عوام کو بنیادی سہولیات کی فراہمی کیلئے اقدامات کررہے ہیں
اشاعت کی تاریخ: 13th, December 2025 GMT
data-id="863a0a8" data-element_type="widget" data-widget_type="theme-post-content.default">
251213-05-1
ایبٹ آباد(جسارت نیوز )ممبر صوبائی اسمبلی مشتاق احمد غنی نے کہا ہے کہ صوبائی حکومت بانی پاکستان تحریک انصاف عمران خان کے ویژن کے مطابق عوام کو بنیادی سرکاری خدمات ایک ہی چھت تلے فراہم کرنے کے لیے بھرپور اقدامات کر رہی ہے۔ انہوں نے یہ بات عوامی سہولت مرکز (CFC) ایبٹ آباد میں جمعہ کے روز منعقدہ آگاہی مہم کی تقریب سے بطور مہمانِ خصوصی خطاب کرتے ہوئے کہی، جس میں ایم پی اے و ڈیڈک چیئرمین ایبٹ آباد افتخار خان جدون، ڈپٹی کمشنر ایبٹ آباد کیپٹن ریٹائرڈ سرمد سلیم اکرم، ایڈیشنل ڈپٹی کمشنر جنرل گوہر علی، پروجیکٹ ڈائریکٹر وقاص الٰہی اور متعدد سرکاری محکموں کے افسران نے شرکت کی۔ اس موقع پر پروجیکٹ ڈائریکٹر وقاص الٰہی نے شرکاء کو عوامی سہولت مرکز ایبٹ آباد میں فراہم کی جانے والی 26 سرکاری خدمات، سسٹمز، ٹوکن مینجمنٹ، شکایات کے ازالہ میکانزم اور مستقبل میں شامل کی جانے والی مزید خدمات کے حوالے سے تفصیلی بریفنگ دی۔ اپنے خطاب میں مشتاق احمد غنی نے کہا کہ CFC کے قیام سے عوام مختلف اداروں کے چکر لگانے سے بچیں گے، دفاتر میں غیر ضروری رش کم ہوگا اور لوگوں کو ایک ہی جگہ پر تیز، آسان اور موثر خدمات میسر آئیں گی۔ انہوں نے مزید کہا کہ تمام خدمات کی ٹائم لائنز نمایاں طور پر آویزاں کی جائیں تاکہ اداروں میں جوابدہی قائم ہو اور شہریوں کو اپنے کام کی مدت کا واضح اندازہ ہو سکے۔ اس موقع پر ڈپٹی کمشنر ایبٹ آباد کیپٹن ریٹائرڈ سرمد سلیم اکرم نے اپنے خطاب میں کہا کہ عوامی سہولیت مرکز عوام کو ریلیف دینے اور انہیں باوقار اور شفاف انداز میں خدمات فراہم کرنے کا جدید ماڈل ہے۔ انہوں نے کہا کہ ضلعی انتظامیہ اس منصوبے کو ہر حال میں کامیاب بنانے کے لیے بھرپور معاونت فراہم کرے گی اور مرکز میں آنے والے شہریوں کی رہنمائی، سہولت اور خدمت کو مزید بہتر بنانے کے لیے مسلسل اقدامات کیے جا رہے ہیں۔ ڈی سی ایبٹ آباد نے اس عزم کا اظہار کیا کہ CFC کو ایسا مثالی ماڈل بنایا جائے گا اس مقصد کے لیے عملے کی تربیت، ادارہ جاتی ہم آہنگی اور ٹیکنالوجی اپ گریڈیشن کو اولین ترجیح دی جا رہی ہے۔ تقریب کے اختتام پر انہوں نے منصوبے سے وابستہ تمام محکموں، عوامی نمائندگان اور ٹیم کا شکریہ ادا کیا اور کہا کہ CFC حکومت کا فلیگ شپ منصوبہ ہے جس سے ہر شہری براہِ راست مستفید ہوگا۔
ذریعہ
ذریعہ: Jasarat News
کلیدی لفظ: ایبٹ ا باد انہوں نے کے لیے کہا کہ
پڑھیں:
پیپلز پارٹی کی قیادت پر انگلی اٹھانے سے پہلے رانا ثنا اللہ کو ماڈل ٹاؤن کے خون کا حساب دینا چاہیئے، سعدیہ جاوید
ترجمان سندھ حکومت نے کہا کہ مسلم لیگ (ن) کی موجودہ سیاسی بے چینی اس بات کی غماز ہے کہ اسے آزاد کشمیر کے انتخابات میں شکست کا واضح خدشہ ہے، اسی لیے عوامی مسائل سے توجہ ہٹانے کے لیے سیاسی محاذ آرائی کو ہوا دی جا رہی ہے۔ اسلام ٹائمز۔ ترجمان سندھ حکومت سعدیہ جاوید نے مسلم لیگ (ن) کے رہنما رانا ثناءاللہ کے بیان پر سخت ردعمل دیتے ہوئے کہا ہے کہ پیپلز پارٹی کی قیادت پر انگلی اٹھانے سے پہلے رانا ثناءاللہ کو ماڈل ٹاؤن کے خون کا حساب دینا چاہیئے۔ اپنے بیان میں سعدیہ جاوید نے کہا کہ کرپشن اور منی لانڈرنگ کے الزامات کا سامنا کرنے والے عناصر کو اخلاقیات، دیانت داری اور شفافیت پر بات کرنے کا کوئی اخلاقی جواز حاصل نہیں۔ انہوں نے کہا کہ رانا ثنا اللہ ہوش کے ناخن لیں اور سستی شہرت حاصل کرنے کے لیے بے بنیاد بیانات دینے سے گریز کریں کیونکہ پیپلز پارٹی کے خلاف ہر الزام اور ہر بیان کا بھرپور جواب دیا جائے گا۔
ترجمان سندھ حکومت نے کہا کہ سندھ کے خلاف زہر اگلنے والوں کو پہلے شریف خاندان کی مبینہ مالی بے ضابطگیوں، بیرون ملک جائیدادوں اور دیگر معاملات کا جواب دینا چاہیئے۔ انہوں نے الزام عائد کیا کہ بعض سیاسی رہنما اپنی ناکامیوں پر پردہ ڈالنے کے لیے بے بنیاد کہانیاں گھڑ رہے ہیں، جبکہ ان کی سیاست ہمیشہ سہاروں، ڈیلز اور مفاہمت پر قائم رہی ہے۔ سعدیہ جاوید نے کہا کہ مسلم لیگ (ن) کی موجودہ سیاسی بے چینی اس بات کی غماز ہے کہ اسے آزاد کشمیر کے انتخابات میں شکست کا واضح خدشہ ہے، اسی لیے عوامی مسائل سے توجہ ہٹانے کے لیے سیاسی محاذ آرائی کو ہوا دی جا رہی ہے۔
انہوں نے مزید کہا کہ سندھ کے وسائل پر نظر رکھنے والے سیاسی عناصر پہلے اپنے طرزِ سیاست کا جائزہ لیں، جس جماعت کی بنیاد، ان کے بقول، جمہوری اقدار کی مخالفت پر استوار رہی ہو، وہ پیپلز پارٹی کو عوامی مینڈیٹ اور سیاسی شعور کا درس نہ دے۔ ترجمان سندھ حکومت نے کہا کہ عوام اب سیاسی نعروں اور الزامات کی سیاست سے بخوبی آگاہ ہو چکے ہیں اور مسلم لیگ (ن) کے بیانیے کو مسترد کر رہے ہیں۔ انہوں نے کہا کہ عوامی شعور میں اضافے کے بعد اس نوعیت کی سیاست مزید کامیاب نہیں ہو سکے گی۔
بھارت سے جنگ اور افغانستان میں کارروائی خارج ازامکان نہیں، وزیردفاع