پنجاب میں پتنگ بازی کی مشروط اجازت، آرڈیننس جاری
اشاعت کی تاریخ: 3rd, December 2025 GMT
data-id="863a0a8" data-element_type="widget" data-widget_type="theme-post-content.default">
لاہور: پنجاب حکومت نے پتنگ بازی کی اجازت سے متعلق آرڈیننس جاری کردیا ہے۔
گورنر پنجاب سلیم حیدر نے بسنت منانے کی مشروط اجازت کے آرڈیننس پر دستخط کردیے ہیں، جس کے تحت بسنت کے لیے مخصوص شرائط رکھی گئی ہیں اور ان کی خلاف ورزی پر قید اور جرمانے کی سزائیں مقرر کی گئی ہیں۔
آرڈیننس کے مطابق پنجاب میں 2001 میں پتنگ بازی پر پابندی عائد کی گئی تھی، اور 25 سال بعد اس کی دوبارہ اجازت دی جارہی ہے۔ تاہم 18 سال سے کم عمر افراد پتنگ بازی نہیں کرسکیں گے اور خلاف ورزی کی صورت میں والدین یا سرپرست ذمہ دار ہوں گے۔
مزید بتایا گیا ہے کہ صرف دھاگے سے بنی سادہ ڈور استعمال کرنے کی اجازت ہوگی، جب کہ دھاتی یا تیز دھار مانجے کے استعمال پر سخت سزائیں ہوں گی، جن میں کم از کم 3 اور زیادہ سے زیادہ 5 سال قید اور 20 لاکھ روپے جرمانہ شامل ہے۔ ضلع بھر میں موٹرسائیکلیں بھی متعین حفاظتی اصولوں کے مطابق چلائی جائیں گی۔
آرڈیننس میں مشکوک مقامات یا گھروں کی تلاشی کا اختیار بھی شامل ہے، اور اس قانون کے تحت جرم ناقابلِ ضمانت ہوگا۔ 18 سال سے کم عمر بچوں کی پہلی خلاف ورزی پر 50 ہزار اور دوسری خلاف ورزی پر ایک لاکھ روپے جرمانہ عائد ہوگا، جبکہ عدم ادائیگی کی صورت میں والدین یا سرپرست کے خلاف کارروائی کی جائے گی۔
پتنگ بازی کی ایسوسی ایشنز کو بھی متعلقہ ضلع کے ڈپٹی کمشنر کے پاس رجسٹر ہونا ہوگا۔
ذریعہ
ذریعہ: Jasarat News
کلیدی لفظ: پتنگ بازی خلاف ورزی
پڑھیں:
سعودی توانائی معاہدہ ابراہیمی معاہدوں سے مشروط، وائٹ ہاؤس نے ٹرمپ کا مؤقف دہرا دیا
نیوز بریفنگ کے دوران وائٹ ہاؤس کی ترجمان کا کہنا تھا کہ امریکی صدر کی سعودی قیادت سے مجوزہ جوہری معاہدے کی شرائط پر ابھی تک براہِ راست بات نہیں ہوئی، تاہم امریکا سعودی عرب کے ساتھ مذاکرات کا سلسلہ جاری رکھے گا۔ اسلام ٹائمز۔ وائٹ ہاؤس کی ترجمان کیرولین لیویٹ نے کہا ہے کہ امریکا اور سعودی عرب کے درمیان مجوزہ توانائی اور سول جوہری تعاون کا معاہدہ سعودی عرب کی ابراہیمی معاہدوں میں شمولیت سے مشروط ہے۔ نیوز بریفنگ کے دوران کیرولین لیویٹ نے بتایا کہ صدر ڈونلڈ ٹرمپ کی سعودی قیادت سے مجوزہ جوہری معاہدے کی شرائط پر ابھی تک براہِ راست بات نہیں ہوئی، تاہم امریکا سعودی عرب کے ساتھ مذاکرات کا سلسلہ جاری رکھے گا۔ انہوں نے کہا کہ صدر ٹرمپ ماضی میں بھی سعودی عرب کے ساتھ مختلف معاہدوں کے حوالے سے بات چیت کر چکے ہیں اور وہ چاہتے ہیں کہ سعودی عرب ابراہیم اکارڈز پر دستخط کرے۔
وائٹ ہاؤس کی ترجمان نے ایک سوال کے جواب میں کہا کہ صدر ٹرمپ اور چینی صدر شی جن پنگ کے درمیان متوقع ملاقات میں مصنوعی ذہانت (اے آئی) ٹیکنالوجی کی مبینہ چوری کا معاملہ بھی زیرِ بحث آنے کا امکان ہے۔ کیرولین لیویٹ نے اس بات کا اعادہ کیا کہ امریکا سعودی عرب کے ساتھ توانائی اور سول جوہری تعاون سے متعلق مذاکرات جاری رکھے گا، تاہم کسی بھی حتمی معاہدے کے لیے متعلقہ شرائط پوری ہونا ضروری ہوں گی۔
بھارت سے جنگ اور افغانستان میں کارروائی خارج ازامکان نہیں، وزیردفاع