قبضہ مافیا کے خلاف کاررروائی کریں‘ محمد فاروق فرحان
اشاعت کی تاریخ: 13th, December 2025 GMT
data-id="863a0a8" data-element_type="widget" data-widget_type="theme-post-content.default">
251213-01-8
کراچی(اسٹاف رپورٹر) سندھ اسمبلی میں جماعت اسلامی کے پارلیمانی لیڈر محمد فاروق فرحان نے جمعہ کو سندھ اسمبلی کے اجلاس کے دوران ایوان میں ایک پوائنٹ آف آرڈر پر اظہار کرتے ہوئے کہا کہ میرے حلقہ انتخاب میں جو عظیم پورہ قبرستان ہے اس سے متصل زمین پر لوگ قبضہ کررہے ہیں، شاہراہ بھٹو اور ملیر ندی کا جو پرانا بند ہے، اس کے درمیان جو خالی اسپیس ہے اس کو یا تو یوٹیلائبز کیا جائے یا پھر وہ ندی کے لیے رکھا جائے کیونکہ سیوریج کا ڈسپوزل وہاں موجود ہے، وہاں پر کچھ لوگ جعلی کاغذات بنا کر بڑے دھڑلے کے ساتھ قبضہ کررہے ہیں اور رہائشی سوسائٹی بنارہے ہیں، غریب لوگ کم پیسوں میں جگہ خرید لیتے ہیں۔ فاروق فرحان نے مزید کہا کہ میں پارلیمانی سیکرٹری کی توجہ اس اہم مسئلہ کی جانب مبذول کرانا چاہتا ہوں وہ اس مسئلے پر فوری توجہ دیں، قبضہ مافیا کے خلاف کارروائی کریں، اگر وہ چاہیں تو ہمارے ساتھ وہاں چلیں اور وہاں زمین پر جو قبضہ کیا گیا ہے اسے چھڑائیں۔
ذریعہ: Jasarat News
پڑھیں:
ٹینکر کی ٹکر سے معصوم بچہ جاں بحق، جماعت اسلامی کاآج نمائش چورنگی پر دھرنے کا اعلان
data-id="863a0a8" data-element_type="widget" data-widget_type="theme-post-content.default">
کراچی:شہر قائد کے علاقے ابراہیم حیدری کورنگی میں واٹر ٹینکر کی زد میں آکر جاں بحق ہونے والے 10 سالہ بچے فرحان کی نمازِ جنازہ جمعرات کو ادا کی گئی جس کی امامت امیر جماعت اسلامی کراچی منعم ظفر خان نے کی، اس موقع پر انہوں نے مرحوم کے والد نور محمد اور اہلِ خانہ سے ملاقات کی، تعزیت کی اور سانحے پر گہرے دکھ اور افسوس کا اظہار کیا۔
جنازے کے بعد میڈیا سے گفتگو کرتے ہوئے منعم ظفر خان نے کہا کہ کراچی میں بے لگام ٹینکر اور ڈمپر مافیا کے باعث روزانہ شہری اپنی جانوں سے ہاتھ دھو رہے ہیں جبکہ حکومت کی بے حسی نے صورتحال کو مزید سنگین بنا دیا ہے، شہر میں ٹریفک کا مؤثر نظام نہ ہونا، سڑکوں کی خستہ حالی، جگہ جگہ تجاوزات اور پانی کی شدید قلت نے شہریوں کی زندگیاں غیر محفوظ بنا دی ہیں۔
منعم ظفر خان نے بتایا کہ کراچی کے تقریباً پچاس فیصد علاقے پانی کی فراہمی سے محروم ہیں، جس کے باعث ٹینکرز رہائشی علاقوں میں آزادانہ گھومتے ہیں اور حادثات کا باعث بنتے ہیں، گورننس کی ناکامی اور ناقص انفراسٹرکچر نے شہریوں کو مستقل خطرے میں ڈال دیا ہے، جس کا تازہ ترین ثبوت 10 سالہ فرحان کی المناک موت ہے۔
انہوں نے اعلان کیا کہ جماعت اسلامی نے خونی ٹینکرز، ڈمپر مافیا، ای چالان کے نام پر عوام سے ناجائز وصولیوں، تباہ حال انفراسٹرکچر اور حکومتی نااہلی کے خلاف 13 دسمبر کو شام 5 بجے نمائش چورنگی پر احتجاجی دھرنے کا فیصلہ کیا ہے، یہ دھرنا شہریوں کے بنیادی حقوق کے تحفظ، ٹینکر مافیا کے خلاف کارروائی اور ٹریفک نظام کی بہتری کے مطالبے پر مبنی ہوگا۔
منعم ظفر خان نے بچے کے اہلِ خانہ سے اظہارِ یکجہتی کرتے ہوئے کہا کہ جماعت اسلامی اس غم کی گھڑی میں متاثرہ خاندان کے ساتھ کھڑی ہے اور حکومتی بے حسی کے خلاف اپنی جدوجہد جاری رکھے گی۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر