کراچی: آئندہ 3 روز وقفے وقفے سے تیز ہوائیں چلنے کا امکان
اشاعت کی تاریخ: 28th, October 2025 GMT
---فائل فوٹو
کراچی میں آئندہ 3 روز موسم گرم اور خشک رہنے کا امکان ہے۔
محکمۂ موسمیات کا کہنا ہے کہ شہر میں آئندہ 3 روز وقفے وقفے سے تیز ہوائیں چلنے کا امکان ہے۔ شمال مشرق سے خشک اور گرد آلود ہوائیں چلتی رہیں گی۔
دن کا زیادہ سے زیادہ درجۂ حرارت 33 سے 35 ڈگری سینٹی گریڈ جبکہ رات کا کم سے درجۂ حرارت 22 سے 25 ڈگری سینٹی گریڈ تک رہ سکتا ہے۔
محکمۂ موسمیات کا کہنا ہے کہ بحیرۂ عرب میں موجود ڈپریشن نے 24 گھنٹوں کے دوران شمال مشرق کی جانب حرکت کی ہے، فی الحال پاکستان کے کسی ساحلی علاقے کو سسٹم سے کوئی خطرہ نہیں ہے۔
محکمۂ موسمیات کے مطابق سسٹم کراچی سے 880 اور بھارتی گجرات سے 510 کلو میٹر دور ہے، سسٹم کے زیرِ اثر تھرپارکر کے اضلاع میں آج ہلکی بارش یا بوندا باندی ہو سکتی ہے۔
.
ذریعہ
ذریعہ: Jang News
پڑھیں:
کراچی میں کھلے مین ہول میں گر کر 7 سالہ بچہ جاں بحق
شہر قائد کے علاقے مواچھ گوٹھ میں کھلے مین ہول میں گر کر 7 سالہ بچہ جاں بحق ہوگیا۔
ایکسپریس نیوز کے مطابق مواچھ گوٹھ کے نور شاہ محلے میں 7 سالہ بچہ کھلے مین ہول میں گرکر جاں بحق ہوا جس کی شناخت جہانگیر کے نام سے کی گئی۔
ایس ایچ او موچکو واقعے کی تصدیق کی اور بتایا کہ بچہ گھر کے قریب کھیلتے ہوئے کھلے مین ہول میں گرا۔
کھلے مین ہول میں گرکر بچے کی ہلاکت پر اہل خانہ شدت غم سے نڈھال ہوگئے اور واقعے کے بعد علاقہ مکینوں میں شدید اشتعال پھیل گیا۔
مواچھ گوٹھ میں کھلے مین ہول میں گرنے سے بچے کی ہلاکت کے بعد علاقہ مکینوں نے بچے کی میت رکھ کر احتجاج کیا اور حب ریور روڈ و ناردرن بائی پاس پر ٹریفک کو بند کردیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار