ملک بھر میں شوگر کے ڈاکٹرز کی کمی ہے، ، توجہ دی جائے، ڈاکٹر ثانیہ بشیر
اشاعت کی تاریخ: 25th, November 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)ماہر امراض شوگر و سی ای اوڈائبیٹیزٹیلی کیئرسینٹرڈاکٹر ثانیہ بشیرنے کہاہے کہ حمل کے دوران شوگر کا شکار ہونے والی خواتین آئندہ پانچ سال کے دوران شوگر کے مرض میں مبتلا ہوجاتی ہیں خواتین حمل کے ٹہرنے سے پہلے اپنا معائنہ کرانے کے ساتھ ہرتین ماہ میں شوگر کولیسٹرول اور گردوں کا ٹیسٹ لازمی کرائیں، پاکستان میں شوگر کا مرض عام ہوتا جارہا ہے کمیونٹی سطح پر آگاہی مہم کی اشد ضرورت ہے۔ان خیالات کا اظہار انہوں نے ڈائبیٹیزٹیلی کیئرسینٹر کے تحت حیدرآباد میں دوسری ڈیجیٹل ہیلتھ کانفرنس سے اپنے خطاب میں کیا۔ اس موقع پر شرکا کیلئے فری میڈیکل کیمپ کا انعقاد بھی کیا گیا جس میں شرکا کے مفت بلڈ پریشر، وزن اور شوگر کے ٹیسٹ بھی کئے گئے۔ ڈاکٹر ثانیہ بشیر نے کہا کہ اس وقت پاکستان میں ساڑھے تین کروڑ سے زائد افراد شوگر کے مرض میں مبتلا ہیں جن کیلئے ملک بھر میں کم وبیش ایک ہزار ڈاکٹرزہیں جو کہ انتہائی ناکافی ہیں لہذااس جانب توجہ دینے کی ضرورت ہے، ٹیلی کیئر کی موبائل ایپ کی سہولت سے دنیا بھر کے لوگ فائدہ اٹھا رہے ہیں تمام ڈیٹا سینٹر لائز ہوگا جو بہت ضروری ہے، ٹیلی کیئر ملک کا وہ واحد ادارہ ہے جو گھر بیٹھے شوگر کے مریضوں کو علاج کی سہولت فراہم کررہا ہے کیونکہ شوگر کے حوالے سے پوری قوم کو خطرات لاحق ہیں اور چیلنجز کا سامنا ہے،موٹاپا بلڈ پریشر کولیسٹرول تمباکو نوشی انفیکشن نیند کی کمی اور ذہنی دباؤ شوگر بڑھنے کی بنیادی وجہ ہیں جبکہ زیادہ بھوک وپیاس کا لگنا اور بار بار پیشاب کا آنا شوگر کی علامات میں شامل ہیں اور اگرشوگر کی ادویات کام کرنا چھوڑ دیں تو شوگر کے مریض کو انسولین پر آنا پڑتا ہے۔لہذا فائبر ڈائٹ کو زندگی کا لازمی حصہ بنائیں فاسٹ فوڈ بیکری آئیٹم،فائن آٹا معدہ اور چینی سے بنی ہوئی چیزوں کو فوری ترک کرکے متوازن غذائوں کا استعمال اور ورزش کو معمول بنائیں ان باتوں پر عمل کرکے شوگر کنٹرول کی جاسکتی ہے لیکن مکمل ختم نہیں۔ ڈاکٹر ثانیہ کے پیش نظر شوگر کے مریضوں کو گھر بیٹھے علاج کی غرض سے ڈیجیٹل ایپ روشناس کرائی بشیر نے کہاکہ ٹیلی کئیر سال 2020ء میںاپنے قیام سے اب تک شوگر کے حوالے سے لوگوں کو آگاہی فراہم کررہا ہے،اب تک 20 کے قریب اسکولز میں آگاہی پروگرامز کا انعقاد کیا جا چکاہے،ٹیلی کئیر نے عوام کی سہولتہے۔ کانفرنس سے کنٹونمنٹ بورڈ کے ڈاکٹر غلام محمد ابڑو اور ڈاکٹر منیرہ رفیق راجپوت نے بھی خطاب کیا۔
ذریعہ
ذریعہ: Jasarat News
کلیدی لفظ: ڈاکٹر ثانیہ شوگر کے
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار