اسلام آباد ہائیکورٹ: نیکا کے ڈائریکٹر ایس ایم او صبیح حیدر کی تعیناتی غیر قانونی قرار
اشاعت کی تاریخ: 28th, October 2025 GMT
اسلام آباد ہائیکورٹ نے نیشنل انرجی ایفیشنٹ کنزرویشن اتھارٹی (نیکا) کے ڈائریکٹر ایس ایم او صبیح حیدر کی تعیناتی کو غیر قانونی قرار دے دیا ہے۔
جسٹس بابر ستار نے نیکا کے ملازم سجاد حسین کی درخواست پر محفوظ شدہ 25 صفحات پر مشتمل تفصیلی فیصلہ سنایا۔
یہ بھی پڑھیے: پیٹرولیم مصنوعات پر نئے ٹیکس کی تجویز، وزارت توانائی نے سمری وفاقی کابینہ کو بھیج دی
عدالتی فیصلے میں کہا گیا ہے کہ ڈائریکٹر ایس ایم او کا عہدہ نیکا کے سروس رولز میں موجود نہیں تھا، لہٰذا اس پر تعیناتی قانون کے مطابق نہیں تھی۔ فیصلے میں مزید کہا گیا کہ نیکا میں ڈائریکٹر کے عہدے کے لیے مقررہ عمر کی حد 45 سال تھی، جسے غیر قانونی طور پر کم کر کے 40 سال کیا گیا۔
عدالت نے مارچ 2024 کا گزٹ نوٹیفیکیشن بھی کالعدم قرار دیتے ہوئے چیئرمین نیکا بورڈ اویس لغاری کو حکم دیا کہ فیصلہ بورڈ کے سامنے پیش کیا جائے۔
مزید برآں، عدالت نے نیکا بورڈ کو ہدایت دی کہ وہ غیر قانونی گزٹ نوٹیفیکیشن جاری کرنے کے ذمہ داران کا تعین کرے اور متعلقہ کارروائی عمل میں لائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ہائیکورٹ سپریم کورٹ نیکا.ذریعہ: WE News
کلیدی لفظ: اسلام ا باد ہائیکورٹ سپریم کورٹ نیکا
پڑھیں:
اسلام آباد: ایکسپریس وے پر ریس لگاتی گاڑی کی ٹکر سے خاکروب جاں بحق
اسلام آباد میں ایک افسوسناک ٹریفک حادثہ پیش آیا جہاں ایکسپریس وے پر تیز رفتار گاڑی نے شہری کو روند ڈالا، جس کے نتیجے میں وہ موقع پر ہی جاں بحق ہوگیا۔
پولیس کے مطابق متوفی کی شناخت سی ڈی اے کے خاکروب کے طور پر ہوئی ہے۔
یہ بھی پڑھیے: اسلام آباد حادثہ، جج کے کم عمر بیٹے کی گاڑی کی ٹکر سے 2 جوان لڑکیاں جاں بحق
ترجمان پولیس کا کہنا ہے کہ حادثہ تیز رفتاری کے باعث پیش آیا جب گاڑی بے قابو ہو کر شہری سے ٹکرا گئی۔ واقعے میں گاڑی کا ڈرائیور بھی زخمی ہوا، جسے ابتدائی طبی امداد فراہم کرنے کے بعد بیان کے لیے حراست میں لیا گیا ہے۔
میڈیا رپورٹس کے مطابق 2 گاڑیاں ایک دوسرے سے ریس لگا رہی تھیں، واقعے میں ملوث ایک گاڑی موقع سے فرار ہوگئی جبکہ دوسری گاڑی کو پولیس نے اپنے قبضے میں لے کر ڈرائیور سمیت تھانے منتقل کردیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایکسپریس وے ریس گاڑی گاڑی کی ٹکر
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر