یوٹیوبر رجب بٹ کا بگ برادر کون ہے؟
اشاعت کی تاریخ: 11th, December 2025 GMT
معروف یوٹیوبر ڈکی بھائی نے اپنے حالیہ ولاگ میں کہا تھا کہ بااثر بڑے بھائی ہمیشہ پردے کے پیچھے کام کرتے ہیں اور سامنے نہیں آتے۔ تاہم گزشتہ کچھ روز سے ایک بڑے بھائی سوشل میڈیا کے 2 مشہور کریئیٹرز رجب بٹ اور ندیم نانی والا کے ساتھ دیکھے جا رہے ہیں۔ چاہے انہیں ایئرپورٹ سے لانا ہو، اسلام آباد کے ریڈ زون میں بغیر نمبر پلیٹ گاڑی چلانا ہو یا اسلام آباد ہائیکورٹ میں داخل ہونا ہو، ہر جگہ یہی بڑے بھائی موجود نظر آئے۔
یہ بھی پڑھیں: ڈکی بھائی کی طرح ’بگ برادر ‘کی مدد ملی؟ رجب بٹ بول اٹھے
ان بڑے بھائی کا نام ملک زمان نصیب ہے۔ ان کا تعلق لاہور سے ہے اور ان کا تعلق استحکام پاکستان پارٹی لاہور کے صدر ہیں۔ انہیں ٹک ٹاک پر تقریباً 2 لاکھ 25 ہزار فالوورز حاصل ہیں۔ ان کی ٹک ٹاک ویڈیوز اور فیس بک پیجز دیکھے جائیں تو وہ مختلف معروف کریئیٹرز کے ساتھ دکھائی دیتے ہیں۔
ڈکی کے بعد رجب بٹ کو 'بگ برادر' کی مدد ملے گی؟ #RajabButt #DuckyBhai #BigBrother #Youtuber #DawnNews pic.
— DawnNews (@Dawn_News) December 10, 2025
آج اسلام آباد ہائیکورٹ میں جو بغیر نمبر پلیٹ گاڑی دیکھی گئی، یہی گاڑی 27 ستمبر 2025 کو لاہور میں ایک ریلی میں بھی موجود تھی اور 2 اکتوبر 2025 کو یہی گاڑی ان کے گھر سے نکلتی ہوئی بھی نظر آئی تھی۔ اس گاڑی کے اگلے حصے پر نمبر کی جگہ صرف سیگما درج تھا۔
اسلام آباد کا ریڈ زون انتہائی حساس علاقہ ہے جہاں وزیر اعظم ہاؤس، اعلیٰ عدالتیں، پارلیمنٹ ہاؤس اور کوثر بلاک جیسے اہم مقامات واقع ہیں۔ گزشتہ دنوں ایک عدالت کے افسر کے بیٹے کی گاڑی پر جعلی نمبر پلیٹ کا واقعہ سامنے آیا تھا جس میں 2 لڑکیاں کچلی گئی تھیں۔ اسی مقام پر ایک ہفتے بعد پھر ایک بغیر نمبر پلیٹ گاڑی کی آمد نے سوشل میڈیا پر سخت تنقید کو جنم دیا ہے۔
یہ بھی پڑھیں: دوران حراست یوٹیوبر ڈکی بھائی کا سینڈوچ کون کھا گیا؟ نیا معمہ بن گیا
یہ سوال اٹھ رہا ہے کہ لاہور سے یہ گاڑی اسلام آباد کیسے پہنچی، اور اسلام آباد پہنچنے کے بعد ریڈ زون تک رسائی کیسے حاصل کی گئی۔ قانون نافذ کرنے والے اداروں کے لیے یہ ایک بڑا سوال ہے، تاہم عام تاثر یہی ہے کہ ایسا کام صرف کوئی بڑا بھائی ہی کروا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام آباد ہائیکورٹ بگ برادر ڈکی بھائی رجب بٹ یوٹیوبر
ذریعہ
ذریعہ: WE News
کلیدی لفظ: اسلام ا باد ہائیکورٹ ڈکی بھائی یوٹیوبر اسلام آباد بڑے بھائی ڈکی بھائی نمبر پلیٹ
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار