پولیس نے سونے کی غیر قانونی کانوں میں کھانے کی سپلائی بند کرا دی؛ 87 ہلاک اور 240 کی حالت غیر
اشاعت کی تاریخ: 16th, January 2025 GMT
جنوبی افریقا میں غیرقانونی سونے کی کانوں کے خلاف کریک ڈاؤن آپریشن میں پولیس نے مزدوروں کو کھانا فراہم کرنے کے تمام ذرائع بند کردیئے۔
عالمی خبر رساں ادارے کے مطابق کان کنوں کو کھانے کی سپلائی مہینوں سے بند ہونے کے بعد سیکڑوں مزدروں کی حالت غیر ہوگئی۔
اب تک بھوک سے ہلاک 84 کان کنوں کی لاشیں نکالی جا چکی ہیں جب کہ 270 کو پولیس نے اسپتال منتقل کیا ہے جہاں ان کی حالت نازک بتائی جا رہی ہے۔
پولیس کا کہنا ہے کہ ہلاکتوں میں اضافے کا خدشہ ہے۔ زندہ بچ جانے والے کان کنوں کے خلاف مقدمہ چلایا جائے گا۔
مزدور یونینوں نے پولیس کے کان کنوں کا کھانا بند کردینے اور لاغر و کمزور کان کنوں پر مقدمہ چلانے کی دھمکی پر سخت احتجاج کیا ہے۔
مزدور رہنماؤں کا کہنا ہے کہ پولیس نے اپنے اور اپنے اہل خانہ کا پیٹ پالنے کے لیے محنت کرنے والوں کا قتل کیا۔
دوسری جانب پولیس کا کہنا ہے کہ زیر زمین کانوں میں چھپے مزدوروں کو باہر نکلنے پر مجبور کرنے کے لیے اگست سے کھانا فراہمی کی سپلائی لائن کو بند کر رکھا تھا۔
پولیس کا مزید کہنا تھا کہ غیر قانونی کان کنی میں ملوث افراد نے بھوکا رہنا گوارا کیا لیکن باہر نکل کر گرفتاری نہیں دی۔
پولیس کی اس کارروائی کو حکومت کی مکمل آشیرباد حاصل ہے کیوں کہ ان غیر قانونی سونے کی کانوں کے باعث ہزاروں ڈالرز کا نقصان ہو رہا تھا۔
.
ذریعہ: Express News
پڑھیں:
فیصل بینک اور Faureeنے اسلامک ڈیجیٹل سپلائی چین فنانس اینڈ ایگری ڈیجیٹائزیشن پلیٹ فارم متعارف کرادیا
پاکستان کے معروف اسلامی بینکوں میں سے ایک فیصل بینک لمیٹڈ (ایف بی ایل) نے اسلامک فنانس میں ڈیجیٹل تبدیلی کی جانب ایک اہم قدم اٹھاتے ہوئے جدید فن ٹیک ادارے Fauree کے ساتھ مفاہمت کی یادداشت (ایم او یو) پر دستخط کیے ہیں، جس کا مقصد ایک مکمل اسلامی ڈیجیٹل سپلائی چین فنانس (ایس سی ایف) اور ایگری ڈیجیٹائزیشن ایکو سسٹم کی تیاری اور نفاذ ہے۔ ایم او یو پر فیصل بینک کے فِلیٹ اینڈ ایگری کے ہیڈ آف کمرشل بینکنگ اسمال بزنسز انٹرپرائز (سی بی ایس ایم ای) الطاف حسین ثاقب اور Fauree کے شریک بانی و سی ای او اظہر تصدق نے دستخط کیے۔
اسٹریٹجک شراکت داری پر دستخط کی تقریب فیصل بینک آفس لاہور میں منعقد ہوئی، جس کے تحت ٹیکنالوجی پر مبنی شریعت کے مطابق مشترکہ طور پر ڈیجیٹل مالی سلوشنز تیار کیے جائیں گے، جیسے انوائس فنانسنگ، انوینٹری فنانسنگ، ڈسٹری بیوٹر فنانسنگ اور زرعی ویلیو چین شراکت داروں کے لیے تیار کردہ ایگری ڈیجیٹائزیشن پلیٹ فارم شامل ہیں۔
فیصل بینک کے صدر و سی ای او یوسف حسین نے کہا، ”پاکستان میں اسلامی بینکاری کے شعبے میں زرعی ڈیجیٹائزیشن کے بانی ادارے کی حیثیت سے یہ شراکت داری پورے ملک میں پیش گوئی پر مبنی، پیپر لیس اسلامک فنانسنگ سلوشنز کو وسعت دینے اور بہتر بنانے کے ہمارے عزم کو تقویت دیتی ہے۔ سی بی ایس ایم ای اور ایگری ورٹیکلز میں شامل بہترین ٹیکنالوجی کے ساتھ ہم شرعی اصولوں کے مطابق فصلوں، مویشیوں اور سپلائی چینز کے لیے جدید اور فوری مالی سہولتیں فراہم کرنے کے لیے پُرعزم ہیں۔“
شریک بانی اور سی ای او Fauree اظہر تصدق نے کہا، ”یہ تعاون پاکستان کی زرعی معیشت میں ایک اہم پیش رفت ہے۔ فیصل بینک کی اسلامی مالیاتی مہارت کو جدید ڈیجیٹل پلیٹ فارم کے ساتھ مربوط کرکے ہم پاکستان کا پہلا شریعت کے مطابق ڈیجیٹل سپلائی چین فنانس ایکو سسٹم تیار کرنے جا رہے ہیں۔ ملٹی پروڈکٹ اپروچ کے ذریعے ہمارا مقصد ایگری ویلیو چینز اورایس ایم ای سپلائی نیٹ ورکس کو مکمل طور پر ڈیجیٹائز کرنا ہے، جس میں فارم لیول فنانسنگ سے لے کر برآمدکنندگان کے لیے ورکنگ کیپیٹل سپورٹ تک شامل ہیں۔“
یہ اشتراک اسمارٹ ایس سی ایف پلیٹ فارم (سپلائرز، ڈسٹری بیوٹرز اور ریٹیلرز کے لیے ڈیجیٹل فنانسنگ) اور ایگری ٹیک انٹیگریشنز (ریئل ٹائم، کراپ اگنوسٹک فنانسنگ اور سہولت کاری) کے ذریعے مالی شمولیت اور آپریشنل کارکردگی بڑھانے کے ایک نئے دور کا آغاز ثابت ہوگا۔
فیصل بینک اور Fauree ایک قابلِ اعتماد ڈیجیٹل مالیاتی نظام کی بنیاد رکھ رہے ہیں، جو کم مراعات یافتہ طبقات کو شریعت کے مطابق قابل رسائی اور جدید ٹیکنالوجی پر مبنی مالی سہولتیں فراہم کرے گا۔
اشتہار
ستھرا پنجاب کے بعد سدھرا پنجاب کا آغاز کر دیا گیا:صوبائی وزیرعظمیٰ بخاری