ٹینکرمافیا کو شہریوں کے قتل عام کی کھلی چھوٹ قابل مذمت ہے، رائو عبدالرحمن
اشاعت کی تاریخ: 11th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی (مانیٹرنگ ڈیسک) جے یو پی یوتھ ونگ کراچی کے صدر راؤ عبد الرحمن نے بابا موڑ مکہ ہوٹل کے قریب اسکول کے طالب علم کی ٹینکر سے ٹکر کے باعث ہلاکت پر شدید غم و غصے کا اظہار کرتے ہوئے کہا کہ یہ واقعہ صرف ایک معمولی حادثہ نہیں ہے بلکہ انتظامیہ کی مجرمانہ غفلت‘ ٹینکر مافیا کی بے قابو سرگرمیوں اور برسوں سے تباہ حال سڑک کی وجہ سے ہونے والا مسلسل قتلِ عام ہے۔ ان کا کہنا تھا کہ اس سڑک نے پہلے بھی متعدد معصوم بچوں کی جانیں لی ہیں مگر حکام کی بے حسی آج تک ختم نہیں ہوئی۔ راؤ عبد الرحمن نے کہا کہ نارتھ ٹاؤن، صائمہ عربین ولاز، الغازی ولاز، مون سٹی، الاحمد ٹاؤن، سلطان آباد، ونگی گوٹھ، مری گوٹھ، واٹر بورڈ کالونی اور ملحقہ آبادیوں کے ہزاروں رہائشی روزانہ اس موت بن چکی سڑک سے گزرنے پر مجبور ہیں۔ نہ سڑک کی تعمیر ہو رہی ہے، نہ ٹینکر مافیا کو روکا جا رہا ہے اور نہ ہی کوئی ٹریفک مانیٹرنگ موجود ہے۔ انہوں نے کہا کہ آج ایک اور معصوم بچہ جا ں بحق ہوا اور سوال یہ اٹھایا کہ اس خون کا ذمہ دار کون ہے؟ اگر اس روڈ کی مرمت وقت پر ہو جاتی، اگر ٹینکر مافیا کو لگام دی جاتی، توآج ایک اور گھر اجڑنے سے بچ جاتا۔ راؤ عبدالرحمن نے حکومت سے سخت مطالبات کیے۔ انہوں نے کہا کہ اس سانحے کی ایف آئی آر تمام ذمہ دار اداروں اور متعلقہ افسران پر درج کی جائے، ٹینکر مافیا کے خلاف فوری اور عملی کارروائی کی جائے اور اس روڈ کی ہنگامی بنیادوں پر مرمت اور بحالی کا آغاز کیا جائے۔
ذریعہ
ذریعہ: Jasarat News
کلیدی لفظ: ٹینکر مافیا کہا کہ
پڑھیں:
فیلڈ مارشل، میں اور قوم سعودیہ کیساتھ ہیں، وزیراعظم کا ولی عہد سے رابطہ، آئل ٹینکرز پر حملے کی مذمت
اسلام آباد(ڈیلی پاکستان آن لائن )وزیراعظم شہباز شریف نے سعودی آئل ٹینکرز پر حوثی ملیشیا کے حملوں کی شدید مذمت کرتے ہوئے کہا ہےکہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیراعظم شہباز شریف اور سعودی ولی عہد محمد بن سلمان کے درمیان ٹیلی فونک رابطہ ہوا جس میں وزیراعظم نے بحیرہ احمر میں سعودی آئل ٹینکرز پر حوثی ملیشیا کے بزدلانہ حملوں کی شدید ترین الفاظ میں مذمت کی۔
وزیراعظم نے محمد بن سلمان سے گفتگو میں کہا کہ ایسے اقدامات قطعی ناقابلِ قبول ہیں، یہ بین الاقوامی قانون کی صریح خلاف ورزی ہیں، ایسے اقدامات جہاز رانی اور تجارتی نقل و حمل کی آزادی کے لیے خطرہ ہیں اور ایسے اقدامات علاقائی امن، سلامتی اور استحکام کو نقصان پہنچاتے ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
وزیراعظم نے برادر ملک سعودی عرب کے ساتھ پاکستان کی مکمل یکجہتی کا اعادہ کرتے ہوئے کہا کہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیر اعظم شہباز شریف نے مملکت سعودی عرب کی سلامتی، خودمختاری، علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کیا۔
شہباز شریف کا کہنا تھا کہ پاکستان امن وسلامتی اور استحکام کے لیے مملکت و عالمی برادری کےساتھ تعاون جاری رکھے گا، پاکستان بحیرہ احمر، آبنائےہرمز اور سمندری تجارت کی بلاتعطل روانی کے لیے قریبی تعاون جاری رکھے گا۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
وزیراعظم نےخادمِ حرمین شریفین شاہ سلمان کے لیے نیک خواہشات اور خیرسگالی کے جذبات کا اظہار کیا جب کہ اس موقع پر سعودی ولی عہد نے پاکستان کی مستقل حمایت اور دونوں ممالک کے درمیان قریبی برادرانہ تعلقات کو سراہا۔
مزید :
پاکستان نے ورلڈ کپ 2028 کیلیے براہ راست کوالیفائی کر لیا