پاکستان اور نیدرلینڈز میں تجارت و سرمایہ کاری بڑھانے پر اتفاق
اشاعت کی تاریخ: 30th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان اور نیدرلینڈز کے درمیان تجارت اور سرمایہ کاری بڑھانے پر اتفاق ہوگیا۔
وفاقی دارالحکومت میں دونوں ممالک کے حکام کے مابین ہونے والی اہم ملاقات میں دوطرفہ اقتصادی تعلقات کو مزید مستحکم بنانے اور سرمایہ کاری کے نئے مواقع پیدا کرنے پر اتفاق کیا گیا ہے۔ وزیر خزانہ اور نیدرلینڈز کے سفیر کے درمیان ہونے والی اس نشست میں تجارت، سرمایہ کاری اور مختلف صنعتی شعبوں میں باہمی تعاون کے فروغ پر تفصیلی تبادلہ خیال کیا گیا۔
ملاقات میں نیدرلینڈز کی جانب سے پاکستان کے ساتھ اقتصادی روابط کو وسعت دینے کی خواہش ظاہر کی گئی۔ ڈَچ سفیر نے بتایا کہ اس وقت پاکستان میں تقریباً 50 ڈَچ کمپنیاں سرگرم عمل ہیں، جو خاص طور پر ٹیکسٹائل، زراعت اور انفارمیشن ٹیکنالوجی (آئی ٹی) کے شعبوں میں اپنی سرمایہ کاری کو مزید بڑھانے میں دلچسپی رکھتی ہیں۔
انہوں نے بتایا کہ نیدرلینڈز کے ترقیاتی و مالیاتی ادارے ایف ایم او (FMO) کی جانب سے بھی پاکستان میں سرمایہ کاری کے نئے منصوبوں کے لیے بھرپور تعاون فراہم کرنے کا ارادہ ہے۔
وزیر خزانہ نے نیدرلینڈز کے سفیر کو خوش آمدید کہتے ہوئے کہا کہ پاکستان کی معیشت اقتصادی اصلاحات کے نتیجے میں استحکام کی جانب گامزن ہے۔ انہوں نے بتایا کہ حکومت کی سرمایہ کاری دوست پالیسیوں، شفاف اقدامات اور تیز رفتار اصلاحاتی عمل نے نہ صرف ملکی سرمایہ کاروں بلکہ غیر ملکی سرمایہ کاروں کے اعتماد میں بھی نمایاں اضافہ کیا ہے۔
انہوں نے مزید کہا کہ اسپیشل انویسٹمنٹ فسیلیٹیشن کونسل (SIFC) کی مؤثر حکمت عملی کے باعث ملک میں کاروباری سرگرمیوں کو نئی رفتار ملی ہے۔ ایس آئی ایف سی کے پلیٹ فارم کے ذریعے زراعت، معدنیات، توانائی اور آئی ٹی جیسے شعبوں میں غیر ملکی سرمایہ کاری کے لیے سازگار ماحول پیدا کیا گیا ہے۔
وزیر خزانہ نے یقین دہانی کرائی کہ حکومت غیر ملکی سرمایہ کاروں کو ہر ممکن سہولت فراہم کرنے کے لیے پرعزم ہے تاکہ پاکستان کی معیشت کو پائیدار بنیادوں پر مستحکم کیا جا سکے۔
دونوں ممالک کے نمائندوں نے اس بات پر اتفاق کیا کہ باہمی تعاون کو صرف تجارتی سطح تک محدود نہیں رکھا جائے گا بلکہ نئی ٹیکنالوجی کے تبادلے، زرعی پیداوار کے فروغ اور ماحولیاتی تبدیلی سے متعلق منصوبوں میں بھی مل کر کام کیا جائے گا۔
نیدرلینڈز کے سفیر نے پاکستان کے اقتصادی استحکام کے لیے حکومتی اقدامات کو سراہتے ہوئے کہا کہ ان کا ملک پاکستان کے ساتھ دیرپا تجارتی تعلقات کو مزید مضبوط بنانے کا خواہاں ہے۔
.ذریعہ: Jasarat News
کلیدی لفظ: نیدرلینڈز کے سرمایہ کاری ملکی سرمایہ کی سرمایہ پر اتفاق کے لیے
پڑھیں:
پاک بنگلادیشن:توانائی، تجارت ودیگر شعبوں میں تعاون بڑھانے پر متفق
data-id="863a0a8" data-element_type="widget" data-widget_type="theme-post-content.default">
251030-08-17
ڈھاکا (آن لائن) وفاقی وزیر پیٹرولیم علی پرویز ملک نے کہا ہے کہ پاکستان اور بنگلا دیش کے تعلقات میں نئے باب کا آغاز ہوا ہے، بیس سال بعد مشترکہ اقتصادی کمیشن کا اجلاس خوش آئند ہے۔ بنگلا دیش کے مختلف اعلیٰ حکام سے ملاقاتیں کیں اور پاکستان اور بنگلا دیش کے تعلقات کو فروغ دینے پر تبادلہ خیال کیا۔ ملاقاتوں میں دونوں ممالک کے درمیان اداراتی میکانزم کے اجلاسوں کی بحالی پر اطمینان کا اظہار کیا گیا اور توانائی، قدرتی وسائل، تجارت، ٹیکسٹائل، سیاحت اور سول ایوی ایشن کے شعبوں میں تعاون بڑھانے پر اتفاق کیا گیا۔ انہوں نے کہا کہ پاکستان اور بنگلا دیش کے تعلقات میں نئے باب کا آغاز ہوا ہے اور بیس سال بعد مشترکہ اقتصادی کمیشن کا اجلاس خوش آئند ہے۔ انہوں نے بنگلا دیش کی مہمان نوازی پر بھی شکریہ ادا کیا۔ملاقاتوں میں علی پرویز ملک نے بنگلا دیش کے مشیر برائے امور خارجہ محمد توحید حسین، مشیر برائے تجارت، ٹیکسٹائل، سول ایوی ایشن اور سیاحت شیخ بشیر الدین، اور مشیر برائے توانائی و معدنی وسائل محمد فوزل کبیر خان سے بھی تفصیلی بات چیت کی۔ بنگلا دیشی حکام نے پاکستان اور بنگلا دیش کے درمیان براہِ راست پروازوں کی بحالی کو اہم قرار دیا۔وزیر پیٹرولیم نے کہا کہ دونوں ممالک کے درمیان تجارتی تعاون اور توانائی کے شعبے میں مزید تعلقات مضبوط بنانے کے وسیع مواقع موجود ہیں اور پاکستان اس حوالے سے ہر ممکن تعاون کا خواہاں ہے۔
ڈھاکا: وفاقی وزیر توانائی علی پرویز ملک بنگلا دیش کے مشیر برائے خارجہ امورتوحید حسین سے ملاقات کررہے ہیں
اپنے ہی ملک میں میرے ساتھ ایسا سلوک ہوتا ہے، طلحہ انجم پر پھر کسنرٹ کے دوران بوتل پھینکنے دی گئی