیا صدر ٹرمپ سو گئے تھے تو وائٹ ہاؤس کی پریس سیکرٹری کیرولین لیویٹ نے ایک بیان میں کہا کہ صدر ’پوری توجہ سے سن رہے تھے اور اجلاس کی سربراہی کر رہے تھے‘۔
یہ بھی پڑھیں: ’ڈونلڈ ٹرمپ میرے حقیقی والد ہیں‘، راکھی ساونت کا حیران کن دعویٰ
یہ گزشتہ ایک ماہ میں دوسرا موقع ہے جب صدر ٹرمپ کسی سرکاری تقریب کے دوران اونگھتے ہوئے نظر آئے۔ 6 نومبر کو اوول آفس میں بھی ان کی آنکھیں چند لمحوں کے لیے بند ہوتی ریکارڈ کی گئی تھیں، جس پر میڈیا نے ان کی عمر اور توانائی کے حوالے سے سوالات اٹھائے تھے۔
صدر ٹرمپ حالیہ دنوں میں اس کوریج پر ناراضی کا اظہار کرتے رہے ہیں۔ وائٹ ہاؤس نے ان کے معالج کی جانب سے کیے گئے ’ایڈوانسڈ امیجنگ ٹیسٹس‘ کی رپورٹ جاری کی جس میں صدر کی مجموعی صحت کو ’بہترین‘ قرار دیا گیا ہے تاہم ماہرین کے مطابق یہ واضح نہیں کہ کون سے ٹیسٹ کیے گئے اور نتائج کی اصل حیثیت کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر ڈولنڈ ٹرمپ ویڈیو وائرل ڈونلڈ ٹرمپ ڈونلڈ ٹرمپ نیند
خیبر پختونخوا فوڈ اتھارٹی کی کارروائی، مضر صحت دودھ بنانے والا نیٹ ورک بے نقاب