خونی ڈمپر و ٹینکر سے شہریوں کی بڑھتی اموات ، آج نمائش چورنگی پر دھرنا ہو گا ،منعم ظفر خان
اشاعت کی تاریخ: 13th, December 2025 GMT
data-id="863a0a8" data-element_type="widget" data-widget_type="theme-post-content.default">
251213-01-20
کراچی (اسٹاف رپورٹر)امیرجماعت اسلامی کراچی منعم ظفر خان نے جمعہ کے روز ابراہیم حیدری کورنگی میں واٹر ٹینکر کی زد میں آکر جاں بحق ہونے والے 10 سالہ معصوم بچے فرحان کی نماز جنازہ کی امامت کی ۔قبل ازیں بچے کے والد نور محمد واہل خانہ سے ملاقات و تعزیت کی اور بچے کی المناک موت پر گہرے دکھ اور افسوس کا اظہار کیا ۔ اس موقع پر گفتگو کرتے ہوئے منعم ظفر خان نے کہا کہ شہر کراچی میں ٹینکر اور ڈمپرز کے باعث آئے دن حادثات پیش آرہے ہیںاور لوگ اپنے پیاروں کے جنازے اُٹھانے پر مجبور ہیں۔جماعت اسلامی نے خونی ٹینکرز و ڈمپر اور ہیوی ٹریفک کے باعث شہریوں کی بڑھتی اموات اور ای چالان کے نام پر عوام کی جیبوں پر ڈاکے کے خلاف آج شام 5بجے نمائش چورنگی پر احتجاجی دھرنے کا اعلان کیا ہے۔ دھرنے میں بے لگام ٹینکر و ڈمپر مافیا ، حکومتی بے حسی، تباہ حال انفرااسٹرکچر اور شہریوں کے بنیادی حقوق کی پامالی کے خلاف احتجاج ہوگا۔منعم ظفر نے کہا کہ آج ایک اور نہایت اندوہناک واقعہ پیش آیا ہے جس میں ایک معصوم بچہ جاں بحق ہوا۔اس حادثے نے ایک اور ہنستا بستا خاندان اُجاڑ دیا ہے،شہر میں اس وقت صورتحال یہ ہے کہ خونی ڈمپر و ٹینکر ز سے معصوم بچے ، نوجوان اور دیگر شہری موت کا شکار ہو رہے ہیں ۔ کراچی کا مجموعی انفرااسٹرکچر تباہ حال ہے، بچے گٹر میں گر جاتے ہیں، سڑکیں کھنڈر بنی ہوئی ہیں اور اس کے باوجود حکمرانوں کی مجرمانہ خاموشی نے شہریوں کی زندگیوں کو غیر محفوظ اور شہر میں پانی کی عدم دستیابی نے ٹینکر مافیا کو مضبوط کر دیا ہے۔ کراچی کے تقریباً 50 فیصد علاقے پانی سے محروم ہیں، جس کی وجہ سے ٹینکرز آبادیوں کے اندر آزادانہ داخل ہوتے ہیں اور حادثات جنم لیتے ہیں۔ جگہ جگہ تجاوزات ہیں، ٹریفک کا کوئی نظام نہیںاور حکومتی لاپروائی نے شہریوں کی جانوں کو مسلسل خطرے میں ڈال دیا ہے۔منعم ظفر خان نے 10سالہ فرحان کے اہل خانہ سے گہرے رنج و غم کا اظہار کرتے ہوئے کہا کہ یہ حادثہ انتہائی افسوس ناک ہے ، جماعت اسلامی اس دکھ کی گھڑی میں خاندان کے ساتھ کھڑی ہے اور ہم حکومتی بے حسی اور نا اہلی کے خلاف اپنی جدوجہد جاری رکھیں گے۔اس موقع پر امیر ضلع کورنگی مرزا فرحان بیگ،سیکرٹری ضلع ملیر کامران نواز و اہل علاقہ بھی بڑی تعداد میںموجود تھے۔
ذریعہ: Jasarat News
کلیدی لفظ: شہریوں کی
پڑھیں:
کراچی: تیز رفتار واٹر ٹینکر نے موٹرسائیکل سوار نوجوان کو روند ڈالا، طالب علم جاں بحق
نارتھ کراچی بابا موڑ سے فور کے چورنگی کی جانب جاتے ہوئے کے الیکٹرک کے دفترکے قریب تیز رفتار واٹر ٹینکر نے موٹرسائیکل سوارنوجوان کو روند ڈالا جس کے نتیجے میں موٹرسائیکل سوارنوجوان موقع پرجاں بحق ہوگیا، مشتعل شہریوں نے واٹر ٹینکر کو آگ لگادی۔
رپورٹ کے مطابق شہر قائد میں ہیوی ٹریفک سے ہونے والے حادثات میں کمی نہ آسکی بدھ کی صبح خواجہ اجمیرنگری تھانے کے علاقےنارتھ کراچی بابا موڑ سے فورکے چورنگی کی جانب جاتے ہوئے کے الیکٹرک کے دفترکے قریب تیزرفتارواٹرٹینکرنے موٹرسائیکل سوارنوجوان کو روندھ ڈالا جس کے نتیجے میں موٹرسائیکل سوارنوجوان موقع پرجاں بحق ہوگیا۔
جاں بحق نوجوان کی لاش چھیپا ایمبولینس کے ذریعے قانونی کارروائی کے لیےعباسی شہید اسپتال منتقل کی گئی حادثے کے بعد موقع پرموجود شہریوں نے توڑپھوڑشروع کردی۔
اس دوران مشتعل شہریوں نے واٹر ٹینکرکوآگ لگادی ، حادثے کی اطلاع ملنے پرپولیس موقع پرپہنچ گئی اورپولیس نے فوری طورپرفائربریگیڈ کے عملے کوطلب کرلیا جس نے موقع پرپہنچ کرواٹرٹینکرمیں لگی آگ پرقابو پا لیا۔
اس دوران واٹرٹینکرکا اگلہ حصہ مکمل جل گیا حادثے میں جاں بحق ہونے والے نوجوان کی شناخت 17 سالہ عابد رئیس ولد رئیس احمد کے نام سے کی گئی۔
متوفی نوجوان نارتھ بابا موڑ کے قریب کا رہائشی اورمتوفی نوجوان عثمان پبک اسکول و کالج میں فرسٹ ایئر کا طالب علم تھا۔
ایس ایچ او خواجہ اجمیر نگری سرفرازکمانڈو کا کہنا ہے کہ متوفی نوجوان کالج یونیفارم زیب تن کیا ہوا تھا اور ممکنہ طور پرنوجوان کالج جا رہا تھا کہ راستے میں حادثہ رونما ہوگیا۔
انھوں نے بتایاکہ حادثے کے مقام کے قریب موجود پنکچر شاپ کے ملازم اور دیگرعینی شاہدین نے بتایا کہ حادثہ دو موٹر سائیکلیں ٹکرانے کے باعث پیش آیا نوجوان موٹر سائیکل سمیت گرا اور ٹینکر نے کچل دیا۔
حادثے کے نتیجے میں نوجوان عابد موقع پرجاں بحق ہوگیا، ایس ایچ او نے بتایاکہ حادثے کے بعدواٹر ٹینکرکا ڈرائیورموقع سے فرارہوگیاجبکہ مشتعل شہریوں نے واٹر ٹینکرکو اگ لگا دی۔
ایس ایچ او نے بتایا کہ واٹر ٹینکر کو پولییس نے اپنی تحویل میں لے لیا ہے واٹر ٹینکر کراچی میں رجسٹرڈ نہیں ہے، معلوم حاصل کی جا رہی ہیں واٹر ٹینکر میں ڈیش کیم کیمرا اور ٹریکر نصب تھا یا نہیں۔
انھوں نے بتایاکہ پولیس نے قانونی کارروائی کے بعد متوفی نوجوان کی لاش ان کے اہلخانہ کے حوالے کردی اورحادثے سے متعلق مزید تفتیش شروع کردی ہے اور واٹر ٹینکر کے ڈرائیور و مالک کی گرفتاری کے لیے چھاپے مارے جا رہے ہیں۔
ریسکیو حکام کے مطابق رواں سال شہرقائد میں مختلف ٹریفک حادثات میں جاں بحق ہونے والے شہریوں کی تعداد 806 اورزخمیوں کی تعداد 11596 ہوگئی جن میں ہیوی ٹریفک سے جاں بحق شہریوں کی تعداد 244 تک پہنچ گئی ہے۔
شہر قائد میں جدید و خود کارای چالان کے باوجود ٹریفک حادثے میں کوئی خاطر خواہ کمی نہیں آسکی ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر