ایتھوپیا میں غیر معمولی آتش فشانی دھماکا، پروازیں منسوخ، راکھ کا بادل پاکستان کے قریب
اشاعت کی تاریخ: 25th, November 2025 GMT
ایتھوپیا میں آتش فشاں پھٹنے سے اٹھنے والا خطرناک راکھ کا بادل بحیرہ احمر کے اوپر سے گزرتا ہوا دنیا کی مصروف ترین فضائی گزرگاہوں میں خلل کا باعث بن رہا ہے۔
ایتھوپیا میں واقع عفار کے فعال آتش فشانی خطے میں واقع ہیلی گوبی کے اس دھماکے نے تقریباً 45 ہزار فٹ کی بلندی تک راکھ اور دھوئیں پر متشمل ایک ستون سا فضا میں بھیجنا شروع کردیا۔
یہ بھی پڑھیں: پاک ایران سرحد پر سویا ہوا آتش فشاں جاگنے لگا، سائنس دانوں کی وارننگ
یہ آتش فشاں ایتھوپیا کے دارالحکومت ادیس ابابا سے تقریباً 800 کلومیٹر شمال مشرق میں، اریٹریا کی سرحد کے قریب واقع ہے۔
A 10,000-year-old volcano reawakens!#Ethiopia’s Hayli Gubbi erupted on 23 Nov 2025 at 14:00 IST, with ash now projected to drift toward Indian skies – a powerful reminder of how interlinked our #planet’s #geological and #atmospheric systems are.
Such rare events highlight the… pic.twitter.com/zwhGq97qRg
— Narottam Sahoo (@narottamsahoo) November 25, 2025
گزشتہ روز یعنی پیر تک راکھ کا بادل یمن اور عمان تک پھیل چکا تھا اور اس کا رخ پاکستان اور بھارت کی فضائی حدود کی جانب تھا۔
اس ناگہانی افتاد کے باعث متعدد ایئر لائنز کو پروازیں منسوخ کرنا پڑیں یا مہنگے متبادل راستے اختیار کرنا پڑے۔
مزید پڑھیں: 2 گھنٹوں میں زلزلے کے 160 جھٹکے، آتش فشاں پھٹنے کا الرٹ جاری
پاکستان کے محکمہ موسمیات نے راکھ کے بادل کی آمد کے لیے ہنگامی نگرانی شروع کردی ہے۔
تاہم ماہرین کے مطابق کراچی میں راکھ کے اثرات محسوس نہیں ہوں گے اور راکھ کا بادل بحیرہ عرب کے اوپر سے گزر جائے گا۔
https://Twitter.com/byolacademy/status/1992931152156324209
محکمہ موسمیات کے مطابق گزشتہ روز یعنی پیر کو گوادر سے 60 ناٹیکل میل جنوب میں راکھ کا مشاہدہ کرنے کے بعد حکام کو وارننگ جاری کی گئی تھی جو اب بھی برقرار ہے۔
تاہم اس کا زیادہ اثر عمان اور ممبئی فلائٹ ریجن میں ہو گا۔
فضائی ٹریفک متاثرراکھ کے بادل کا رخ جنوبی ایشیا کے لیے بڑا چیلنج ثابت ہوا، ٹولوز آتش فشانی راکھ مشاورتی مرکز کے مطابق اونچائی پر موجود راکھ عمان سے گزر کر بحیرہ عرب میں داخل ہو رہی ہے اور اس کے ذرات پاکستان اور بھارت کی فضائی حدود کی طرف بھی بڑھ رہے ہیں۔
بادل کی غیر معمولی بلندی، جو زمینی سطح سے 10 سے 15 کلومیٹر تک پہنچ گئی، سیدھا تجارتی جیٹ طیاروں کی پرواز کی اونچائی سے ٹکرا رہی ہے۔
فلائٹ ریڈار کی عالمی نقشہ بندی میں ایتھوپیا سے لے کر شمالی میانمار اور چین تک شدید ترین راکھ کی ایک سرخ پٹی دکھائی گئی۔
مزید پڑھیں:انڈونیشیا میں آتش فشاں پھٹ پڑا، راکھ کے بادل فضا میں 13 کلومیٹر تک بلند
بھارتی میڈیا کے مطابق پیر کی دوپہر کے بعد متعدد ایئر لائنز نے پروازیں منسوخ کرنا شروع کر دیں۔
بھارتی ایئر لائن انڈیگو نے اپنی 6 پروازیں منسوخ کیں جبکہ کنور اور ابوظہبی کے درمیان چلنے والی ایک پرواز کو احمد آباد موڑ دیا گیا۔
The Ethiopian volcanic ash cloud passing over a luxury resort in Jaipur! #volcano #ashcloud #ash pic.twitter.com/yS31KEAOK4
— Udit Bhandari (@GurugramDeals) November 24, 2025
دوسری جانب اکاسا ایئر نے کہا کہ وہ صورت حال پر مسلسل نظر رکھے ہوئے ہے۔
مزید پڑھیں: غیر فعال آتش فشاں کے دھانے پر آباد سعودی گاؤں میں خاص کیا ہے؟
ممبئی ایئرپورٹ کے ایک عہدیدار کے مطابق پاکستان کی فضائی حدود بھارتی ایئر لائنز کے لیے بند ہیں، اس لیے ان پر نمایاں اثر پڑے گا۔
ماہرین کے مطابق آتش فشانی راکھ طیاروں کے لیے انتہائی خطرناک ہوتی ہے کیونکہ اس میں موجود باریک شیشے کے ذرات جیٹ انجن میں پگھل کر انہیں ناکارہ بنا سکتے ہیں۔
مشرق وسطیٰ کے فضائی ٹریفک کنٹرول مراکز نے بھی پائلٹس کو شدید احتیاط برتنے اور راستے تبدیل کرنے کی ہدایات جاری کیں۔
یہ واقعہ اس بات کا واضح ثبوت بن گیا کہ کس طرح دور دراز میں ہونے والے قدرتی واقعات چند گھنٹوں میں دنیا بھر پر اثرات ڈال سکتے ہیں۔
مزید پڑھیں: روس میں 6 صدیوں بعد آتش فشاں پھٹ پڑا، کیا زلزلہ ذمہ دار ہے؟
یہ دھماکا آبنائے باب المندب کے قریب ہوا، جو یورپ اور ایشیا کے درمیان بحری تجارت کے لیے ایک اہم راستہ ہے۔
جبکہ فضائی نظام فوری متاثر ہوا، سمندری نقل و حمل کے لیے بھی خدشات بڑھ گئے کیونکہ گھنی راکھ دھند کی طرح نظر کم کر سکتی ہے اور جہازوں کے انجن کے فلٹرز کو نقصان پہنچا سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آبنائے باب المندب آتش فشاں ایتھوپیا بادل بحیرہ احمر بحیرہ عرب پرواز راکھ عمان فضائی ٹریفکذریعہ: WE News
کلیدی لفظ: آبنائے باب المندب ایتھوپیا پرواز راکھ فضائی ٹریفک پروازیں منسوخ راکھ کا بادل مزید پڑھیں کے مطابق راکھ کے کے لیے
پڑھیں:
ایتھوپیا: 12 ہزار سال سےخاموش آتش فشاں پھٹ گیا
تصویر سوشل میڈیا۔ایتھوپیا میں 12 ہزار سال سےخاموش آتش فشاں پھٹ گیا۔ عدیس ابابا سے خبر ایجنسی کے مطابق آتش فشاں سے نکلنے والا دھواں 46 ہزار فٹ کی بلندی تک پہنچ گیا۔
پیرس سے فرانسیسی موسمیاتی ادارہ ہیلی گُبی کے مطابق آتش فشاں 12 ہزار سال میں پہلی بار پھٹا ہے۔ آتش فشاں سے نکلنے والی راکھ کے بادل یمن، عمان، بھارت اور شمالی پاکستان تک پہنچیں گے۔
امریکی ماہرین ارضیات کے مطابق ہیلی گُبی آتش فشاں پھٹنے کا اس سے پہلے کوئی ریکارڈ موجود نہیں۔
خبر ایجنسی کے مطابق ایتھوپیا کے حکام نے آتش فشاں پھٹنے سے جانی نقصان یا انخلا کا نہیں بتایا۔
بجلی کمپنیوں کی غفلت سے 30 اموات، نیپرا کا 5 کروڑ 75 لاکھ جرمانہ