بھارت میں دیوالی کی آتش بازی کے باعث لاہور اور قصور میں شدید سموگ، پنجاب حکومت متحرک
اشاعت کی تاریخ: 21st, October 2025 GMT
بھارت میں دیوالی کی آتش بازی اور پرالی جلانے کے باعث لاہور اور قصور میں سموگ کی شدت بڑھ گئی ہے۔ لاہور کا ایئر کوالٹی انڈیکس خطرناک حد تک پہنچ گیا ہے۔
ماہرین کے مطابق بھارت کے 5 شہروں سے پانچ کلومیٹر فی گھنٹہ کی رفتار سے چلنے والی آلودہ ہوائیں لاہور کے فضائی معیار کو متاثر کر رہی ہیں۔ امرتسر، فیروزپور، پٹیالہ، گرداسپور، سنگرور، بھٹنڈہ، موگہ، برنالہ، مانسہ اور فریدکوٹ سے آنے والی ہوائیں پاکستانی شہروں میں آلودگی لا رہی ہیں۔
یہ بھی پڑھیے: اینٹی اسموگ آپریشن کے باوجود لاہور آلودہ ترین شہر، ’یہ پنجاب حکومت کر کیا رہی ہے؟‘
پنجاب پولیوشن کنٹرول بورڈ کے مطابق بھارتی پنجاب میں ستمبر اور اکتوبر کے دوران تقریباً 30 لاکھ ہیکٹر رقبے پر چاول کی کٹائی ہوتی ہے، جبکہ 663 دیہات پرالی جلانے کے عمل میں نمایاں کردار ادا کرتے ہیں۔ لاہور میں مشرق سے مغرب کی سمت تقریباً 9 کلومیٹر فی گھنٹہ کی رفتار سے چلنے والی ہوائیں زہریلے ذرات فضا میں پھیلا رہی ہیں، جو خاص طور پر بچوں، بزرگوں اور سانس کے مریضوں کے لیے خطرناک ثابت ہو رہی ہیں۔
دوسری جانب پنجاب حکومت نے سموگ کے خلاف وسیع پیمانے پر اقدامات شروع کر دیے ہیں۔ لاہور میں مختلف مقامات پر پانی کا مسلسل چھڑکاؤ جاری ہے، جبکہ زیادہ آلودگی والے علاقوں میں اینٹی سموگ گنز کام کر رہی ہیں۔ لاہور کے داخلی راستوں پر چیکنگ اور نگرانی کا عمل تیز کر دیا گیا ہے۔
یہ بھی پڑھیے: پنجاب: اسموگ کے خاتمے کے لیے سول ڈیفنس رضاکاروں کی بڑی تعداد میں رجسٹریشن
واسا، لاہور ویسٹ مینجمنٹ کمپنی، ایل ڈی اے اور پی ایچ اے کی ٹیمیں متحرک ہیں۔ تعمیراتی سائٹس پر بھی پانی کا چھڑکاؤ کیا جا رہا ہے تاکہ دھول فضا میں شامل نہ ہو۔ ای پی اے فورس بھٹوں اور صنعتوں کی مانیٹرنگ کے ساتھ اینٹی سموگ آپریشن میں شریک ہے۔
24 گھنٹے سیکٹورل مانیٹرنگ جاری ہے جبکہ ایئر کوالٹی انڈیکس فورکاسٹ سے شہریوں کو مسلسل آگاہ رکھا جا رہا ہے۔ سینیئر صوبائی وزیر مریم اورنگزیب کے مطابق سموگ سے بچاؤ کے لیے حکومت کی تمام سیکٹورل مشینری پوری طرح متحرک ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب حکومت دیوالی سموگ.ذریعہ: WE News
کلیدی لفظ: پنجاب حکومت دیوالی سموگ پنجاب حکومت رہی ہیں کے لیے
پڑھیں:
اینٹی اسموگ آپریشن کے باوجود لاہور آلودہ ترین شہر، ’یہ پنجاب حکومت کر کیا رہی ہے؟‘
پنجاب بھر، خصوصاً لاہور میں سردیوں کے آغاز کے ساتھ ہی اسموگ ایک سنگین ماحولیاتی مسئلہ بن چکی ہے۔ فضائی آلودگی کی بگڑتی صورتحال کے پیش نظر پنجاب حکومت کی جانب سے اسموگ پر قابو پانے کے لیے ایک جامع اور بھرپور گرینڈ آپریشن جاری ہے، جس میں جدید ٹیکنالوجی اور نگرانی کے نظام کو شامل کیا گیا ہے۔
پہلی بار صوبائی تاریخ میں ایئر کوالٹی انڈیکس (AQI) کی پیش گوئی کے نظام کے تحت کارروائیاں عمل میں لائی جا رہی ہیں، جبکہ موسمیاتی ڈیٹا سینٹر کے ذریعے اسموگ کے ’ہاٹ اسپاٹس‘ کی بروقت نشاندہی کر کے فوری اقدامات کیے جا رہے ہیں۔
یہ بھی پڑھیں: صوبائی حکومت کے اینٹی اسموگ گرینڈ آپریشن کے باوجود لاہور دنیا کا دوسرا آلودہ ترین شہر قرار
آپریشن کے دوران اسموگ کنٹرول کرنے والی مشینری، ایئر کوالٹی مانیٹرز اور اسموگ گنز کا استعمال کیا جا رہا ہے، جبکہ فضائی نگرانی کے لیے ڈرونز بھی استعمال میں لائے جا رہے ہیں۔
پنجاب حکومت نے دیوالی کے دوران فضائی آلودگی سے نمٹنے کے لئے جامع پلان پر عملدرآمد شروع کر دیا امرتسر، لدھیانہ اور ہریانہ سے آنے والی ہوائیں فضا میں آلودگی لائیں گی، لاہور کا AQI 210 سے 230 تک رہنے کا امکان، آلودہ ہاٹ اسپاٹس پر اینٹی سموگ گنز اور پانی کے چھڑکاؤ کا آپریشن رات سے… pic.twitter.com/IkqtTdyTkJ
— Marriyum Aurangzeb (@Marriyum_A) October 20, 2025
ماحولیاتی بہتری کے لیے حکومت نے متعدد سخت اقدامات بھی اٹھائے ہیں، جن میں تعمیراتی سرگرمیوں پر پابندی، لکڑی اور کوئلے سے چلنے والے ہوٹلوں کی بندش، اور بھاری گاڑیوں خصوصاً ٹرکوں اور مال بردار ٹرانسپورٹ کی آمد و رفت پر پابندیاں شامل ہیں۔
یہ بھی پڑھیں: لاہور: آلودگی میں کمی کے لیے اسموگ ٹاور کا تجربہ ناکام، مطلوبہ نتائج نہ مل سکے
تاہم، ان تمام اقدامات کے باوجود لاہور ایک مرتبہ پھر دنیا کے آلودہ ترین شہروں کی فہرست میں شامل ہو گیا ہے۔ حالیہ دنوں میں لاہور کو عالمی سطح پر فضائی آلودگی کے حوالے سے دوسرے نمبر پر قرار دیا گیا ہے، جو کہ شہریوں کی صحت اور ماحولیاتی نظام کے لیے تشویشناک امر ہے۔
صارفین بھی اس پر مختلف تبصرے کرتے نظر آتے ہیں۔ ایک صارف نے لکھا کہ صوبائی حکومت کے اینٹی اسموگ گرینڈ آپریشن کے باوجود لاہور دنیا کا دوسرا آلودہ ترین شہر قرار دیا گیا ہے۔
صوبائی حکومت کے اینٹی اسموگ گرینڈ آپریشن کے باوجود لاہور دنیا کا دوسرا آلودہ ترین شہر قرار#Lahore #Punjab #Smoj pic.twitter.com/2ICd306mwX
— Real Khattak (@FaizanUmer50457) October 19, 2025
ثمینہ پاشا نے کہا کہ پنجاب حکومت خود کو خود ہی خراج تحسین پیش کر رہی تھی کہ ہم نے آلودگی کا مسئلہ حل کر لیا۔
کل تو پنجاب حکومت خود کو خود ہی خراج تحسین پیش کر رہی تھی کہ ہم نے آلودگی کا مسئلہ حل کر لیا!???? https://t.co/TpbrZ1sLmP
— Samina Pasha (@pasha_samina) October 19, 2025
شیراز احمد شیرازی کا کہنا تھا کہ پنجاب حکومت کے اسموگ اور فضائی آلودگی پر قابو پانے کے تمام دعوے غلط ثابت ہو گئے، پاکستان کے آلودہ ترین 10 شہریوں میں پنجاب کے 7 شہر شامل، فیصل آباد پہلے، لاہور دوسرے نمبر پر آگیا۔
پنجاب حکومت کے سموگ اور فضائی آلودگی پر قابو پانے کے تمام دعوے ٹھس
پاکستان کے آلودہ ترین 10 شہریوں میں پنجاب کے 7 شہر شامل، فیصل آباد پہلے، لاہور دوسرے نمبر پر آگیا pic.twitter.com/acczGCPC3z
— Sheraz Ahmad Sherazi (@Sherazi_Silmian) October 19, 2025
ایک صارف کا کہنا تھا کہ پنجاب حکومت فضائی آلودگی پر قابو پانے میں مکمل طور پر ناکام نظر آتی ہے۔ دعوے تو بہت کیے گئے، مگر عملی اقدامات کہیں دکھائی نہیں دیے۔ لاہور شہر اس وقت دنیا کے آلودہ ترین شہروں میں دوسرے نمبر پر ہے، جو حکومت کی نااہلی کا منہ بولتا ثبوت ہے۔
پنجاب حکومت فضائی آلودگی پر قابو پانے میں مکمل طور پر ناکام نظر آتی ہے. دعوے تو بہت کئے گئے، مگر عملی اقدامات کہیں دکھائی نہیں دئے. لاہور شہر اس وقت دنیا کے آلودہ ترین شہروں میں دوسرے نمبر پر ہے، جو حکومت کی نااہلی کا منہ بولتا ثبوت ہے. pic.twitter.com/02Y7vl1bPw
— Hafiz Farhat Abbas (@FarhatAbbas_PTI) October 19, 2025
شفیق نامی صارف نے طنزاً لکھا کہ پنجاب اتنا ستھرا ہوگیا ہے کے لاہور دنیا کے آلودہ ترین شہروں میں آج بھی دوسرے نمبر پے ہے۔
پنجاب اتنا ستھرا ہوگیا ہے کے لاھور دنیا کے آلودہ ترین شہروں میں آج بھی دوسرے نمبر پے ہے۔ https://t.co/NZ1G0mg6TA
— shafiq (@socialistppp) October 9, 2025
اختر رانا نے تنقید کرتے ہوئے کہا ہے کہ پنجاب حکومت کی اسموگ ختم کرنےکے لیے منگوائی گئی قیمتی مشینری کےکام کرنے سےہہلے لاہور کا ائیرکوالٹی انڈیکس 92 پر تھا، مگر جب سے یہ مشینری لگائی ہےلاہورکی آلودگی کا انڈیکس بڑھ کر207 پرپہنچ چکا ہے۔ انہوں نے کہا کہ ایک اورمنصوبہ ناکام ہو گیا ہے لاہورکی آلودگی تو کم نہیں ہوئی مگرکروڑوں کاکمیشن ضروربن گیا ہوگا۔
پنجاب حکومت کی سموگ ختم کرنےکیلئے منگوائ گئ قیمتی مشینری کےکام کرنے سےہہلے لاہور کا ائیرکوالٹی انڈیکس 92 پر تھا- مگر جب سے یہ مشینری لگائ ہےلاہورکی آلودگی کا انڈیکس بڑھ کر207 پرپہنچ چکا ہے
ایک اورمنصوبہ ناکام-لاہورکی آلودگی تو کم نہیں ہوئ مگرکروڑوں کاکمیشن ضروربن گیاہوگا ???? pic.twitter.com/c7Bz9sgeIz
— AkhtarRana (@RanaAH22) October 19, 2025
مزمل اسلم کا کہنا تھا کہ اسموگ کی خوشنمائی سیزن سے پہلے ہی غبارہ پھٹ گیا۔ سوال یہ ہے آیا جو سرمایہ کاری کی گئی وہ مفید ہے کہ نہیں؟ یا ٹیکس پئیر کا پیسہ ضائع ہو گیا ہے۔
اسموگ کی خوشنمائ سیزن سے پہلے ہی غبارہ پھٹ گیا۰ سوال یہ ہے آیا جو سرمایہ کاری کی گئ وہ مفید ہے کہ نہیں؟ یا ٹیکس پئیر کا پیسہ ضائع https://t.co/fuIUkz0W3P
— Muzzammil Aslam (@MuzzammilAslam3) October 19, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسموگ لاہو میں اسموگ لاہور لاہور آلودہ ترین شہر مریم نواز وزیراعلٰی پنجاب
کابل و قندھار پر تیر بہدف حملوں کے بعد افغان رجیم کی درخواست پر پاکستان کا 48 گھنٹوں کے لیے سیزفائر کا فیصلہ