بانی کی صحت کے حوالے سے تحفظات ہیں، بیرسٹر گوہر
اشاعت کی تاریخ: 27th, November 2025 GMT
بیرسٹر گوہر علی خان(فائل فوٹو)۔
چیئرمین پی ٹی آئی بیرسٹر گوہر علی خان نے کہا ہے کہ بانی پی ٹی آئی کی صحت کے حوالے سے ہمارے تحفظات ہیں۔
اسلام آباد میں پارلیمنٹ کے باہر میڈیا سے گفتگو کرتے ہوئے بیرسٹر گوہر علی خان نے کہا کہ بانی پی ٹی آئی سے ہر صورت ملاقات ہونی چاہیے، بانی پی ٹی آئی سے 4 نومبر کو آخری ملاقات ہوئی ہے۔
انھوں نے کہا کہ نہ وکلا کی ملاقات ہو رہی ہے، نہ فیملی کے افراد کی اور نہ ہی لیڈر شپ کی۔ بانی پی ٹی آئی سے ملاقات کیلئے عدالتوں کے احکامات پر عمل نہیں ہو رہا۔
انھوں نے کہا کہ ہم ہری پور کا الیکشن جیت چکے ہیں، 27 ہزار ووٹو ں سے جیتے ہیں، افسوس ہوتا ہے کہ ہم اس کا دفاع نہیں کرسکے۔
.ذریعہ: Jang News
کلیدی لفظ: بانی پی ٹی آئی بیرسٹر گوہر نے کہا
پڑھیں:
گورنر سندھ کی تعیناتی پر پیپلز پارٹی کے تحفظات دور کر رہے ہیں: رانا ثناء اللّٰہ
رانا ثناء اللّٰہ—فائل فوٹووزیرِ اعظم شہباز شریف کے مشیر برائے سیاسی امور سینیٹر رانا ثناء اللّٰہ کا کہنا ہے کہ گورنر سندھ کی تعیناتی سے متعلق ہماری مشاورت ہوئی ہے، پیپلز پارٹی کے تحفظات دور کر رہے ہیں۔
پارلیمنٹ ہاؤس اسلام آبادمیں میڈیا سے گفتگو کرتے ہوئے انہوں نے کہا کہ پیپلز پارٹی کے ساتھ ہمارے تعلقات بہتر ہیں اور پیپلز پارٹی ہمارے ساتھ ہے۔
رانا ثناء اللّٰہ نے کہا ہے کہ پاکستان میں تباہی کے ذمے دار بانیٔ پی ٹی آئی اور وہ لوگ ہیں جو 2018ء میں انہیں اقتدار میں لائے۔ بانیٔ کے اقتدار میں آنے کے بعد جو 4 سال گزرے ان ہی میں تباہی ہوئی، بہت کوششوں کے باوجود وہ 4 سالہ تباہی ختم نہیں ہو رہی، اس ساری تباہی کی ذمے دار اُس وقت کی اسٹیبلشمنٹ ہے۔
ان کا کہنا ہے کہ جنرل فیض حمید کا ٹرائل چل رہا ہے، یہ سارے چہرے خود ہی اپنے انجام کو پہنچیں گے، مسلم لیگ ن کی ترجیحات ان کو انجام تک پہنچانا نہیں ہے، اس وقت ہماری ترجیحات یہ ہیں کہ ملک کو سنبھالا جائے۔
انہوں نے کہا کہ جمہوریت مکالمے سے آگے بڑھتی ہے لیکن بانی پی ٹی آئی نے ڈیڈ لاک پیدا کیا۔
وزیرِ اعظم کے مشیر برائے سیاسی امور کا کہنا ہے کہ ہماری کوشش ہے کہ ملک کو ترقی دی جائے، عام آدمی کو آسانی دی جائے، معرکۂ حق میں کامیابی کے بعد پوری دنیا میں پاکستان کی عزت ہے۔
انہوں نے کہا کہ آئی ایم ایف کی کرپشن سے متعلق رپورٹ کی کوئی اہمیت نہیں، موجودہ حکومت یا پچھلی پی ڈی ایم کی حکومت میں کوئی اسکینڈل سامنے نہیں آیا، کرپشن کا کسی کے پاس ثبوت ہو تو سامنے لائے۔
رانا ثناء اللّٰہ نے کہا کہ بھارت اپنا آپریشن سندور افغانستان کے ذریعے چلا رہا ہے، بھارت اب براہِ راست پاکستان پر یلغار کی جرأت نہیں کر سکتا، وہ افغانستان کو فنڈنگ کر کے گمراہ کر رہا ہے، ہم افغانستان کے اوپر کوئی جنگ مسلط نہیں کرنا چاہتے۔
ان کا کہنا ہے کہ اپوزیشن لیڈر کی تعیناتی حکومت نے نہیں بلکہ اسپیکر نے کرنی ہے، موجودہ حکومت اپنے اتحادیوں کے ساتھ مل کر اپنی مدت پوری کرے گی۔
وزیرِ اعظم کے مشیر برائے سیاسی امور نے کہا کہ بھارتی میڈیا بانیٔ پی ٹی آئی سے متعلق بے بنیاد خبریں چلا رہا ہے۔ وہ بالکل صحت مند ہیں، ایکسر سائز بھی کررہے ہیں، جیل میں بانیٔ پی ٹی آئی کو مکمل سہولتیں دی جا رہی ہیں، ہمیں اس پر کوئی اعتراض نہیں۔
انہوں نے کہا کہ جیل میں بیٹھ کر اگر کوئی قیدی اسلام آباد پر چڑھائی کے منصوبے بنائے تو ملاقاتیں کیسے کروائیں؟ اس کی دو تین مثالیں پہلے بھی موجود ہیں کہ اسلام آباد پر دھاوا بولا گیا۔
رانا ثناء اللّٰہ نے یہ بھی کہا کہ کون سا قانون اس بات کی اجازت دیتا ہے کہ جیل میں بیٹھ کر ملک کے خلاف تحریک چلائی جائے، بانیٔ پی ٹی آئی کو کسی اور جیل میں منتقل کرنے کی کوئی تجویز نہیں۔
پراکسی وار کبھی ختم نہیں ہوئی، بھارت افغانستان کے راستے پاکستان کو متاثر کرنے کی کوشش کر رہا ہے، خواجہ آصف