8 سال سے لیپ ٹاپ بیٹریوں سے گھر کو بجلی فراہم کرنے والا شہری
اشاعت کی تاریخ: 25th, November 2025 GMT
data-id="863a0a8" data-element_type="widget" data-widget_type="theme-post-content.default">
فرانس کے ایک شہری نے توانائی کی خودکفالت اور جدید ری سائیکلنگ کا ایک منفرد تجربہ کرتے ہوئے گزشتہ آٹھ سالوں سے اپنے گھر میں لیپ ٹاپ بیٹریوں کی مدد سے بجلی پیدا کی ہے۔
مقامی میڈیا رپورٹس کے مطابق یہ شہری، جو آن لائن ’Glubux‘ کے نام سے معروف ہے، نے اس منصوبے کے لیے تقریباً ایک ہزار استعمال شدہ لیپ ٹاپ بیٹریاں اکٹھی کیں۔
بین الاقوامی میڈیا کے مطابق Glubux نے بیٹریوں کے اندر موجود سیلز، جو زیادہ تر لیتھیم-آئن 18650 ہیں، نکال کر انہیں ایک خصوصی ریک سسٹم میں دوبارہ ترتیب دیا تاکہ زیادہ مستحکم اور قابل اعتماد بیٹری پیک تیار ہو سکے۔
اس کے علاوہ اس نے اپنے گھر میں سولر پینلز بھی نصب کیے اور بیٹری بینک کو تقریباً 50 میٹر دور ایک علیحدہ شیڈ میں رکھا تاکہ کسی بھی قسم کے آگ لگنے یا شارٹ سرکٹ کے خطرات کم سے کم ہوں۔
غیر ملکی میڈیا کے مطابق اس منفرد توانائی کے نظام نے نہ صرف آٹھ سال تک بغیر کسی بیٹری سیل کی ناکامی کے کام کیا، بلکہ اس دوران Glubux نے اپنے سولر سسٹم کو بھی اپ گریڈ کیا۔ ابتدائی طور پر یہ نظام تقریباً 7 کلو واٹ توانائی پیدا کرتا تھا، جو بعد میں بڑھ کر تقریباً 56 کلو واٹ تک پہنچ گیا۔
ماہرین کے مطابق یہ پروجیکٹ توانائی کے شعبے میں خود انحصاری کی ایک مثال کے ساتھ ساتھ الیکٹرانک فضلے کے مؤثر اور ماحول دوست استعمال کی بہترین مثال بھی ہے۔ Glubux کے تجربے نے یہ ثابت کر دیا ہے کہ جدید ٹیکنالوجی اور تخلیقی سوچ کے ذریعے نہ صرف توانائی پیدا کی جا سکتی ہے بلکہ الیکٹرانک ویسٹ کو بھی فائدہ مند انداز میں استعمال کیا جا سکتا ہے۔
ذریعہ
ذریعہ: Jasarat News
کلیدی لفظ: کے مطابق
پڑھیں:
بجلی، گیس، پانی، پیٹرول سمیت ہر شعبے میں ٹیکس وصول کیے جا رہے ہیں، شاداب نقشبندی
سربراہ پاکستان سنی تحریک نے کہا کہ وقت کا تقاضا ہے کہ عوام کو مہنگائی، بے روزگاری اور بنیادی سہولیات کے بحران سے نجات دلانے کے لیے فوری، سنجیدہ اور مؤثر اقدامات کیے جائیں تاکہ عوام کا اعتماد بحال ہو اور ملک معاشی استحکام کی جانب گامزن ہو سکے۔ اسلام ٹائمز۔ پاکستان سنی تحریک کے سربراہ محمد شاداب رضا نقشبندی نے کہا ہے کہ گیس، بجلی اور پانی کی مسلسل قلت، بڑھتی ہوئی مہنگائی اور حکومتی معاشی پالیسیاں عوام کے لیے شدید پریشانی کا باعث بن چکی ہیں، حکمران طبقہ تاجروں، کسانوں، مزدوروں اور عام شہریوں کو معاشی ریلیف اور سہولیات فرام کرنے میں بے بس ہے۔ ان کیالات کا اظہار انہوں نے مرکز اہلسنت سے جاری ایک بیان میں کیا۔ محمد شاداب رضا نقشبندی نے کہا کہ پیٹرولیم مصنوعات کی قیمتوں میں بار بار ہونے والے اضافے نے نہ صرف شہریوں کی مشکلات میں اضافہ کیا ہے بلکہ معیشت کو بھی عدم استحکام سے دوچار کر دیا ہے، بازاروں میں سناٹے تاجر بھی پریشان حال ہیں، حکمرانوں کے پاس تاحال ایسی عوام دوست معاشی پالیسی دکھائی نہیں دے رہی جو مہنگائی پر قابو پا سکے اور عام آدمی کو حقیقی سہولت فراہم کرے۔
ان کا کہنا تھا کہ حکومت کو چاہیئے کہ دعووں اور اعلانات کے بجائے عملی اقدامات کرے، عوام کی بنیادی ضروریات کی فراہمی کو یقینی بنائے اور معاشی استحکام کے لیے بڑے، مؤثر اور دیرپا فیصلے کرے۔ انہوں نے کہا کہ جمہوریت اور آئین کا بنیادی مقصد عوام کو باعزت، محفوظ اور خوشحال زندگی فراہم کرنا ہے، حکومت کی ذمہ داری ہے کہ وہ شہریوں کو معیاری تعلیم، بہترین طبی سہولیات، روزگار کے مواقع، معاشی استحکام اور بنیادی ضروریات کی فراہمی یقینی بنائے، عوام کو مہنگائی، بے روزگاری اور غربت سے نجات دلانے کے لیے مؤثر اور عوام دوست پالیسیاں اختیار کی جائیں، حقیقی جمہوریت اسی وقت مضبوط ہوتی ہے جب آئین کی بالادستی، قانون کی مساوی حکمرانی اور عوامی فلاح و بہبود کو اولین ترجیح دی جائے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا