پیپلز پارٹی حکومت کا ماسٹر پلان کراچی کی تباہی و بربادی کے سوا کچھ نہیں‘ منعم ظفر خان
اشاعت کی تاریخ: 20th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)امیر جماعت اسلامی کراچی منعم ظفر خان نے کہا ہے کہ جرم ، سیاست ، حکومت اور مافیائوں کے گٹھ جوڑ نے شہر کو یرغمال بنایا ہوا ہے ،پیپلز پارٹی کی سندھ حکومت کا ماسٹر پلان کراچیکی تباہی و بربادی کے سوا کچھ نہیں ، ای چالان اور کیمروں کے بعدشاہراہ فیصل کو عوام کے لیے پل صراط قرار دے رہے ہیں ، کراچی کا تباہ حال انفرااسٹرکچر اور ٹوٹی پھوٹی سڑکیں تو پہلے ہی اہل کراچی کے لیے پل صراط بنی ہوئی ہیں جن پر سے روزانہ انہیں گزرنا پڑتا ہے ، واٹر کارپوریشن ، سندھ سالڈ ویسٹ مینجمنٹ عوام کے لیے عذاب بنے ہوئے ہیں شہر میں جرائم اور مسلح ڈکیتی کی وارداتیں مسلسل بڑھ رہی ہیں اور ہیوی ٹریفک کے ہاتھوں بھی شہری روزانہ نشانہ بن رہے ہیں ، وزیر اعلیٰ ، وزیر ٹرانسپورٹ اور وزیر بلدیات شہریوں کے مسائل حل کرنے اور ریلیف دینے کے بجائے صرف ای چالان پر زور دے رہے ہیں ، 17سال میں کراچی میں صرف چند سو بسیں لانے والی پیپلز پارٹی کی سندھ حکومت کے وزیر روزانہ ڈبل ٹریکر بسوں کے اعلان کر کے اہل کراچی کو بے وقوف بنا رہے ہیں ۔ ایم کیو ایم فرینڈلی اپوزیشن کر کے صرف اپنی وزارتوں کو تحفظ دے رہی ہے اور ذاتی مفادات کے حصول میں لگی ہوئی ہے ، آصف علی زرداری کو استشنا دلوانے میں بھی ایم کیو ایم شریک ہے ، وزیر اعظم شہباز شریف کا 6ماہ بعد کراچی کا دورہ اور عوامی مسائل کے حل اور کسی ترقیاتی پیکیج کے اعلان کے بغیر واپسی عدم دلچسپی کا کھلا ثبوت ہے ، ہمارا مطالبہ ہے کہ وفاق فوری طور پر کراچی کو 500ارب کا ترقیاتی پیکیج دے ، سندھ حکومت ہر ٹائون کو 2ارب روپے فراہم کرے تاکہ شہر کی حالت بہتر اور عوامی مسائل حل ہوں ، سندھ حکومت نے این ایف سی ایوارڈ کے ذریعے 13فیصد اضافے کے ساتھ 50280ملین روپے وصول کیے ہیں وہ فوری طور پر پی ایف سی کا اجراء کرے ، ظالمانہ ای چالان کے بھاری جرمانے واپس لیے جائیں اور ان جرمانوں کی رقم کو ریوائز کیا جائے ، کراچی کے شہری پہلے ہی کے ایم سی کے میونسپل یوٹیلیٹی چارجز سمیت بے شمار ٹیکس دے رہے ہیں ، جماعت اسلامی کا اجتماع عام لاہور ، ملک میں ظلم و استحصال کے نظام کو بدلنے وڈیروں ، جاگیرداروں ، سرداروں ، چوہدریوں اور خوانین کے ہاتھوں محکوم عوام کی تقدیر بدلنے اور ملک میں رائج سیاست کا رخ تبدیل کرنے کی جدو جہد اور تحریک میں ایک اہم سنگ ِمیل ثابت ہوگا ، لاکھوں کی تعداد میں کراچی تا چترال سے آئے مرد و خواتین ، نوجوان ، بچے ، بزرگ اور ہر طبقے کے افراد ایک نئے جوش اور ولولے اور عزم ِ نو کے ساتھ ظلم و استحصال کے نظام اور اس کے سرپرستوں و آلہ کاروں کے خلاف جدو جہد اور مزاحمت تیز کریں گے ۔ ان خیالات کا اظہار انہوں نے بدھ کو ادارہ نور حق میں پریس کانفرنس سے خطاب کرتے ہوئے کیا ۔ پریس کانفرنس میں اپوزیشن لیڈر کے ایم سی و نائب امیر کراچی سیف الدین ایڈوکیٹ، ڈپٹی سیکر ٹری کراچی قاضی صدر الدین ، سکرٹری اطلاعات زاہد عسکری بھی موجود تھے ۔دریں اثناء منعم ظفر خان نے اجتماع عام مینار ِ پاکستان لاہور میں شرکت کے لیے روانہ ہونے والے قافلوں کو کینٹ اسٹیشن سے روانہ کیا ، کراچی سے قافلوں کی روانگی کا سلسلہ تیزی سے جاری ہے ، کراچی سے ہزاروں مردو خواتین شریک ہوں گے جو مختلف ٹرینوں ، بسوں اور دیگر گاڑیوں کے ذریعے مینارِ پاکستان پہنچیں گے ۔ قافلے جمعرات 20نومبر کو بھی روانہ ہوں گے ، منعم ظفر خان مختلف قافلوں سمیت اجتماع عام کے لیے چلائی جانے والی ایک اسپیشل ٹرین کو بھی صبح 10بجے کینٹ اسٹیشن سے رخصت کریں گے ۔ منعم ظفر خان نے مزید کہا کہ ایم کیو ایم اور پیپلز پارٹی کے درمیان ہمیشہ کی طرح ایک بار پھر نورا کشتی جاری ہے اور ایم کیو ایم فرینڈلی اپوزیشن بنی ہوئی ہے ، ایم کیو ایم اور پیپلز پارٹی نے مل کر کراچی کو تباہ و برباد کیا ہے ، ایم کیو ایم ہر حکومت کے ساتھ اقتدار میں شریک رہی ہے ، کراچی کے اداروں کو پیپلز پارٹی کی صوبائی حکومت کے حوالے کرنے کے عمل میں بھی ایم کیو یم شریک جرم رہی ہے ، پیپلز پارٹی نے کراچی کے اداروں کے ناموں میں سے کھرچ کھرچ کر کراچی کا نام الگ کیا ہے ، کراچی بلڈنگ کنٹرول اتھارٹی ، کراچی ماسٹر پلان اتھارٹی کے ساتھ سندھ لگا دیا ہے ، کوڑا کرکٹ اُٹھانے والے بھی سندھ سالڈ ویسٹ مینجمنٹ کے نام سے ادارہ بنا دیا ہے ، سارے اختیارات و وسائل سندھ حکومت نے اپنے قبضے میں کیے ہوئے ہیں ، پیپلز پارٹی اٹھارویں ترمیم اور جمہوریت کی مالا تو بہت جپتی ہے لیکن اختیارات و وسائل نچلی سطح پر منتقل کرنے پر تیار نہیں ، کراچی کے شہری حکومت کی بدترین کارکردگی ، بد انتظامی ، نا اہلی اور کرپشن کی سزا بھگت رہے ہیں ، آدھے شہر کو پانی میسر نہیں ہے ، ٹینکر مافیا کا راج ہے اور شہری مہنگے داموں ٹینکر خریدنے پر مجبور ہیں ، ریڈ لائین کے نام پر پورا یونیورسٹی روڈ کھدا پڑا ہے ، وزیر اعلیٰ کریم آباد انڈر پاس جاتے ہیں اور کہتے ہیں کہ 80فیصد کام مکمل ہو گیا ہے ، اس پروجیکٹ کی حتمی تاریخ اپریل 2025بھی گزر چکی ہے اور آئندہ کئی ماہ تک ا س کے مکمل ہونے کے کوئی امکانات نہیں ہیں ۔ شہر کی بیشتر سڑکیں ٹوٹی ہوئی ہیں ، جہانگیر روڈ، 7000فٹ روڈ ، ایم ایم عالم روڈ ،ملیر ، شاہراہ منگھو پیر ‘ تو چند مثالیں ہیں ورنہ پورے شہر کا برا حال ہے ، ایک طرف تباہ حال اسفرا اسٹرکچر ہے تو دوسری طرف ٹریفک کے حادثات بالخصوص ہیوی ٹریفک کراچی کے شہریوں کے لیے جان لیوا بنا ہوا ہے ، رواں سال 10ماہ کے دوران 755افراد حادثات کا شکار ہوئے ہیں جن میں 227افراد خونی ٹرالر ، ٹینکر ،ڈمپر ، بسوں اور منی بسوں کے باعث موت کا شکار ہوئے ، جبکہ زخمیوں کی تعداد 11ہزار تک پہنچ چکی ہے ، شہریوں کو سفری سہولیات میسر نہیں ، بسیں تو موجود نہیں لیکن بسوں اور وہ بھی ڈبل ٹریکر بسوں کے اعلانات روزانہ کیے جاتے ہیں ۔ایک طرف یہ صورتحال ہے دوسری طرف لاقانونیت اور لوٹ مار نے عوام کی جان و مال کو غیر محفوظ بنا دیا ہے ، رواں سال 54ہزار وارداتیں ہوئیں جن میں 37ہزار صرف موٹر سائیکلیں چھینی گئیں اور چوری ہوئیں،78افراد اسٹریٹ کرمنلز کے ہاتھوں موت کا شکار ہوئے اور سینکڑوں زخمی ،بھتہ خوری کے واقعات بھی بڑھ رہے ہیں گزشتہ روز نیو ایم اے جناح روڈ پر شو روم سے بھتہ طلب کیا گیا اور بھتہ نہ دینے پر فائرنگ کر کے گاڑیوں کو شدید نقصان پہنچایا گیا، یہ کارکردگی ہے سندھ حکومت اور کراچی پولیس کی اور سارا زور ای چالان پر ، کیمروں کے ذریعے چالان تو روزانہ کیے جارہے ہیں لیکن مجرموں اور لوٹ مار کرنے والے والوں کو کیوں پکڑا نہیں جاتا ؟ کیا ہوا سیف سٹی پروجیکٹ کا ؟ اہل کراچی اس بدترین حالات کا شکار ہیں ، جماعت اسلامی عوام کی آواز بنی ہوئی ہے اور عوام کو ہر گز تنہا نہیں چھورے گی ۔
ذریعہ
ذریعہ: Jasarat News
کلیدی لفظ: پیپلز پارٹی ایم کیو ایم سندھ حکومت کراچی کے رہے ہیں کے ساتھ کا شکار کے لیے ہے اور
پڑھیں:
دعا ہے فیلڈ مارشل امن کی کوششوں میں کامیاب ہوجائیں، بلاول بھٹو زرداری
گلگت:پیپلز پارٹی کے چیئرمین بلاول بھٹو زرداری نے کہا ہے کہ دعا ہے کہ فیلڈ مارشل امن کی کوششوں میں کامیاب ہوجائیں، امن کی کوششوں کا کامیاب ہونا ضروری ہے۔
گلگت بلتستان میں انتخابی جلسے سے خطاب میں انہوں نے کہا کہ ایران میں اسکول پر میزائل مار کر بچوں کو شہید کیا گیا اس جنگ میں ایران کے ساتھ ساتھ دنیا بھر کے عوام جنگ کا بوجھ اٹھا رہے ہیں۔
ان کا کہنا تھا کہ ملک بھر میں کوئی سیاست دان نہیں جس نے میری طرح ملک بھر کے دورے کیے ہوں، میں گلگت بلتستان کی ہر تحصیل میں پہنچا ہوں، گزشتہ الیکشن میں خوشی کا ماحول تھا اس الیکشن میں سوگ کا ماحول ہے۔
ان کا کہنا تھا کہ بی آئی ایس پی ملک کا واحد پروگرام ہے جو ہر غریب کے گھر تک پہنچتا ہے، اس پروگرام کے خلاف سیاسی جماعتوں کی سازشیں ناکام ہوں گی۔
بلاول کا کہنا تھا کہ مشرف دور میں دیگر ممالک کےلیے فوجی بیسز بنے ہمارے دور میں نہیں، پاکستان کو ایٹم بم ذوالفقار علی بھٹو اور میزائل پروگرام بے نظیر نے دیا، ہم چاہتے ہیں پاکستان دفاعی و معاشی لحاظ سے مضبوط ہو، یہ کیسی معاشی پالیسی ہے کہ امیر، امیرتر ہوجائے اور غریب غریب تر ہوجائے، یہ تمام کام صرف ایک جماعت کراسکتی ہے اور وہ پیپلز پارٹی ہے۔
ان کا کہنا تھا کہ آپ نے ہر چیز کو اسلام آباد سے چلانا چاہا ہے، آپ پہلے گلگت بلتستان کو اس کا حق ملکیت دلادیں، یہ ماننا پڑے گا کہ کسی بھی پروجیکٹ میں مقامی لوگوں کو ملکیت دینی ہوگی جس طرح سندھ میں ہے جہاں تھر سے کوئلہ نکلا وہاں کے مقامی لوگوں کو بجلی دی گئی انہیں پروجیکٹس میں نوکریاں دی گئیں، انہیں شیئر کی بھی آفر کی گئی مگر انہوں ںے پیسہ لیا شیئر نہیں، تھرکول سے فائدہ سندھ کو نہیں پورے پاکستان کو ہورہا ہے مگر سب سے پہلے فائدہ مقامی لوگوں کو ہوا یہی پیپلز پارٹی چاہتی ہے۔
بلاول بھٹو زرداری کا کہنا تھا کہ میں صوبوں سے نہیں عالمی دنیا سے مقابلہ کرتا ہوں، سندھ میں جو ہاؤسنگ کا منصوبہ ہے یہ دنیا کا سب سے بڑا زلزلہ ہے، قبل ازیں یہ نیپال میں ریکارڈ تھا جہاں زلزلے کے بعد گھر بنے اور اب یہ ریکارڈ سندھ کے پاس ہے جہاں سیلاب کے بعد بیس لاکھ پکے گھر بنائے جارہے ہیں جو سیلاب آنے کے باوجود تباہ نہیں ہوں گے، یہ مکانات خواتین کے نام پر ہوں گے۔
انہوں نے مزید کہا کہ مجھے امید ہے کہ سات جون کو انتخابات میں یہاں کے عوام تیر کے نشان پر مہر لگائیں کہ تاکہ میں یہاں کے مقامیوں کو ان کا حق ملکیت دوں اور گلگت بلتستان میں اسپتالوں کا جال بچھادوں جہاں مفت علاج ہوسکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ