وزیراعلیٰ کے پی کے آج الیکشن کمشن طلب، ضمنی انتخاب کیلئے فوج بلا لی
اشاعت کی تاریخ: 21st, November 2025 GMT
پشاور (نوائے وقت رپورٹ) الیکشن کمشن نے وزیر اعلیٰ خیبرپی کے سہیل آفریدی کا ضمنی انتخاب پر مامور سرکاری ملازمین کے خلاف دھمکی آمیز الفاظ کا نوٹس لیتے ہوئے کل ذاتی حیثیت میں طلب کرلیا۔ چیف الیکشن کمشنر کی زیر صدارت اجلاس میں الیکشن کمشن نے وزیراعلی سہیل آفریدی اور این اے 18 سے امیدوار شہر ناز عمر ایوب کو نوٹسز جاری کردیے گئے۔ الیکشن کمشن آج دن 12 بجے کیس کی سماعت کرے گا۔ الیکشن کمشن نے کہا کہ صوبے کے چیف ایگزیٹو کے غیر ذمہ دارانہ رویہ کی وجہ سے این اے 18 ہری پور میں پْرامن ضمنی ا نتخاب کا انعقاد مشکل ہو گیا۔ ضلعی انتظامیہ، پولیس اور الیکشن ڈیوٹی پر مامور عملہ اور ووٹروں کی جان کو بھی خطرہ لاحق ہوا ہے۔ صوبائی الیکشن کمشنر نے چیف سیکرٹری اور آئی جی سے میٹنگ کرنے کا حکم دیا۔ الیکشن کمشن نے پی ٹی آئی رہنما عمر ایوب کی خالی نشست این اے 18 میں ضمنی الیکشن کے لیے پاک فوج کو طلب کرلیا۔ الیکشن کمشن نے سول آرمڈ فورسز کی طلبی کیلئے سیکرٹری دفاع کو خط لکھ دیا، الیکشن کمشن نے ہری پور میں فول پروف سکیورٹی کے لیے سیکرٹری داخلہ کو بھی خط لکھ دیا۔ بیان میں کہا گیا کہ وزیراعلی کے پی سہیل آفریدی نے اپنے بیان میں ضلعی انتظامیہ، پولیس اور الیکشن عملے کو دھمکایا، جلسے میں موجود عوام اور عمومی طور پر لوگوں کو اکسانے پر نوٹس لیا گیا۔ علاوہ ازیں وزیراعلیٰ خیبر پی کے سہیل آفریدی نے میڈیا سے بات کرتے ہوئے کہا ہے کہ ہم آئین و قانون کے دائرے میں رہ کر تمام راستے اپنانے کی کوشش کر رہے ہیں۔ ہمارے پاس عدالتی احکامات موجود ہیں۔ اس کے بعد کون ہے جو مجھے روک رہا ہے۔ میری تلخی اسی وجہ سے ہے کہ آئین و قانون کی پاسداری نہیں ہو رہی۔ محمود اچکزئی کو بانی پی ٹی آئی نے تمام ذمہ داری دی ہوئی ہے۔ ہم تنظیمی لوگ ہیں ہم اسی پر عمل کریں گے۔ وزیراعظم کو پہلے دن ہی درخواست کی تھی کہ کچھ کریں اور مجھے ملنے دیں، میں وفاق سے اچھا ورکنگ ریلیشن چاہ رہا تھا۔ وفاق ہمیں فیڈریشن یونٹ سمجھے اور ہمارے تین ہزار ارب روپے سے زائد کے واجبات دے۔ خیبر پی کے میں انٹیلی جنس بیسڈ آپریشن کبھی نہیں رکے۔ بانی پی ٹی آئی سے کسی سیاسی لیڈر، فیملی ممبر، وکیل کو نہیںملنے دیا جاتا جس پر تشویش ہے۔ جب بولتا ہوں مجھ پر ایف آئی آر درج کروا دی جاتی ہے۔ میرے بیان کو سیاق و سباق سے ہٹ کر چلایا جارہا ہے۔ مضبوط ادارے مضبوط ریاست کی علامت ہوتے ہیں۔ میں نے کہا دھاندلی نہیں ہونی چاہئے۔ ہم پُرامن اور آئین کے دائرے میں رہ کر احتجاج کرتے ہیں۔ اس کا مطلب میرا بیان آنا فضول نہیں تب ہی میرے اوپر ایف آئی آر درج ہوئی۔ واضح کردوں میں انہیں اچھی طرح جانتا ہوں یہ مجھے مکمل طور پر نہیں جانتے ہیں۔ دوسری جانب ترجمان وزیر اعلی سیکریٹریٹ کی جانب سے جاری بیان میں کہا گیا کہ وزیراعلیٰ خیبرپی کے کے ایبٹ اباد جلسے کے بیان کو سیاق و سباق سے ہٹ کر پیش کرنے کی ناکام کوشش کی جا رہی ہے۔ وزیراعلیٰ کا پیغام واضح تھا، الیکشن میں مداخلت پر سخت ’’قانونی کارروائی‘‘ ہوگی۔ ترجمان نے کہا کہ انتخابات میں مداخلت جرم ہے، وزیراعلیٰ نے اسی قانونی حقیقت کی نشاندہی کی۔ سہیل آفریدی نے کہا تھا کہ 23 نومبر کو ضمنی الیکشن میں تحریک انصاف کی امیدوار عمر ایوب کی اہلیہ 2 لاکھ ووٹ لیکر کامیاب ہوں گی۔ انہوں نے انتظامیہ اور پولیس کو خبردار کرتے کہا کہ اگر الیکشن کے دن بدمزگی ہوئی تو آپ رات تک عہدوں پر نہیں رہیں گے۔
.ذریعہ: Nawaiwaqt
کلیدی لفظ: الیکشن کمشن نے نے کہا
پڑھیں:
الیکشن کمیشن نے وزیراعلیٰ خیبرپختونخوا سہیل آفریدی کو کل طلب کرلیا
اسلام آباد(ڈیلی پاکستان آن لائن)الیکشن کمیشن نے وزیراعلیٰ خیبرپختونخوا سہیل آفریدی کو کل طلب کرلیا۔
نجی ٹی وی چینل دنیا نیوز کے مطابق ذرائع کاکہنا ہے کہ چیف الیکشن کمشنر کی سربراہی میں الیکشن کمیشن کا اجلاس ہوا،الیکشن کمیشن نے وزیراعلیٰ خیبرپختونخوا سہیل آفریدی کو کل طلب کرلیا،سہیل آفریدی کو انتخابی ضابطہ اخلاق کی خلاف ورزی پر نوٹس جاری کیا گیا،الیکشن کمیشن نے سہیل آفریدی کے علاوہ امیدواروں کو بھی طلب کیا ہے۔
الیکشن کمیشن کل 12بجے ضابطہ اخلاق کی خلاف ورزی کیس پر سماعت کرے گا۔
حج 2026 کے لیے دوسری اور آخری قسط جمع کرانے کا مرحلہ مکمل
مزید :
بزنس کمیونٹی آئینی ترمیم کی حمایت کرتی ہے ، اس سے ملک کو استحکام ملے گا،عاطف اکرام شیخ