نیشنل گیمز نے ملک بھر کے کھلاڑیوں کو ایک مرتبہ پھر جوش و جذبے سے سرشار کردیا
اشاعت کی تاریخ: 11th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسپورٹس ڈیسک ) روشنیوں کے شہر کراچی میں جاری 35ویں نیشنل گیمز نے ملک بھر کے کھلاڑیوں کو ایک مرتبہ پھر جوش و جذبے سے سرشار کردیا ۔ کے پی ٹی سپورٹس کمپلیکس کراچی میں ہونے والے باکسنگ مقابلوں میں خیبر پختونخوا کے باکسرز نے زبردست اور تاریخی کارکردگی کا مظاہرہ کرتے ہوئے صوبے کا پرچم بلند کردیا۔باکسنگ ایونٹ میں خیبرپختونخوا کے مرد و خواتین کھلاڑیوں نے جس عزم و ہمت کے ساتھ مقابلوں میں حصہ لیا، وہ حقیقتاً قابلِ تعریف ہے۔ سخت مقابلوں کے باوجود کے خیبر پختونخوا کے محمد عامر اور خاتون باکسر مینال نے بھرپور فائٹ کرتے ہوئے براؤنز میڈلز اپنے نام کیے، جبکہ باصلاحیت خاتون باکسر عائشہ نے شاندار کارکردگی دکھاتے ہوئے فائنل میں جگہ بنا لی۔57 کلوگرام ویٹ کیٹیگری میں خیبر پختونخوا کے محمد عامر نے بہترین فائٹ کے بعد براؤن میڈل اپنے نام کیا۔ اُن کی تکنیک، فٹ ورک اور لگن دیکھنے سے تعلق رکھتے تھے، تاہم قسمت نے ساتھ نہ دی اور انہیں پاکستان آرمی کے باکسر کے ہاتھوں شکست کا سامنا کرنا پڑا۔ خواتین کی 60 کے کی ویٹ میں خیبر پختونخوا کی مینال بھی کانسی کا تمغہ جیتا ، اسی طرح خواتین کی 54 کلوگرام ویٹ کیٹیگری میں خیبر پختونخوا کی عائشہ نے آغاز ہی سے جارحانہ انداز اپنایا۔ ہائیر ایجوکیشن کمیشن کی باکسر کو بھرپور مقابلے کے بعد شکست دے کر انہوں نے نہ صرف سیمی فائنل کیلئے کوالیفائی کیا بلکہ بعد ازاں فائنل میں رسائی حاصل کرکے سب کو متاثر کیا۔ ان کی موثر پنچنگ، اسپیڈ اور اعتماد نے پورے ہال کو تالیوں سے گونجایا۔ مختلف صوبوں اور ڈیپارٹمنٹس کے آفیشلز نے بھی ان کی شاندار کارکردگی کو بھرپور سراہا۔میڈیا سے گفتگو کرتے ہوئے عائشہ نے کہا کہ وہ فٹ، پُرعزم اور پرُاعتماد ہیں۔ انشاء اللہ میں خیبر پختونخوا کیلئے گولڈ میڈل جیت کر واپس جاؤں گی، عائشہ نے امید اور حوصلے سے بھرپور لہجے میں بتایا کہ صوبائی باکسنگ ایسوسی ایشن کے چیئرمین کیپٹن (ر) عثمان گل اور صدر میجر (ر) محمد اظہر علی کی قیادت میں صوبائی باکسنگ ایسوسی ایشن کے سیکرٹری خضر اللہ کھلاڑیوں کیلئے جدید تربیتی سہولیات فراہم کر رہے ہیں، جبکہ کوالیفائڈ کوچز سمیت خود بھی کھلاڑیوں کی فٹنس اور ٹریننگ پر بھرپور محنت کر رہے ہیں۔ انہی کوششوں کا نتیجہ ہے کہ آج خیبرپختونخوا کے باکسرز ملک کے سب سے بڑے سپورٹس میلے یعنی نیشنل گیمز میں شاندار کارکردگی دکھانے کے قابل ہوئے ہیں۔ خاتون باکسر عائشہ نے اس امید کا اظہار بھی کیا کہ خیبر پختونخوا میں باکسنگ کا ایک نیا دور شروع ہو چکا ہے اور اللہ کے فضل سے نہ صرف موجودہ کھلاڑیوں کی کارکردگی بہتر ہوئی ہے بلکہ گراس روٹس لیول پر مزید ٹیلنٹ بھی سامنے آ رہا ہے۔
ذریعہ
ذریعہ: Jasarat News
کلیدی لفظ: میں خیبر پختونخوا پختونخوا کے
پڑھیں:
پی سی بی نے ڈومیسٹک سیزن میں بڑی تبدیلیوں کا اعلان کردیا
پاکستان کرکٹ بورڈ (پی سی بی) نے 2026-27 کے ڈومیسٹک سیزن کے شیڈول اور ڈھانچے میں اہم تبدیلیوں کا اعلان کردیا۔
تفصیلات کے مطابق پاکستان کرکٹ بورڈ (پی سی بی)نے ڈومیسٹک ڈھانچے میں تبدیلیوں کے لیے آئی سی سی ون ڈے ورلڈکپ کی تیاریوں کو ترجیح دی ہے۔
سیزن کا آغاز 11 اگست سے ملتان میں چار ٹیموں پر مشتمل ایک روزہ ’نیشنل چیمپئنز کپ‘ سے ہوگا جس میں ٹیموں کا انتخاب قومی سلیکشن کمیٹی کرے گی تاکہ ون ڈے فارمیٹ میں نئے ٹیلنٹ کا جائزہ لیا جا سکے۔
اس سیزن میں دو لسٹ اے ٹورنامنٹس منعقد کیے جائیں گے جن میں نیشنل چیمپئنز کپ کے بعد پریزیڈینٹ کپ کھیلا جائے گا۔
دوسری جانب ریجنل ٹیموں کی تعداد 18 سے بڑھا کر 20 کر دی گئی ہے کیونکہ سیالکوٹ اور پشاور کو دوسری ٹیم میدان میں اتارنے کی اجازت دے دی گئی ہے۔
قائداعظم ٹرافی کو بھی پہلی بار گولڈ اور سلور ڈویژن میں تقسیم کردیا گیا ہے۔
گولڈ ڈویژن میں آٹھ مضبوط ترین ٹیمیں جبکہ سلور ڈویژن میں 12 ٹیمیں حصہ لیں گی۔ دونوں ڈویژنز کا آغاز یکم نومبر سے ہوگا۔
ڈومیسٹک سیزن کا اختتام فروری اور مارچ میں کھیلے جانے والے نیشنل ٹی ٹوئنٹی کپ پر ہوگا جبکہ پی سی بی کے مطابق نئے شیڈول کا مقصد قومی کھلاڑیوں کو زیادہ معیاری مقابلے فراہم کرنا اور ورلڈ کپ سے قبل بہترین استعداد تیار کرنا ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم