UrduPoint:
2025-07-26@06:01:32 GMT
متحدہ عرب امارات میں فضائی ٹکٹوں کی قیمتوں میں نمایاں کمی
اشاعت کی تاریخ: 11th, January 2025 GMT
دبئی ( اُردو پوائنٹ اخبارتازہ ترین۔ 11 جنوری 2025ء ) متحدہ عرب امارات میں فضائی ٹکٹوں کی قیمتوں میں نمایاں کمی ہوگئی۔ خلیجی اخبار الامارات الیوم کے مطابق یو اے ای سے بعض اہم مقامات کے لیے ایئرلائن ٹکٹوں کی قیمتوں میں 47 فیصد سے زائد تک کی کمی واقع ہوئی ہے، نئے سال اور امارات میں سکولوں کی تعطیلات کے موسم کے دوران 100 فیصد تک اضافے کے بعد اب ٹکٹوں کی قیمتوں میں کمی دیکھی جارہی ہے کیوں کہ بیشتر ممالک میں نئے سال کی تعطیلات، سکولوں کے پہلے سمسٹر کی چھٹیوں کے اختتام اور نئے سال کے آغاز پر ایئرلائن کے ٹکٹوں کی مانگ میں کمی واقع ہوئی ہے۔
ٹریول اینڈ ٹورازم کمپنیوں کا کہنا ہے کہ چند اہم مقامات کے لیے راونڈ ٹرپ ٹکٹوں کی قیمتیں جو نئے سال کے رش کے دوران 2 ہزار 400 درہم تک میں دستیاب تھیں اب ان کی قیمتیں کم ہوکر تقریباً 1 ہزار 200 درہم رہ چکی ہیں، ان قیمتوں میں مزید کمی متوقع ہے اور کم ہوکر 1 ہزار 50 تک بھی ہوسکتی ہے، ٹکٹوں کی قیمتوں میں مارچ کے وسط تک 20 سے 30 فیصد تک کمی کا سلسلہ جاری رہنے کا امکان ہے۔(جاری ہے)
بتایا گیا ہے کہ رواں برس مارچ کے آخر میں عید الفطر کی تعطیلات کے دوران فضائی ٹکٹوں کی قیمتوں میں دوبارہ اضافہ شروع ہوجائے گا، اس سے پہلے بھی چھٹیوں کے دوران یورپ کے اہم مقامات کے راونڈ ٹرپ ٹکٹ کی قیمت بڑھ کر 3 ہزار 500 درہم تک چلی گئی تھی جس میں اب کمی ہوئی ہے اور اب اس کی قیمت 2 ہزار 300 درہم تک رہ چکی ہے، یہ تقریباً 34 فیصد سے بھی زائد کی کمی بنتی ہے، ٹکٹوں کی قیمتوں میں موجودہ کمی کی ایک وجہ ایئرلائنز کی جانب سے رعایتی آفرز ہیں۔ بتایا جارہا ہے کہ ان دنوں ایک اہم عرب ملک کے ٹکٹ کی قیمت 2 ہزار 500 درہم سے کم ہوکر 1 ہزار 400 درہم ہوگئی ہے، اسی طرح ایشیائی ممالک کے ٹکٹوں کی قیمتوں میں بھی 33 فیصد تک کمی ہوئی ہے، جو ٹکٹ پہلے 1 ہزار 800 درہم میں دستیاب تھیں اب ان کی قیمت کم ہوکر 1 ہزار 200 درہم پر آگئی ہے اور توقع ہے رمضان المبارک کے وسط تک ٹکٹوں کی قیمتیں کم رہیں گی، تاہم رمضان کے آخری ایام اور عید الفطر کی تعطیلات کے موقع پر طلب میں اضافے کے باعث ٹکٹوں کی قیمتیں پھر سے بڑھ سکتی ہیں۔.ذریعہ: UrduPoint
کلیدی لفظ: تلاش کیجئے کی تعطیلات کی قیمتیں کے دوران نئے سال ہوئی ہے
پڑھیں:
محکمہ تحفظ ماحول کا فضائی نگرانی فورس کے ذریعے پرندوں کے پنجروں اور گھونسلوں کی ’’ای میپنگ‘‘ دو روز میں مکمل کرنے کا فیصلہ
لاہور (اُردو پوائنٹ اخبارتازہ ترین - اے پی پی۔ 25 جولائی2025ء) سینئرصوبائی وزیرمریم اورنگزیب نے کہا ہے کہ وزیراعلی پنجاب مریم نواز شریف کی خصوصی ہدایت پر محکمہ تحفظ ماحول نے فضائی نگرانی فورس کے ذریعے پرندوں کے پنجروں اور گھونسلوں کی مکمل ای میپنگ دو روز میں مکمل کرنے کا فیصلہ کر لیا ہے۔جمعہ کو جاری بیان میں انہوں نے کہا کہ جدید ٹیکنالوجی کے استعمال سے لاہور سمیت حساس علاقوں میں پرندوں کے گھونسلوں کی نشاندہی کا عمل تیزی سے جاری ہے، ایریئل سرویلنس سکواڈ کے ذریعے ہوائی نگرانی اور ویڈیو ریکارڈنگ کی جا رہی ہے جس میں تمام غیرمحفوظ گھونسلوں کی لوکیشنز ڈیجیٹل نقشوں پر محفوظ کی جا رہی ہیں،اگر فضائی حادثات کے خطرات بڑھتے نظر آئے تو فوری طور پر ’’ڈینیٹنگ‘‘ یعنی گھونسلوں کی صفائی کا آپریشن شروع کر دیا جائے گا۔(جاری ہے)
محکمہ ماحولیات کی جانب سے ہوائی اڈوں اور حساس علاقوں میں پرندوں کے خطرات پر قابو پانے کے لیے ہمہ وقت تیز رفتار حکمت عملی تیار ہے۔ڈینیٹنگ رپورٹ کے مطابق محفوظ گیریژن اور ہربنس پورہ رنگ روڈ کے قریب ایپااسکواڈ کی کامیاب کارروائی کے دوران 20 چیلوں اور 30 کوئوں کے گھونسلوں کو مکمل طور پر ہٹا کر متعلقہ علاقے کو کلیئر قرار دے دیا گیا۔سینئر وزیر نے کہا کہ پرندوں کے گھونسلے ہوائی جہازوں کے لیے بڑا خطرہ بن سکتے ہیں، عوام سے گزارش ہے کہ چھتوں یا کھلی جگہوں پر پرندوں کو دانہ ڈالنے سے گریز کریں۔ انہوں نے کہاکہ فضائی تحفظ کو یقینی بنانے کے لیے متعلقہ محکمے کے ساتھ ساتھ شہریوں کو بھی اپنی ذمہ داری کو پورا کرنا ہو گا جبکہ حکومتی قوانین کی خلاف ورزی پر کارروائی کی جائے گی۔انہوں نے بتایا کہ پنجاب کے تمام ایئرپورٹس کے اطراف میں پرندوں سے ممکنہ حادثات کی روک تھام کے لیے متعلقہ ضلعی انتظامیہ کی جانب سے صوبہ بھر میں مربوط کریک ڈائون جاری ہے۔ اسی طرح لاہور کے علاقے بیڈن روڈ اور گلشن پارک میں پانچ کامیاب کارروائیوں کے دوران کبوتروں کے پنجرے ہٹا دیئے گئے جبکہ پرندوں کی رہائش کے تمام ممکنہ ذرائع بھی ختم کئے جا رہے ہیں،نشاط کالونی اور اربا بازار میں کھلی جگہوں پر قائم پولٹری اور گوشت کی دکانوں کیخلاف کارروائی کی گئی اور 4 دکانوں کے چالان کر کے فوری طور پر انہیں بند کر دیا گیا۔عوام سے اپیل کی گئی ہے کہ صدقہ یا بچا ہوا گوشت کھلی جگہوں پر پھینکنے سے پرندے جمع ہو جاتے ہیں جو فضائی حادثات کا سبب بن سکتے ہیں لہذا ایسی سرگرمیوں سے گریز کیا جائے۔ مریم اورنگزیب نے کہا کہ شادی ہالز اور ریسٹورنٹس میں خوراک کے فضلے کی ڈمپنگ پر انسپکشن کی گئی اور 3 مقامات پر قواعد کی خلاف ورزی پر نوٹسز جاری کئے گئے جبکہ خورشید عالم روڈ پر درختوں کی غیر ضروری شاخیں کاٹ کر گھونسلے ہٹا دیئے گئے تاکہ پرندوں کی آبادی کو روکا جا سکے۔جاوید چیمہ چوک، زرار شہید روڈ اور جوڑی پل سے کچرا ہٹا دیا گیا۔ حکام کے مطابق کھلی فضا میں موجود فضلہ پرندوں کی آمد کا ایک بڑا سبب بنتا ہے،دھرم پورہ تا جلو اور کنال روڈ پر صدقہ گوشت بیچنے والوں کی نشاندہی کی گئی اور مقامی دکانداروں کو ضوابط کی پابندی کی ہدایت جاری کی گئی ہے اور اس کی نگرانی کو مزید سخت کر دیا گیا ہے۔ پی اے ایف گالف کلب میں وائلڈ لائف ٹیم کی کارروائی کے دوران 20 کوئوں اور 15 چیلوں کے گھونسلے ہٹا دیئے گئے تاکہ ائیر اسپیس کو محفوظ بنایا جا سکے۔
نئے نمبر پلیٹ کے حصول میں شہریوں کو پریشانی، رجسٹریشن آفس ہفتے اور اتوار کو بھی کھلے رکھنے کا فیصلہ