گورنر راج حقیقت بن سکتا ہے، فیصل واوڈا نے سہیل آفریدی کو خبردار کردیا
اشاعت کی تاریخ: 1st, December 2025 GMT
سینیئر سیاستدان سینیٹر فیصل واوڈا نے کہا ہے کہ سب کی کوشش ہونی چاہیے کہ وزیراعلیٰ خیبرپختونخوا اپنی ذمہ داریاں پوری کریں، اگر بدمعاشی دکھائی تو گورنر راج لگ سکتا ہے۔
پارلیمنٹ ہاؤس کے باہر میڈیا سے بات کرتے ہوئے فیصل واوڈا نے کہا کہ پہلے بھی خبردار کیا گیا تھا کہ اگر مزاحمت کی گئی تو نتائج بھگتنے پڑیں گے، اور اب اگر مزید بدمعاشی کی گئی تو گورنر راج ایک حقیقت بن جائے گا۔
مزید پڑھیں: گورنر راج کا نفاذ آئین میں طے ہے، یہ مارشل لا نہیں، وفاقی وزیر قانون اعظم نذیر تارڑ
انہوں نے واضح کیاکہ خواہش ہے کہ فیصل کریم کنڈی ہی گورنر خیبرپختونخوا رہیں، کیوں کہ کسی اور نام پر فیصلہ سیاسی نوعیت کا نہیں ہوگا۔
فیصل واوڈا نے کہاکہ اگر وزیراعلیٰ اب بھی عمران خان سے ملاقات کے خواہشمند ہیں تو یہ کوشش بے نتیجہ رہے گی، کیونکہ اس راستے سے کچھ حاصل نہیں ہوگا۔ واحد حل یہ ہے کہ سیاسی طور پر صدر آصف علی زرداری اور وزیراعظم شہباز شریف سے رجوع کیا جائے۔
انہوں نے مزید کہاکہ آرمی چیف موجود ہیں اور کمانڈ ان کے پاس ہے، نوٹیفکیشن کا معاملہ وقت کے ساتھ طے ہو جائے گا اور چیئرمین آف ڈیفنس فورس کا سیاست سے تعلق نہیں ہے۔
انہوں نے وزیر اعلیٰ خیبرپختونخوا سے کہاکہ وہ اپنی حکومت پر توجہ دیں، کیونکہ ہائیکورٹ کے آرڈر کے بعد معمولی غلطی بھی ان کی نااہلی کا سبب بن سکتی ہے، اور یہ بھی کہا کہ کوئی نہیں چاہتا کہ صوبے میں گورنر راج لگے۔
فیصل واوڈا نے دعویٰ کیا کہ صدر اور وزیراعظم سے ملاقات کے بعد وزیر اعلیٰ کا مسئلہ حل ہو جائے گا کیونکہ ہر اہم مسئلے کی کنجی صدر آصف علی زرداری کے پاس ہے۔
مزید پڑھیں: خیبرپختونخوا میں گورنر راج لگے گا یا نہیں؟
انہوں نے کہاکہ بانی پی ٹی آئی عمران خان کی بہنیں قابل احترام ہیں اور جن کا احتساب گزشتہ 75 سال میں نہیں ہوا، وہ آئندہ 75 سال میں بھی نہیں ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews سہیل آفریدی سینیئر سیاستدان فیصل واوڈا گورنر راج مزاحمت وی نیوز.
ذریعہ
ذریعہ: WE News
کلیدی لفظ: سہیل ا فریدی سینیئر سیاستدان فیصل واوڈا گورنر راج وی نیوز فیصل واوڈا نے گورنر راج انہوں نے
پڑھیں:
ٹک ٹاکر حکیم بابر کیس میں ملزمان کا موقف بھی سامنے آگیا
سیالکوٹ(نیوز ڈیسک) ٹک ٹاکر حکیم بابر سے متعلق مبینہ زہر خوری کیس میں نامزد ملزم صفدر کے بھائی ملک سلیم کھوکھر کا ویڈیو بیان منظر عام پر آگیا جس میں انہوں نے تمام الزامات کو مسترد کر دیا ہے۔
ویڈیو بیان میں ملک سلیم کھوکھر نے دعویٰ کیا کہ محمد افضل عرف حکیم بابر نے سوشل میڈیا پر ویوز حاصل کرنے کیلئے خود کو زہر خورانی کا شکار ظاہر کرنے کا ڈرامہ رچایا، اسپتال کی رپورٹ میں بھی یہ بات سامنے آئی ہے کہ حکیم بابر کو کسی قسم کا زہر نہیں دیا گیا۔
انہوں نے کہا کہ حکیم بابر نشے کے عادی ہیں اور کسی مبینہ اوور ڈوز کے واقعے کو ان کے خاندان پر ڈالنے کی کوشش کی جا رہی ہے، ان کے خاندان کا حکیم بابر کے ساتھ کسی قسم کا کوئی ذاتی تنازع یا دشمنی موجود نہیں۔
ملک سلیم کھوکھر انکشاف کیا کہ حکیم بابر کا اصل نام افضل ہے اور وہ کوئی مستند حکیم نہیں بلکہ تعلیمی طور پر بھی میٹرک پاس نہیں ہیں، جھوٹے مقدمے کی وجہ سے میرا خاندان شدید ذہنی دباؤ اور پریشانی کا شکار ہے۔
انہوں نے مزید کہا کہ رات کے وقت پولیس کی جانب سے دو بار گھر پر چھاپے مارے گئے، کو ہراساں مت کیا جائے۔
انہوں نے ڈی پی او سیالکوٹ اور آئی جی پنجاب سے اپیل کی کہ کیس کی شفاف اور میرٹ پر انکوائری کی جائے اور حقائق کی روشنی میں فیصلہ کیا جائے۔
مزید پڑھیں۔مشرق وسطیٰ کی صورتحال، خام تیل کی قیمتوں میں 2 فیصد اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ