گندم کی ترسیل پر غیر آئینی پابندیاں، گورنر خیبر پختونخوا نے وزیراعظم سے مداخلت کی اپیل کردی
اشاعت کی تاریخ: 27th, October 2025 GMT
صوبہ خیبرپختونخوا کے گورنر فیصل کریم کنڈی نے وزیراعظم شہباز شریف سے اپیل کی ہے کہ وہ خیبرپختونخوا کے لیے گندم کی ترسیل پر غیر آئینی پابندیاں ختم کرانے کے لیے فوری طور پر مداخلت کریں۔
گورنر خیبر پختونخوا فیصل کریم کنڈی نے سماجی رابطے کے پلیٹ فارم ایکس (سابقہ ٹوئٹر) پر ایک بیان میں وزیراعظم شہباز شریف سے اپیل کی ہے کہ خیبر پختونخوا کے لیے گندم کی بین الصوبائی ترسیل پر عائد پابندیوں کو فوری طور پر ختم کیا جائے۔
Have written to Prime Minister of #Pakistan @CMShehbaz , urging his immediate intervention to lift the unconstitutional restrictions on the inter-provincial movement of wheat to #KhyberPakhtunkhwa.
— Faisal Karim Kundi (@fkkundi) October 27, 2025
گورنر کنڈی نے اپنی پوسٹ میں کہا کہ انہوں نے وزیراعظم کو خط لکھ کر ان سے فوری مداخلت کی درخواست کی ہے تاکہ ان غیر آئینی پابندیوں کو ہٹایا جا سکے جو صوبے کی فوڈ سیکیورٹی کے لیے خطرہ بن چکی ہیں۔
ان کا کہنا تھا کہ گندم کی نقل و حرکت پر ایسی رکاوٹیں نہ صرف صوبے کے عوام کو مشکلات میں مبتلا کر رہی ہیں بلکہ یہ آئین میں درج کواپریٹو فیڈرل ازم کی روح کے بھی منافی ہیں۔
یہ بھی پڑھیے پنجاب سے گندم اور آٹے کی ترسیل میں رکاوٹ آئین کی خلاف ورزی ہے، وزیرِ اعلیٰ خیبر پختونخوا
فیصل کریم کنڈی نے اپنے بیان میں مزید کہا ’مجھے یقین ہے کہ وزیراعظم اپنی قیادت میں اس مسئلے کو جلد حل کریں گے تاکہ خیبر پختونخوا کے عوام کے لیے گندم کی بلا تعطل فراہمی یقینی بنائی جا سکے اور ان کے حقوق و فلاح کا تحفظ کیا جا سکے۔‘
انہوں نے زور دیا کہ بین الصوبائی ہم آہنگی اور تعاون کے بغیر ملک میں خوراک کی منصفانہ تقسیم ممکن نہیں، لہٰذا وفاقی حکومت کو اس معاملے کو ترجیحی بنیادوں پر حل کرنا چاہیے۔
یہ بھی پڑھیے گندم کی ترسیل پر مبینہ پابندی، خیبرپختونخوا حکومت کا پنجاب کے خلاف سپریم کورٹ جانے کا فیصلہ
واضح رہے کہ خیبر پختونخوا میں حالیہ ہفتوں کے دوران گندم کی قلت کے خدشات کے باعث صوبائی حکومت اور گورنر ہاؤس نے وفاقی اداروں سے متعدد بار رابطہ کیا ہے۔ بعض صوبوں کی جانب سے گندم کی نقل و حرکت پر پابندیوں کے باعث بحران کی کیفیت پیدا ہو رہی ہے، جس پر گورنر نے براہِ راست وزیراعظم کو مداخلت کی درخواست کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گندم کی بین الصوبائی ترسیل گورنر خیبر پختونخوا فیصل کریم کنڈی وزیراعظم شہباز شریف
ذریعہ
ذریعہ: WE News
کلیدی لفظ: گندم کی بین الصوبائی ترسیل گورنر خیبر پختونخوا فیصل کریم کنڈی وزیراعظم شہباز شریف فیصل کریم کنڈی خیبر پختونخوا پختونخوا کے ترسیل پر کی ترسیل گندم کی کنڈی نے کے لیے
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار