دریائے سندھ بچاؤ تحریک کا پنجاب، اسلام آباد جانیوالے راستے بند کرنے کی دھمکی
اشاعت کی تاریخ: 11th, January 2025 GMT
کراچی (نیوزڈیسک)دریائے سندھ سے کینالز نکالنے کیخلاف ”دریائے سندھ بچاؤ تحریک“ کی جانب سے حیدرآباد سے بیداری مارچ کا آغاز کردیا گیا، حیدرآباد سے میرپورخاص تک بیداری مارچ کا انعقاد کیا جارہا ہے۔حیدرآباد ہٹڑی بائی پاس سے روانہ ہوئے مارچ کی قیادت مرکزی رہنما سید زین شاہ، ڈاکٹر صفدر عباسی، ایاز لطیف پلیجو و دیگر نے کی۔بیداری مارچ میں بڑی تعداد میں گاڑیوں میں کارکنان شریک ہیں، مارچ ٹنڈو جام، ٹنڈوالہ یار سے ہوتا میرپور خاص پہنچے گا۔
میرپور خاص میں دریائے سندھ بچاؤ تحریک کے مرکزی رہنما جسلہ عام سے خطاب کریں گے۔ڈاکٹر صفدر عباسی نے بیداری مارچ میں میڈیا سے گفتگو کرتے ہوئے کہا کہ ایوان صدر نے گرین انیشٹو پروگرام کی منظوری دی ہے، پیپلز پارٹی منافقت کی سیاست کر رہی ہے، ہمیں صدر زرداری کی زبانی باتوں پر اعتبار نہیں ہے، عوام کسی دھوکے میں نہیں آئیں گے، ہم اپنا دباؤ برقرار رکھیں گے۔
ڈاکٹر صفدر عباسی نے کہا کہ سندھ حکومت سی سی آئی میں اس منصوبے کی مخالفت کرے۔اس موقع پر ایاز لطیف پلیجو نے کہا کہ دریائے سندھ سے 6 کینالز نکالنے کا منصوبہ سندھ کی عوام کو قبول نہیں، اس منصوبے کے خلاف ہماری احتجاجی تحریک جاری ہے،
آج حیدرآباد سے میرپورخاص تک مارچ کر رہے ہیں، اس وقت ملک پر بیرونی دباؤ ہے مگر لیڈرشپ عوام کو تقسیم کرنے کی سیاست کر رہی ہے، اگر دریائے سندھ سے کینالز نکالنے کا پلان واپس نہ ہوا تو احتجاجی تحریک کا دائرہ وسیع کریںگے، ہم پنجاب اور اسلام آباد کی طرف جانے والے راستے بھی بند کر سکتے ہیں۔
سید زین شاہ کا کہنا تھا کہ دریائے سندھ سے کینالز نکالنے کا منصوبہ سندھ کو بنجر بنانے کی سازش ہے، ہمیں یہ سندھ دشمن منصوبہ قبول نہیں، گرین انیشٹو پاکستان منصوبے پر نظرثانی کی جائے، دریا سے کینالز نکلے تو سندھ کی زراعت تباہ ہوجائے گی، ملک میں پہلے ہی پانی کی قلت ہے، اس منصوبے کے خلاف تحریک جاری رکھیں گے۔
کینیڈین گلوکارجسٹن بیبرکا مشہور گانا ’بے بی‘ کا قوالی ورژن وائرل، نوجوان حیران رہ گئے
ذریعہ: Daily Ausaf
کلیدی لفظ: دریائے سندھ سے سے کینالز
پڑھیں:
پی ٹی آئی جو تحریک شروع کرنے جارہی ہے ان کو اس سے کچھ نہیں ملےگا: رانا ثنا
فیصل آباد (ڈیلی پاکستان آن لائن) وزیر اعظم کے معاون خصوصی برائے سیاسی امور رانا ثنا اللہ کا کہنا ہے کہ پی ٹی آئی جو تحریک شروع کرنے جارہی ہے ان کو اس سے کچھ نہیں ملےگا۔
نجی ٹی وی جیو نیوز کے مطابق فیصل آباد میں نماز عید کی ادائیگی کے بعد میڈیا سے گفتگو کرتے ہوئے رانا ثنا اللہ نے کہا کہ پی ٹی آئی اس وقت کوئی تحریک چلانے کی پوزیشن میں نہیں ہے، اپوزیشن وزیراعظم کی ملاقات کی پیشکش کو قبول کرے، اپوزیشن ہمارے ساتھ بیٹھےاور الیکشن قوانین میں ترامیم کرے۔
انہوں نے کہا کہ اپوزیشن 24 کروڑ عوام کے مسائل کے حل کے لیے ہمارے ساتھ بات کرے، معاشی خوشحالی ہر فرد کامسئلہ ہے۔
رانا ثنا نے مزید کہا کہ اپوزیشن پہلے میثاق معیشت کرے، میثاق معیشت کے بعد سیاست سمیت دیگر مسائل پر بھی بات ہوجائے گی، پاکستان کو درپیش مسائل پر قومی اتفاق رائے پیداکیا جانا چاہیے۔
ان کا مزید کہنا تھا کہ پاکستان نے بھارت کو ایسا جواب دیا کہ وہ آج دنیا میں رسوا ہو رہا ہے، پاکستان آج دنیا میں ایک مضبوط ملک کے طور پرجانا جا رہا ہے۔
بجٹ میں 3 اور 5 مرلہ گھروں کیلئے شرح سود کی سبسڈی پر کام جاری
مزید :
بنارس کی تاریخی اور مسلم اکثریتی بازار کے انہدام پر کورٹ سے راحت