ریلویز کی نجکاری کسی قیمت پر قبول نہیں کریں گے ،شیخ محمد انور
اشاعت کی تاریخ: 5th, December 2025 GMT
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت) پاکستان ریلوے پریم یونین کے مرکزی صدر شیخ محمد انور نے کہا ہے کہ پاک ریلوے ایک حساس محکمہ ہے ریلویز کی نجکاری کسی قیمت پر قبول نہیں کریں گے، ریلوے مزدور محنت کش ملازمین متحد ہیں۔ان خیالات کا اظہار انہوں نے سکھر میں مزدور احتجاجی ریلی اور پریم مزدور کنونشن سے خطاب کرتے ہوئے کیا۔ ریلوے ملازمین محنت کشوں کی بڑی تعداد نے شرکت کی۔اس موقع پر پریم یونین کے سیکرٹری جنرل خیر محمد تنیو ، سکھر ڈویژنل صدر اختر علی عباسی، لوکو رننگ زونل صدر مسعود احمد مھر ،لوکو شیڈ روہڑی زونل صدر اسحاق بلو، سکھر ڈویژنل جنرل سیکرٹری سید عاشق شاہ اوروسیم احمد شیخ سمیت دیگر نے شرکت و خطاب کیا۔ قبل ازیں شیخ محمد انور اور دیگر قائدین کے پہنچنے پر ریلوے مزدوروں ملازمین نے ان کا شاندار استقبال کیا ان پر پھولوں کی پتیاں نچھاور کی گئیں اور سندھ ٹوپی اجرک کے تحائف پہنائے گئے۔ ریلوے پریم یونین کے صدر شیخ محمد انور نے کہا کہ ریلوے کا محنت کش مسائل سے دوچار ہے، دوران ملازمت اپنی جانوں کا نذرانہ پیش کرنے والے شہید ملازمین کو مستقل نہیں کیا گیا جبکہ دیگر ملازمین عرصہ دراز سے فرائض پورے کر رہے ہیں لیکن ریگولر ہونے سے محروم ہیں۔ انہوں نے خبر دار کیا کہ ریل کے مزدوروں کے مفادات اور مسائل پر کوئی سمجھوتا نہیں کیا جائے گا۔متعلقہ افسران کو مسائل حل کرنا ہوں گے۔
ذریعہ
ذریعہ: Jasarat News
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار