دسمبر میں گرج چمک کے ساتھ شدید بارشوں کی پیشگوئی
اشاعت کی تاریخ: 27th, November 2025 GMT
ویب ڈیسک:محکمہ موسمیات نے بلوچستان کے خشک سالی کے شکار علاقوں میں دسمبر میں گرج چمک کے ساتھ شدید بارشوں کی پیشگوئی کر دی۔
محکمہ موسمیات کا کہنا ہے کہ مغربی ہواؤں کا طاقتور سلسلہ 6 سے 10 دسمبر کے دوران بلوچستان میں داخل ہوگا، یہ سلسلہ وقفے وقفے سے پورے مہینے جاری رہنے کی پیشگوئی کی گئی ہے۔
بارش سے ژوب، شیرانی، موسیٰ خیل، بارکھان، کوہلو، سبی، لسبیلہ، آواران، کیچ، گوادر، پنجگور، خضدار، قلعہ سیف اللہ، چاغی، نوشکی، واشک اور مستونگ سمیت صوبے کے بیشتر اضلاع میں خشک سالی کا خاتمہ ہو گا۔
کاغان کے بازار میں آگ بھڑک اٹھی،50 کمروں پر مشتمل ہوٹل جل کر راکھ
محکمہ موسمیات کے مطابق بعض مقامات پر گرج چمک کے ساتھ موسلا دھار بارشیں جبکہ بالائی علاقوں میں برف باری ہونے کی توقع ہے۔
ماہرین کے مطابق اس سال شمال مغربی ہوائیں معمول سے زیادہ فعال ہیں اور عرب سمندر سے آنے والی نمی بلوچستان کی جانب رخ کر رہی ہے، اسی وجہ سے بارشوں کا سلسلہ طویل ہو گا۔
محکمہ موسمیات کے مطابق آج ملک کے بیشتر علاقوں میں موسم سرد اورخشک جبکہ پہاڑی علاقوں میں صبح اور رات کے اوقات میں شدید سرد رہنے کا امکان ہے۔
نیپال کرکٹ لیگ میں سٹہ، 9 بھارتی جواری گرفتار
پنجاب اور خیبر پختونخوا کے میدانی علاقوں میں صبح اور رات کے اوقات میں چند مقامات پر ہلکی سے درمیانی دھند پڑنے کا امکان ہے۔
گزشتہ چوبیس گھنٹوں کے دوران ملک کے بیشتر علاقوں میں موسم خشک اور پہاڑی علاقوں میں شدید سرد رہا تاہم پنجاب کے چند میدانی اضلاع میں ہلکی دھند چھائی رہی۔
.ذریعہ: City 42
کلیدی لفظ: محکمہ موسمیات علاقوں میں
پڑھیں:
آتش فشاں کی راکھ بھارت کی جانب بڑھنے لگی، پاکستان کا فضائی علاقہ صاف
فوٹو: سوشل میڈیاایتھوپیا میں 12 ہزار سال سے خاموش آتش فشاں پھٹنے سے نکلنے والی راکھ پاکستان کے بعد اب بھارت کی جانب بڑھ چکی ہے، پاکستان کا فضائی علاقہ صاف ہوچکا ہے۔
محکمہ موسمیات کے ترجمان انجم نذیر نے جیو نیوز سے گفتگو میں کہا کہ پاکستان کی فضائی حدود اب صاف ہوچکی ہے، آتش فشاں کی راکھ بھارتی راجستھان کی جانب جائے گی۔
انہوں نے کہا کہ آتش فشاں کی راکھ پاکستان کے شمالی علاقوں کو متاثر نہیں کرے گی، یہ راکھ سندھ کے اوپر بحیرہ عرب سے گزری تھی، سندھ کی زمین پر اس کے کوئی اثرات نہیں ہوئے۔
ایتھوپیا میں 12 ہزار سال سے خاموش آتش فشاں پھٹ گیا، آتش فشاں سے نکلنے والی راکھ کے بادل یمن، عمان، بھارت اور پاکستان تک پہنچ گئے۔
ترجمان محکمہ موسمیات کا کہنا تھا کہ منگل کی صبح 10 بجے گوادر کے جنوب میں 45 ہزار فٹ کی بلندی پر آتش فشاں کی راکھ دیکھی گئی تھی، آتش فشاں کی راکھ عام سیٹلائٹ پر نظر نہیں آتی ہے۔
انجم نذیر نے بتایا کہ پاکستان کی تاریخ میں پہلی بار آتش فشاں کی راکھ کی ایڈوائزر ایوی ایشن کو جاری کی گئی، آتش فشاں کی راکھ کی بلندی 45 ہزار فٹ سے زائد تھی۔
دوسری جانب بھارتی محکمہ موسمیات نے کہا ہے کہ آتش فشاں سے اٹُھنے والی راکھ کے اثرات دلی، گجرات اور راجستھان تک دیکھے گئے۔
بھارتی محکمہ موسمیات کے مطابق آتش فشاں سے اٹھنے والی راکھ کے اثرات پنجاب اور ہریانہ تک بھی دیکھے گئے، راکھ کے بادل منگل کی شام ساڑھے سات بجے تک بھارت سے نکل جائیں گے۔
بھارتی محکمہ موسمیات نے کہا کہ راکھ کے بادل چین کی جانب بڑھ رہے ہیں۔
ناسا نے خلا میں موجود پُراسرار ابجیکٹ کی نئی تصاویر جاری کردیں