بلاول بھٹو کو ڈونلڈ ٹرمپ کی حلف برداری میں شرکت کا دعوت نامہ وزارت خارجہ کے ذریعے نہیں ملا، ترجمان
اشاعت کی تاریخ: 16th, January 2025 GMT
ترجمان دفتر خارجہ شفقت علی خان نے کہا ہے چیئرمین پاکستان پیپلز پارٹی بلاول بھٹو زرداری کو نومنتخب امریکی صدر ڈونلڈ ٹرمپ کی تقریب حلف برداری میں شرکت کا دعوت نامہ وزارت خارجہ کے ذریعے نہیں ملا۔
اسلام آباد میں ہفتہ وار میڈیا بریفنگ کے دوران ترجمان دفتر خارجہ شفقت علی خان نے کہا کہ ایسی خبریں ہیں کہ بلاول بھٹو کو نومنتخب امریکی صدر ڈونلڈ ٹرمپ کی تقریب حلف برداری میں شرکت کا دعوت نامہ ملا ہے لیکن یہ وزارت خارجہ کے ذریعے نہیں آیا اس لیے اس پر بات نہیں کریں گے، صدر ٹرمپ کی تقریب حلف برداری میں ہمارے سفیر شرکت کریں گے۔
یہ بھی پڑھیں: بلاول بھٹو کو ڈونلڈ ٹرمپ کی حلف برداری تقریب میں شرکت کے لیے دعوت نامہ موصول
ترجمان دفتر خارجہ نے کہا کہ وزارت تعلیم و فنی تعلیم نے اس ہفتے لڑکیوں کی تعلیم کے حوالے سے کانفرنس کا انعقاد کیا، جس میں وزیراعظم شہباز شریف نے اسلام تعلیمات کی روشنی میں لڑکیوں کی تعلیم کی اہمیت اجاگر کی اور کانفرنس کے اعلامیے میں لڑکیوں کی تعلیم پر زور دیا گیا۔ انہوں نے بتایا کہ وزیراعظم شہباز شریف نے او آئی سی کے سیکریٹری جنرل حسین ابراہیم طہٰ سے بھی ملاقات کی۔
دفتر خارجہ کے ترجمان کا کہنا تھا کہ پاکستان 15 جنوری کو ہونے والے غزہ جنگ بندی معاہدے کو خوش آئند قرار دیتا ہے، ہم امید کرتے ہیں کہ یہ جنگ بندی مستقل بنیادوں پر ہو۔ انہوں نے بتایا کہ 10 جنوری کو پاکستان اور چین کے درمیان دوطرفہ تعاون کا جائزہ اجلاس بیجنگ میں ہوا۔
یہ بھی پڑھیں: حماس اسرائیل جنگ بندی معاہدہ، سعودی عرب کا خیر مقدم، غزہ میں جشن
کیا پاکستان تاجکستان کے ساتھ مل کر افغانستان کو غیرمستحکم کرنے کوشش کر رہا ہے، اس سوال کے جواب میں ترجمان دفتر خارجہ نے کہا کہ تاجکستان ایک دوست ملک ہے اور پاکستانیوں کا وہاں جانا اور وہاں کے شہریوں کا پاکستان آنا ایک معمول کی بات ہے، واخان کوریڈور پر پاکستان کے قبضے سے متعلق اطلاعات میں کوئی صداقت نہیں، پاکستان افغانستان کی سالمیت کی عزت کرتا ہے اور ایسے کوئی ارادے نہیں رکھتا، افغانستان کے ساتھ بنیادی مسئلہ وہاں دہشتگردوں کی پناہ گاہیں ہیں۔
ترجمان دفتر خارجہ نے کہا کہ ہم بہت سے مواقع پر افغان حکام کے ساتھ بات چیت کرتے رہتے ہیں اور بہت سی بات چیت میڈیا میں رپورٹ نہیں ہوتی۔ افغانستان میں بھارتی سیکریٹری خارجہ کے دورے کے بارے میں بات کرتے ہوئے ترجمان دفتر خارجہ نے کہا کہ افغانستان ایک خودمختار ملک ہے اور کسی کے ساتھ بھی تعلقات رکھ سکتا ہے۔
یہ بھی پڑھیں: واخان کوریڈور پر پاکستان کے قبضے سے متعلق سوشل میڈیا خبریں مبالغہ آرائی ہیں، فخر کاکاخیل
ڈاکٹر عافیہ صدیقی سے متعلق سوال کے جواب میں انہوں نے کہا کہ ڈاکٹر عافیہ صدیقی کی رحم کی اپیل پر کوئی فیصلہ نہیں ہوا۔ انہوں نے کہا کہ پاکستان اور بنگلادیش وزیر خارجہ کے دورے کے لیے کام کررہے ہیں۔
ان کا کہنا تھا کہ پاکستان میں صرف افغان نہیں بلکہ کوئی بھی غیرملکی شہری قانونی تقاضے پورے کیے بغیر رہ رہا ہے تو اس کے خلاف ایکشن ہوتا ہے، پاکستانی شہری جو بیرون ملک قید ہیں ہمارے سفارتخانے ان کے درست اعداد و شمار رکھتے ہیں، ان سے رابطے رکھے جاتے ہیں اور انہیں ممکنہ مدد بھی فراہم کی جاتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افغانستان بلاول بھٹو زرداری بنگلہ دیش ترجمان حلف برداری دعوت نامہ دفتر خارجہ ڈاکٹر عافیہ صدیقی ڈونلڈ ٹرمپ رحم اپیل شفقت علی خان غزہ جنگ بندی واخان کوریڈور.ذریعہ: WE News
کلیدی لفظ: افغانستان بلاول بھٹو زرداری بنگلہ دیش حلف برداری دعوت نامہ دفتر خارجہ ڈاکٹر عافیہ صدیقی ڈونلڈ ٹرمپ رحم اپیل شفقت علی خان حلف برداری میں ڈونلڈ ٹرمپ کی بلاول بھٹو دعوت نامہ انہوں نے خارجہ کے میں شرکت کے ساتھ
پڑھیں:
کشمیر پر ثالثی سے متعلق پاکستانی رہنما سے جمعہ کو ملاقات ہوگی، ترجمان امریکی محکمہ خارجہ
امریکی محکمہ خارجہ کی ترجمان ٹیمی بروس نے پریس کانفرنس میں اعلان کیا ہے کہ کشمیر پر ثالثی سے متعلق امور پر بات چیت جمعہ کو ایک پاکستانی رہنما سے ملاقات میں کی جائے گی۔ ترجمان کا کہنا تھا کہ امریکا جانتا ہے کہ اس معاملے میں آگے کیسے بڑھنا ہے، اور واشنگٹن اس اہم ملاقات کا منتظر ہے۔
واضح رہے کہ پاکستانی نائب وزیرِاعظم و وزیرِ خارجہ اسحاق ڈار 25 جولائی کو واشنگٹن میں امریکی وزیر خارجہ مارکو روبیو سے اہم ملاقات کریں گے۔ یہ اسحاق ڈار اور روبیو کے درمیان پہلی سرکاری ملاقات ہوگی۔
امریکی محکمہ خارجہ کی ترجمان ٹیملی بروس کے مطابق ملاقات کی تیاری مکمل ہے اور وہ خود دونوں جانب کے اعلیٰ حکام کے ہمراہ شریک ہوں گی۔
یہ ملاقات ایسے وقت پر ہو رہی ہے جب بھارت کی سرحدی جارحیت میں کمی نہیں آئی اور نئی دہلی نے یکطرفہ طور پر سندھ طاس معاہدے کو معطل کر دیا ہے، اور پانی کی تقسیم سے متعلق غیرجانبدار مذاکرات سے انکار کر رہا ہے۔
یہ بھی پڑھیے اسحاق ڈار اور امریکی وزیرخارجہ مارکو روبیو کے درمیان اعلیٰ سطحی 25جولائی کوہوگی
میڈیا کے مطابق اس ملاقات میں کشمیر کے مسئلے، سرحدی کشیدگی اور دیگر 2 طرفہ امور کے ساتھ ساتھ تجارتی اور اقتصادی تعاون پر بھی بات چیت کا امکان ہے۔
یاد رہے کہ صدر ٹرمپ نے ماضی میں مسئلہ کشمیر کو ایک دیرینہ اور حل طلب تنازع قرار دیتے ہوئے ثالثی کی پیشکش کی تھی، جسے پاکستان نے فوری طور پر سراہا، جبکہ بھارت نے یہ تجویز مسترد کر دی اور مذاکرات سے مسلسل گریزاں رہا۔
شام میں کشیدگی میں کمی، غزہ کے لیے نمائندہ خصوصی کی روانگیٹیمی بروس نے بتایا کہ شام میں تمام فریقین کشیدگی ختم کرنے پر رضامند ہوچکے ہیں۔ اس ضمن میں امریکی نمائندہ خصوصی وٹکوف کو جنگ بندی کی کوششوں کے سلسلے میں غزہ بھیجا جا رہا ہے۔
غزہ کی صورتحال اور حماس پر الزاماتترجمان نے کہا کہ امریکا کے مطابق غزہ میں حماس کا زور ختم ہو چکا ہے۔ انہوں نے الزام عائد کیا کہ حماس انسانی امداد لوٹ کر بیچنے میں ملوث ہے، اور اس وجہ سے فلسطینی عوام شدید مشکلات کا شکار ہیں۔ تاہم انہوں نے کہا کہ وہ دن بھی آئے گا جب ہم غزہ کی تعمیر نو پر بات کریں گے۔
عالمی اداروں سے امریکہ کی علیحدگیعالمی ادارہ صحت (WHO): ٹیمی بروس نے کہا کہ امریکا نے ڈبلیو ایچ او کو آگاہ کر دیا ہے کہ اب وہ انٹرنیشنل ہیلتھ ریگولیشنز کا حصہ نہیں رہے گا، اور ہیلتھ پالیسی صرف امریکی عوام کے لیے خود تشکیل دے گا۔
یہ بھی پڑھیے امریکی صدر ڈونلڈ ٹرمپ نے مسئلہ کشمیر کے حل کے لیے ایک بار پھر ثالثی کی پیشکش کردی
یونیسکو: ترجمان نے کہا کہ امریکا یونیسکو سے شراکت داری ختم کر رہا ہے کیونکہ تنظیم نے فلسطین کو بطور ریاست تسلیم کیا، جو کہ امریکی مفادات کے منافی ہے۔
وینزویلا سے امریکی قیدیوں کی رہائیٹیمی بروس نے اعلان کیا کہ وینزویلا میں اب کوئی بھی امریکی قیدی موجود نہیں۔ انہوں نے امریکی شہریوں کو تنبیہ کی کہ وہ وہاں سفر نہ کریں کیونکہ امریکا کے شہریوں کو غلط طریقے سے قید کیا جاتا رہا ہے۔
روس، یوکرین اور ایران سے متعلق مؤقفایک سوال کے جواب میں بروس نے کہا کہ صدر ٹرمپ روس اور یوکرین کے درمیان براہ راست بات چیت کی حوصلہ افزائی کرتے ہیں اور ہر ممکنہ امن کوشش کی حمایت کرتے ہیں۔
ایران سے متعلق ان کا کہنا تھا کہ ایران کے پاس خوشحالی کا راستہ اپنانے کا موقع موجود ہے۔
افغانستان میں داعش، ٹی ٹی پی اور القاعدہ کے خلاف ممکنہ کارروائی سے متعلق سوال پر ترجمان نے کہا
ٹرمپ انتظامیہ کی پہلی مدت میں داعش کو ختم کر دیا گیا تھا، تاہم پچھلے 4 سال میں اس تنظیم کو دوبارہ منظم ہونے کا موقع ملا۔
انہوں نے کہا کہ صدر ٹرمپ کی ماضی کی کوششوں کو دیکھ کر مستقبل کی حکمتِ عملی کا اندازہ لگایا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار ٹیمی بروس مارکو روبیو مسئلہ کشمیر
کپاس کا مسلسل زوال معیشت کے لیے خطرہ بن گیا ہے