پاک بحریہ نے مشترکہ ٹاسک فورس کی کمانڈ رائل نیوزی لینڈ نیوی کو سونپ دی
اشاعت کی تاریخ: 16th, January 2025 GMT
کراچی:
پاک بحریہ نے مشترکہ ٹاسک فورس (150- CTF) کی کمانڈ رائل نیوزی لینڈ نیوی کو سونپ دی۔
ترجمان پاک بحریہ کے مطابق پاکستان نیوی نے کمبائنڈ ٹاسک فورس 150 کی کمانڈ، بحرین میں کمانڈ کی تبدیلی کی باوقار تقریب کے دوران رائل نیوزی لینڈ نیوی کے حوالے کر دی۔ پاک بحریہ کے کموڈور عاصم سہیل ملک نے کمبائنڈ میری ٹائم فورسز کے کمانڈر وائس ایڈمرل جارج وکوف ( Vice Admiral George Wikoff) کی موجودگی میں کمانڈ باضابطہ طور پر رائل نیوزی لینڈ نیوی کے کموڈور راجر وارڈ (Commodore Rodger Ward ) کے حوالے کی۔
جولائی 2024 سے جنوری 2025 تک پاک بحریہ کے زیر قیادت کمبائنڈ ٹاسک فورس 150 نے میری ٹائم سیکیورٹی کے مختلف آپریشنز کیے۔ CTF -150 کے آپریشنز میں فعال شرکت کے علاوہ، پاکستان نیوی اور پاکستان میری ٹائم سیکیورٹی ایجنسی کے جہازوں نے اپنے طور پر بھی منشیات کی سمگلنگ کے خلاف تین بڑے آپریشنز کیے۔
مجموعی طور پر پاکستان نیوی اور کمبائنڈ میری ٹائم فورس نے گزشتہ چھ ماہ کے دوران تقریباً 10 ٹن منشیات قبضے میں لیں جن کی مالیت تقریباً 50 ملین امریکی ڈالر سے زیادہ ہے۔ پاک بحریہ کی قیادت میں کمبائنڈ ٹاسک فورس 150 نے علاقائی تعاون کو آگے بڑھاتے ہوئے اپنے آپریشنز میں کینیا کی بحریہ اور عمان کی رائل نیوی کے جہازوں کی شرکت کو یقینی بنایا۔
اپنے دور قیادت میں کموڈور عاصم سہیل ملک نے ماریشس، کینیا اور سری لنکا کے اہم سول اور فوجی رہنماؤں سے بات چیت کی اور مشترکہ میری ٹائم سیکیورٹی چیلنجز سے نمٹنے کے لیے تعاون اور معلومات کے تبادلےپر زور دیا۔
کمانڈر، کمبائند ٹاسک فورس 150 کے طور پر اپنے دور کے بارے میں خیالات کا اظہار کرتے ہوئے، کموڈور عاصم سہیل ملک نے دنیا بھر کی بحری افواج کے ساتھ کام کرنے کے تجربے پر روشنی ڈالی۔ انہوں نے پاکستان کی خارجہ پالیسی اور پاک بحریہ کے سربراہ ایڈمرل نوید اشرف کے وژن کے مطابق مشترکہ میری ٹائم سیکیورٹی کے لیے پاک بحریہ کے عزم کو اجاگر کیا۔
انہوں نے مزید کہا کہ پاک بحریہ کمبائنڈ میری ٹائم فورسز میں اپنی فعال شرکت پر فخر محسوس کرتی ہے اور اس کی متحرک کوششیں میری ٹائم سیکیورٹی کے لیے اپنا کردار ادا کرنے کے پختہ عزم کی عکاسی کرتی ہیں۔
آنے والے کمانڈر CTF- 150، کموڈور راجر وارڈ نے پاک بحریہ کی مثالی قیادت اور آپریشنل کامیابیوں پر ان کا شکریہ ادا کیا۔
کمبائنڈ ٹاسک فورس 150 دنیا کی سب سے بڑی بحری شراکت داری کمبائنڈ میری ٹائم فورسز کے تحت کام کرنے والی پانچ ٹاسک فورسز میں سے ایک ہے۔
.
ذریعہ: Express News
کلیدی لفظ: کمبائنڈ میری ٹائم فورس کمبائنڈ ٹاسک فورس 150 پاک بحریہ کے
پڑھیں:
بہوئیں دیر تک سوتی رہتی ہیں؛ اداکارہ اسماء نے سب بتادیا
منجھی ہوئی اداکارہ اسماء عباس نے ایک مارننگ شو میں بہوؤں کے دیر تک سوئے رہنے پر دلچسپ تبصرہ کیا ہے جو سوشل میڈیا پر وائرل ہوگیا۔
ورسٹائل اداکارہ اسماء عباس نہ صرف اداکاری میں جادو جگاتی ہیں بلکہ گھریلو زندگی میں بھی اپنے خاص انداز سے سب کا دل جیت لیتی ہیں۔
حال ہی میں وہ اپنی بہو ثمین کے ساتھ ایک نجی ٹی وی کے مارننگ شو میں جلوہ گر ہوئیں اور روایتی ساس کے بجائے ایک شفیق ماں کی طرح نظر آئیں۔
ان کی بہو ثمین نے اپنی شادی کے بعد پہلے دن کا واقعہ سناتے ہوئے بتایا کہ میں اتنی نروس تھی کہ الارم لگا کر سوئی لیکن جب صبح الارم بجا، تو بند کرکے دوبارہ سو گئی۔
بہو ثمین نے مزید بتایا کہ جب میں دوبارہ ہڑبڑا کر اُٹھی تو بہت دیر ہوچکی تھی۔ میں ڈر گئی کہ پہلے ہی روز ساس سے ڈانٹ کھانا پڑے گی۔
ثمین نے بتایا کہ جب میں نیچے گئی تو میری ساس اسما عباس قریب آئیں اور پیار سے کہا کہ جاؤ دوبارہ سو جاؤ، مکمل نیند لو۔
جس پر اسماء عباس نے لقمہ دیا کہ مجھے بہوؤں کے دیر سے اٹھنے پر کوئی اعتراض نہیں کیونکہ جب وہ دیر سے اٹھتی ہیں تو مجھے میری بیٹی زارا یاد آتی ہے جسے سونے کا بہت شوق ہے۔
اسما عباس نے مزید کہا کہ میں چاہتی ہوں میری بہوئیں پڑھی لکھی ہیں، باہر نکلیں اور جاب کریں۔ گھر بیٹھ کر کیا کریں گی۔ ویسے بھی، ہمارے گھر میں کام کے لیے ہیلپر موجود ہیں۔
اداکارہ اسماء عباس نے مزید کہا کہ میں بہو کو سلیپنگ سوٹ میں دیکھنا پسند نہیں کرتی، انھیں بن سنور کر رہنا چاہیئے۔
TagsShowbiz News Urdu
والد نے مسلسل رابطوں سے پریشان ہوکر تدفین کا بیان دیا، بہن بہت خوددار تھی، بھائی حمیرا اصغر