کراچی میں آئندہ 3 روز وقفے وقفے سے تیز ہوائیں چلنے کا امکان
اشاعت کی تاریخ: 28th, October 2025 GMT
محکمہ موسمیات نے بتایا کراچی میں مطلع جزوی طور پر ابرآلود رہے گا جبکہ دھوپ اور بادل کے ساتھ موسم گرم اور خشک رہے گا۔ شہر میں سمندری ہوائیں بند ہونے کے باعث شمال اور شمال مشرقی سمت سے خشک ہوائیں چل رہی ہیں، صبح و رات کے اوقات میں خنکی محسوس ہوگی جبکہ دن کے وقت موسم گرم رہے گا۔
اسلام ٹائمز۔ محکمہ موسمیات نے کہاہے کہ شہر میں آئندہ 3 روز وقفے وقفے سے تیز ہوائیں چلنے کا امکان ہے،شمال مشرق سے خشک اور گرد آلود ہوائیں چلتی رہیں گی جبکہ کراچی میں موسم کی تبدیلی کے باعث شہر کا فضائی معیار مزید خراب ہوگیاہوا میں آلودگی کی شرح 174 پرٹیکیولیٹ میٹر ریکارڈ کی گئی ہے۔تفصیلات کے مطابق موسم کی تبدیلی سے فضائی معیار انتہائی مضرِ صحت درجے پر پہنچ گیاہے۔ائیر کوالٹی انڈیکس کے تحت فضا میں آلودہ ذرات کی مقدار 174 پرٹیکیولیٹ میٹرز ریکارڈ کی گئی، جو صحت کے لیے مضر سطح ہے۔محکمہ موسمیات کے مطابق شہر میں آئندہ 3 روز کے دوران دن کا زیادہ سے زیادہ درجہ حرارت 33 سے 35 ڈگری سینٹی گریڈ جبکہ رات کا کم سے درجہ حرارت 22 سے 25 ڈگری سینٹی گریڈ تک رہ سکتا ہے۔
محکمہ موسمیات نے بتایا کراچی میں مطلع جزوی طور پر ابرآلود رہے گا جبکہ دھوپ اور بادل کے ساتھ موسم گرم اور خشک رہے گا۔شہر میں سمندری ہوائیں بند ہونے کے باعث شمال اور شمال مشرقی سمت سے خشک ہوائیں چل رہی ہیں، صبح و رات کے اوقات میں خنکی محسوس ہوگی جبکہ دن کے وقت موسم گرم رہے گا۔محکمہ موسمیات نے کہا کہ بحیرہ عرب میں موجود ڈپریشن نے 24 گھنٹوں کے دوران شمال مشرق کی جانب حرکت کی ہے، فی الحال پاکستان کے کسی ساحلی علاقے کو سسٹم سے کوئی خطرہ نہیں ہے۔محکمہ موسمیات کے مطابق سسٹم کراچی سے 880 اور بھارتی گجرات سے 510 کلو میٹر دور ہے، دوسری جانب لاہور کا ایئر کوالٹی انڈیکس 254 ریکارڈ کیا گیا، جس کے بعد لاہور منگل کو پنجاب میں چوتھے نمبر پر آلودہ ترین شہر رہا۔279 ایئر کوالٹی انڈیکس کے ساتھ قصور پہلے نمبر، خانیوال 276 کے ساتھ دوسرے اور شیخوپورہ 270 ایئر کوالٹی انڈیکس کیساتھ تیسرے نمبر پر رہا۔
ذریعہ
ذریعہ: Islam Times
کلیدی لفظ: محکمہ موسمیات نے کوالٹی انڈیکس کراچی میں کے ساتھ رہے گا
پڑھیں:
مردان: گھر سے خاتون سمیت 3 افراد کی لاشیں برآمد
مردان: خیبرپختونخوا کے ضلع مردان کے علاقے شیخ ملتون سیکٹر بی میں ایک گھر سے خاتون سمیت تین افراد کی لاشیں برآمد ہونے کا واقعہ سامنے آیا ہے۔
ریسکیو 1122 کے مطابق اطلاع موصول ہوتے ہی میڈیکل ٹیم فوری طور پر موقع پر پہنچ گئی اور پولیس کی موجودگی میں کارروائی کا آغاز کیا گیا۔
ریسکیو حکام کے مطابق تینوں لاشوں کو قانونی کارروائی اور ضروری معائنے کے لیے مردان میڈیکل کمپلیکس (ایم ایم سی) اسپتال منتقل کر دیا گیا ہے۔
ابتدائی اطلاعات کے مطابق جاں بحق افراد کی شناخت جلال، زوجہ جلال اور مصطفیٰ کے ناموں سے ہوئی ہے۔
واقعے کی وجوہات فوری طور پر سامنے نہیں آسکیں، جبکہ پولیس نے معاملے کی تحقیقات شروع کر دی ہیں۔ حکام کا کہنا ہے کہ پوسٹ مارٹم اور تفتیشی عمل مکمل ہونے کے بعد واقعے کی اصل نوعیت واضح ہو سکے گی۔
پولیس اور متعلقہ ادارے مختلف پہلوؤں سے واقعے کا جائزہ لے رہے ہیں، جبکہ اہلِ علاقہ میں واقعے کے بعد تشویش کی لہر دوڑ گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ