ہمت ہےتو گورنرراج لگا کر دکھائیں،وزیراعلیٰ پختونخوا
اشاعت کی تاریخ: 1st, December 2025 GMT
data-id="863a0a8" data-element_type="widget" data-widget_type="theme-post-content.default">
پشاور: وزیراعلیٰ خیبرپختونخوا سہیل آفریدی نے کہا ہے کہ ہمت ہے تو گورنر راج لگا کر دکھائیں ،ہم کسی سے ڈرتے نہیں ہےں۔
ان کے بقول صوبے میں پہلے ہی بانی پی ٹی آئی عمران خان کا راج ہے لہٰذا کسی اور راج کی ضرورت نہیں۔
پشاور کے علاقے حیات آباد میں تقریب سے خطاب اور میڈیا سے گفتگو کرتے ہوئے ان کا کہنا تھا کہ ہم ڈیلیور کر رہے ہیں، عوام کو ریلیف دے رہے ہیں، پھر بھی ہم پر انگلیاں اٹھائی جاتی ہیں۔
وزیراعلیٰ سہیل آفریدی نے صوبہ بھر سے شدید معذوری کے شکار افراد کے لیے “احساس امید پروگرام” کا اجرا کیا، جس کے تحت 10ہزار خصوصی افراد کو فی کس 5ہزار روپے ماہانہ فراہم کیے جائیں گے۔
پروگرام پر رواں مالی سال جنوری تاجون 2026 ءتک 30 کروڑ روپے خرچ ہوں گے۔ علاوہ ازیں قومی مالیاتی کمیشن کے تحت خیبرپختونخوا کا حصہ بڑھانے اور بقایاجات کے حصول کے لیے تحریک انصاف سمیت تمام سیاسی جماعتیں متحد ہوگئی ہیں۔
4 دسمبر کو ہونے والے این ایف سی کے اجلاس میں صوبہ کا موقف پیش کرنے کے حوالے سے خیبرپختونخوا حکومت نے اپوزیشن جماعتوں کو بھی اعتماد میں لے لیا۔
صوبائی اسمبلی میں اپوزیشن جماعتوں نے صوبے کے حقوق کے حصول کے لیے ساتھ دینے کا اعلان کیا ہے۔
ویب ڈیسک
Faiz alam babar
ذریعہ: Jasarat News
پڑھیں:
گورنر راج حقیقت بن سکتا ہے، فیصل واوڈا نے سہیل آفریدی کو خبردار کردیا
سینیئر سیاستدان سینیٹر فیصل واوڈا نے کہا ہے کہ سب کی کوشش ہونی چاہیے کہ وزیراعلیٰ خیبرپختونخوا اپنی ذمہ داریاں پوری کریں، اگر بدمعاشی دکھائی تو گورنر راج لگ سکتا ہے۔
پارلیمنٹ ہاؤس کے باہر میڈیا سے بات کرتے ہوئے فیصل واوڈا نے کہا کہ پہلے بھی خبردار کیا گیا تھا کہ اگر مزاحمت کی گئی تو نتائج بھگتنے پڑیں گے، اور اب اگر مزید بدمعاشی کی گئی تو گورنر راج ایک حقیقت بن جائے گا۔
مزید پڑھیں: گورنر راج کا نفاذ آئین میں طے ہے، یہ مارشل لا نہیں، وفاقی وزیر قانون اعظم نذیر تارڑ
انہوں نے واضح کیاکہ خواہش ہے کہ فیصل کریم کنڈی ہی گورنر خیبرپختونخوا رہیں، کیوں کہ کسی اور نام پر فیصلہ سیاسی نوعیت کا نہیں ہوگا۔
فیصل واوڈا نے کہاکہ اگر وزیراعلیٰ اب بھی عمران خان سے ملاقات کے خواہشمند ہیں تو یہ کوشش بے نتیجہ رہے گی، کیونکہ اس راستے سے کچھ حاصل نہیں ہوگا۔ واحد حل یہ ہے کہ سیاسی طور پر صدر آصف علی زرداری اور وزیراعظم شہباز شریف سے رجوع کیا جائے۔
انہوں نے مزید کہاکہ آرمی چیف موجود ہیں اور کمانڈ ان کے پاس ہے، نوٹیفکیشن کا معاملہ وقت کے ساتھ طے ہو جائے گا اور چیئرمین آف ڈیفنس فورس کا سیاست سے تعلق نہیں ہے۔
انہوں نے وزیر اعلیٰ خیبرپختونخوا سے کہاکہ وہ اپنی حکومت پر توجہ دیں، کیونکہ ہائیکورٹ کے آرڈر کے بعد معمولی غلطی بھی ان کی نااہلی کا سبب بن سکتی ہے، اور یہ بھی کہا کہ کوئی نہیں چاہتا کہ صوبے میں گورنر راج لگے۔
فیصل واوڈا نے دعویٰ کیا کہ صدر اور وزیراعظم سے ملاقات کے بعد وزیر اعلیٰ کا مسئلہ حل ہو جائے گا کیونکہ ہر اہم مسئلے کی کنجی صدر آصف علی زرداری کے پاس ہے۔
مزید پڑھیں: خیبرپختونخوا میں گورنر راج لگے گا یا نہیں؟
انہوں نے کہاکہ بانی پی ٹی آئی عمران خان کی بہنیں قابل احترام ہیں اور جن کا احتساب گزشتہ 75 سال میں نہیں ہوا، وہ آئندہ 75 سال میں بھی نہیں ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews سہیل آفریدی سینیئر سیاستدان فیصل واوڈا گورنر راج مزاحمت وی نیوز
دھرمیندر نے اپنے آخری ویڈیو پیغام میں کیا کہا تھا؟ ویڈیو سوشل میڈیا پر وائرل