ہانگ کانگ آتشزدگی، 65 ہلاک، 300 لاپتا، 2 مشتبہ افراد گرفتار
اشاعت کی تاریخ: 27th, November 2025 GMT
ہانگ کانگ کے علاقے تائی پو میں واقع وانگ فوک کورٹ اپارٹمنٹ کمپلیکس میں لگنے والی خوفناک آگ کو فائر فائٹرز نے 24 گھنٹے کی جدوجہد کے بعد قابو میں کر لیا۔ سانحے میں کم از کم 65 افراد ہلاک جبکہ تقریباً 300 افراد اب بھی لاپتا ہیں جس نے اسے ہانگ کانگ کی 77 سال کی سب سے ہلاکت خیز آتش زدگی بنا دیا ہے۔
شدید گرمی اور دھوئیں کے باعث امدادی کام مشکلریسکیو اہلکاروں نے انتہائی بلند درجہ حرارت اور گھنے دھوئیں کے باوجود عمارت کی بالائی منزلوں تک پہنچنے کے لیے مسلسل کوششیں جاری رکھیں جہاں بڑی تعداد میں رہائشیوں کے پھنسے ہونے کا خدشہ ہے۔
یہ بھی پڑھیں: ہانگ کانگ میں رہائشی ٹاورز میں خوفناک آتشزدگی، ہلاکتوں کی تعداد 55ہوگئی
کمپلیکس کی 32 منزلہ عمارتوں میں 4,600 سے زائد افراد رہائش پذیر ہیں۔ متعدد گھروں کے متاثر ہونے کے بعد 900 سے زائد رہائشیوں کو عارضی شیلٹرز منتقل کیا گیا۔
ایک خاتون اپنی بیٹی کی گریجویشن کی تصویر اٹھائے پناہ گاہ کے باہر دھاڑیں مار کر رو رہی تھیں۔
انہوں نے کہا کہ میری بیٹی اور اس کے والد ابھی تک نہیں ملے اور ہمارے پاس تو پانی تک نہیں تھا کہ آگ بجھا پاتے۔
تعمیراتی کمپنی پر سنگین غفلت کا الزامپولیس کے مطابق آگ کے پھیلاؤ کی بنیادی وجہ وہ حفاظتی مواد تھا جو عمارت کی مرمت کے دوران استعمال کیا گیا اور جو فائر سیفٹی معیار پر پورا نہیں اترتا تھا۔
حکام نے Prestige Construction and Engineering Company Limited کے دفاتر پر چھاپہ مار کر عملے کی فہرست، کمپیوٹرز، موبائل فونز اور دستاویزات قبضے میں لے لیں۔
پولیس سپرنٹنڈنٹ ایولین چونگ نے کہا کہ ہمیں یقین ہے کہ کمپنی کے ذمہ دار افراد کی سنگین غفلت کے باعث آگ بے قابو ہوئی اور بڑے پیمانے پر جانی نقصان ہوا۔
2 ڈائریکٹرز اور ایک انجینئرنگ کنسلٹنٹ کو غیر ارادی قتل کے شبے میں گرفتار کر لیا گیا ہے۔
چینی صدر کی ہدایت، حکومتی معاونت کا اعلانچینی صدر شی جن پنگ نے آگ بجھانے اور نقصانات کم سے کم کرنے کے لیے ہمہ جہتی کوششیں کرنے کی ہدایت کی ہے۔
مزید پڑھیے: ایئر انڈیا کی پرواز تکنیکی مسئلے کے شبہ پر بحفاظت ہانگ کانگ ایئرپورٹ لوٹ آئی
ہانگ کانگ کے چیف ایگزیکٹو جان لی نے متاثرین کے لیے 300 ملین ہانگ کانگ ڈالر کے امدادی فنڈ کا اعلان کیا۔
بامبو اسکیفولڈنگ کے استعمال پر سوالاتواقعے کے بعد حکومت نے بامبو اسکیفولڈنگ کی جگہ میٹل اسکیفولڈنگ کے استعمال پر غور شروع کر دیا ہے، کیونکہ متاثرہ عمارتیں گرین میش اور بانس کی مچان سے ڈھکی ہوئی تھیں، جنہوں نے آگ کے پھیلاؤ کو تیز کیا۔
گرین فیل ٹاور سے موازنہویڈیو فوٹیج میں 2 ٹاورز سے شعلے بلند ہوتے دکھائی دیے جس نے سنہ 2017 کے گرین فِل ٹاور سانحے کی یاد تازہ کر دی جس میں 72 افراد ہلاک ہوئے تھے۔
گرافٹ اسکینڈل اور تعمیراتی کام کا پس منظررپورٹس کے مطابق متاثرہ ہاؤسنگ اسٹیٹ میں 330 ملین ہانگ کانگ ڈالر کی لاگت سے ایک سال سے مرمت کا کام جاری تھا۔
ہر اپارٹمنٹ سے 160,000 سے 180,000 HKD تک کی رقم لی گئی تھی۔
مزید پڑھیں: بدھ مت سے منسوب قیمتی جواہرات کی ہانگ کانگ میں نیلامی منسوخ، 127 سال بعد بھارت واپس پہنچ گئے
ہانگ کانگ کی اینٹی کرپشن باڈی نے بھی کرپشن کی تحقیقات شروع کر دی ہیں۔
279 سے زائد افراد کا سراغ تاحال نہیں مل سکا۔ ایک آن لائن ایپ میں لاپتا افراد کی تفصیلات شائع ہو رہی ہیں جن میں بوڑھے افراد، بچے اور خاندان شامل ہیں۔
چینی کمپنیوں کی مددشہریوں اور اداروں کے ساتھ ساتھ Xiaomi، Geely، Xpeng اور جیک ما کے فاؤنڈیشن نے بھی متاثرین کے لیے عطیات کا اعلان کیا ہے۔
ہانگ کانگ میں پہلے ہی آسمان کو چھوتی جائیداد کی قیمتوں پر عوامی ناراضی موجود ہے اور یہ سانحہ دسمبر میں ہونے والے قانون ساز انتخابات سے قبل نئی سیاسی بے چینی پیدا کر سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ہانگ کانگ ہانگ کانگ آتشزدگی ہانگ کانگ آتشزدگی اپ ڈیٹ ہانگ کانگ لاپتا ہانگ کانگ ہلاکتیں.
ذریعہ
ذریعہ: WE News
کلیدی لفظ: ہانگ کانگ ہانگ کانگ ا تشزدگی ہانگ کانگ لاپتا ہانگ کانگ ہلاکتیں ہانگ کانگ ا کے لیے
پڑھیں:
فورسز کی بلوچستان کے مختلف علاقوں میں کارروائیاں، 17 دہشتگرد ہلاک، آئی ایس پی آر
پاک فوج کے شعبہ تعلقات عامہ (آئی ایس پی آر) سے جاری بیان کے مطابق سیکیورٹی فورسز(security forces) نے 24 مئی 2026 کو پیش آنے والے ریل حادثے کے بعد خفیہ اطلاعات کی بنیاد پر بلوچستان کے اضلاع مستونگ، نوشکی، زہری، خضدار اور کیچ میں کارروائیاں کیں۔
بیان میں کہا گیا کہ ان کارروائیوں کے دوران سیکیورٹی اہلکاروں نے دہشت گردوں کے ٹھکانوں کو نشانہ بنایا اور شدید فائرنگ کے تبادلوں کے دوران بھارتی اسپانسرڈ فتنۃ الہندوستان کے 17 دہشت گردوں کو ہلاک کردیا اور ان علاقوں میں سرگرم دہشت گردی کے نیٹ ورکس کو بڑا دھچکا پہنچایا ہے۔
آئی ایس پی آر نے بتایا کہ بھارتی اسپانسرڈ ہلاک دہشت گردوں کے زیرقبضہ ہتھیار، باردو اور بڑے پیمانے دھماکا خیز مواد اور مواد تیار کرنے کی ڈیوائسز برآمد کرلی گئیں۔
بیان میں بتایا گیا کہ ہلاک دہشت گرد بلوچستان کے ان علاقوں میں دہشت گردی کے کئی اہم واقعات میں ملوث رہے تھے۔
مزید پڑھیں:پاکستان میں پٹرولیم مصنوعات کی کھپت میں 23 فیصد کمی
آئی ایس پی آر نے مزید بتایا کہ علاقے سے دہشت گردوں کے صفایا کرنے کے لیے سینیٹائزیشن آپریشن جاری ہے، سیکیورٹی فورسز اور پاکستان کے قانون نافذ کرنے والے اداروں کی عزم استحکام وژن کے تحت دہشت گردی کے خاتمہ کی مہم پوری رفتار سے جاری رہے گی تاکہ ملک سے بیرونی اسپانسرڈ اور تعاون سے جاری دہشت گردی کے ناسور کا مکمل خاتمہ ہو۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ