الخدمت فاؤنڈیشن بنو قابل پروگرام: نمایاں کارکردگی پر طلبہ و طالبات میں لیپ ٹاپ تقسیم
اشاعت کی تاریخ: 15th, January 2025 GMT
الخدمت فاؤنڈیشن کی جانب سے آئی ٹی سمیت دیگر جدید کورسز کے دوران نمایاں کارکردگی کا مظاہرہ کرنے والے طلبہ و طالبات کو مفت لیپ ٹاپ دیے گئے۔
لاہور کے ایکسپو سینٹر میں ’بنو قابل پروگرام ‘ کے سیشن 2024 کی گریجویشن تقریب کا انعقاد کیا گیا۔ کورس میں ہزاروں طلبا نے شرکت کی تھی۔
یہ بھی پڑھیں: الخدمت فاؤنڈیشن نے غزہ کے لیے امدادی سامان کی نئی کھیپ روانہ کردی
کورس مکمل کرنے والے طلبہ وطالبات میں سرٹیفکیٹ تقسیم کیے گئے جبکہ نمایاں کارکردگی دکھانے والوں کو لیپ ٹاپ دیے گئے تاکہ وہ اپنی عملی زندگی میں روزگار کے قابل ہوسکیں گے۔
اس موقعے پر خطاب کرتے ہوئے تقریب کے مہمان خصوصی امیر جماعت اسلامی پاکستان حافظ نعیم الرحمان نے کہا کہ آئی ٹی سیکٹر میں بے روزگار نوجوانوں کے لیے بہت زیادہ مواقع ہیں اور الخدمت فاؤنڈیشن کے بنو قابل پروگرام کا آغاز سنہ 2022 میں کراچی سے ہوا جسے اب پورے پاکستان میں پھیلایا جا رہا ہے۔
مزید پڑھیے: پاکستانی رفاہی تنظیم الخدمت غزہ کیسے پہنچی؟
انہوں نے کہا کہ پاکستان کی 25 کروڑ آبادی کا 65 فیصد سے زائد حصہ 30 سال سے کم عمر نوجوانوں پر مشتمل ہے۔ انہوں نے مزید کہا کہ ملک میں قدرتی وسائل کی فراوانی ہے اور ملکی آئین ہر بچے کو مفت اور معیاری تعلیم فراہم کرنے کا وعدہ کرتا ہے لیکن زمینی حقائق مختلف ہیں۔
حافظ نعیم الرحمان کا کہنا تھا کہ ملک میں پونے 3 کروڑ کے لگ بھگ بچے اسکولوں سے محروم ہیں جنہیں تعلیم دینا حکومت کی ذمہ داری ہے۔
بنو قابل پروگرام سے 50 ہزار طلبہ و طالبات نے استفادہ کیاامیر جماعت اسلامی نے کہ 50 ہزار طلبا بنوقابل پروگرام کے ذریعے کورسز کے بعد عملی زندگی کا آغاز کر چکے ہیں اور وہ نہ صرف اپنا روزگار کما رہے ہیں بلکہ دیگر نوجوانوں کے روزگار کی فراہمی کا ذریعہ بھی بن رہے ہیں۔
مزید پڑھیں: بلوچستان: الخدمت فاؤنڈیشن نے 30 گھروں کی چابیاں سیلاب متاثرہ خاندانوں کے حوالے کر دیں
تقریب سے خطاب کرتے ہوئے الخدمت فاؤنڈیشن کے ذمہ داران نے کہا کہ نوجوانوں کو ڈیجیٹل مارکیٹنگ، ویب ڈیولپمنٹ، فری لانسنگ، ای کامرس اور آئی ٹی سمیت 28 فری کورسز کروائے جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الخدمت فاؤنڈیشن پاکستان امیر جماعت اسلامی پاکستان حافظ نعیم الرحمان بنو قابل پروگرام لیپ ٹاپ کی تقسیم.ذریعہ: WE News
کلیدی لفظ: الخدمت فاؤنڈیشن پاکستان امیر جماعت اسلامی پاکستان حافظ نعیم الرحمان بنو قابل پروگرام بنو قابل پروگرام کہا کہ
پڑھیں:
آسٹریلیا کے شہر برسبین میں پاکستانی نوجوانوں کی چاند رات پارٹی میں بزرگوں کی شرکت
برسبین(اُردو پوائنٹ اخبارتازہ ترین۔ 7 جون 2025ء)آسٹریلیا کے شہر برسبین میں پاکستانی نوجوانوں نے چاند رات کی خوشیوں کو منانے کے لئے ایک شاندار پارٹی کا انعقاد کیا، جس کا مقصد پردیس میں دیسی رنگ کا تڑکا لگانا اور آپس میں محبت و خوشی کو بانٹنا تھا۔ یہ محفل دیسی روایتی کھانوں اور ثقافتی سرگرمیوں سے بھری ہوئی تھی، جس نے تمام شرکاء کا دل موہ لیا۔ خاص طور پر اس موقع پر بزرگ نسیم احمد صاحب اپنے گھر سے دو ہزار سے زائد کلومیٹر کا سفر طے کرکے اس محفل میں شریک ہوئے۔ ان کی شرکت نے تقریب میں جوش و خروش کا اضافہ کیا۔ دیگر بزرگوں میں طارق محمود خان صاحب اور عزیز قادر صاحب بھی شامل تھے، جنہوں نے اپنی موجودگی سے نوجوانوں کا حوصلہ بڑھایا۔ بزرگوں نے چاند رات کی اہمیت پر روشنی ڈالی اور قربانی کی روحانی و معاشرتی اہمیت کے بارے میں گفتگو کی۔(جاری ہے)
طارق محمود خان صاحب نے اپنے تجربات اور مسائل کی کہانیاں بیان کیں، جبکہ عزیز قادر صاحب نے اپنے ماضی کے تجربات میں سے سبق سکھائے۔ انہوں نے نوجوانوں کو زندگی کی درست راہیں اختیار کرنے کی ترغیب دی اور ان کی حوصلہ افزائی کی۔ ایسی محفل نہ صرف خوشیوں کا باعث بنی بلکہ پاکستانی نوجوانوں کے درمیان ایک مضبوط معاشرتی بندھن قائم کرنے میں بھی اہم کردار ادا کرتی ہے۔ ایسے مواقع ہم سب کو یاد دلاتے ہیں کہ چاہے ہم جہاں بھی ہوں، اپنی ثقافت اور روایات کو زندہ رکھنا نہایت ضروری ہے۔ یوں، برسبین میں منائی جانے والی یہ چاند رات پارٹی نوجوانوں کے لیے ایک یادگار لمحہ بن گئی، جس نے محبت، پیار اور دوستی کی علامت کے طور پر ایک نئی چمک پیدا کی۔
تونسہ: پولیس سے مقابلے میں 4 دہشت گرد ہلاک