میرپورخاص ریجن میں شاندار اسٹیم مقابلوں کا انعقاد
اشاعت کی تاریخ: 17th, January 2025 GMT
میرپورخاص(نمائندہ جسارت)صوبائی وزیر تعلیم سندھ سید سردار علی شاہ، سیکرٹری ایجوکیشن زاہد علی عباسی اور ایڈیشنل ڈائریکٹر پرائیویٹ انسٹیٹیوشن سندھ رفعیہ جاوید ملاح کی خصوصی ہدایت میں ڈائریکٹوریٹ پرائیویٹ انسٹیٹیوشنز میرپورخاص ریجن میں شاندار اسٹیم مقابلوں کا انعقاد کیا گیا۔بحریہ فاؤنڈیشن اسکول بینڈ کے طالب علموں نے بینڈ کی دھن پر معزز مہمانوں والدین اور طالب علموں کا استقبال کیا۔اس موقع پر مہمان خصوصی ایڈیشنل ڈائریکٹر پرائیویٹ انسٹیٹیوشنز رفیعہ جاوید ملاح نے اپنے دست مبارک سے ربن کاٹ کر مقابلوں کا افتتاح کیا اور فضا میں کبوتر چھوڑے مقابلوں میں 50 سے زائد اسکولوں کے 350 پروجیکٹ شامل تھے معزز مہمانوں رفیعہ جاوید ملاح ، قربان علی بھٹو،نصر اللہ حمزہ ،اخلاق احمد،ممتاز علی قمبرانی، گلاب رائیاور سید طارق شاہ نے تمام اسٹالوں کا دورہ کیا اور بچوں کی کارکردگی کو سراہا قومی ترانے کے بعد ڈائریکٹر پرائیویٹ اسکولز پروفیسر عبدالہادی داؤد پوتہ نے خطبہ استقبالیہ پیش کیا اور مہمانوں کو خوش آمدید کہا مہمان خصوصی ایڈیشنل ڈائریکٹر پرائیوٹ اسکولز رفیعہ جاوید جاوید ملاح نے اسٹیم مقابلوں کے اغراض و مقاصد پر روشنی ڈالی اور کہا کہ ریجن میرپورخاص کے طالب علموں کی کارکردگی شاندار ہے اور مجھے امید ہے کہ کراچی میں منعقد ہونے والے فائنل مقابلے میں میرپورخاص ریجن سخت حریف ثابت ہوگا۔انہوں نے ریجنل ڈائریکٹر پروفیسر عبدالہادی داؤد پوتہ اور ان کی ٹیم کو شاندار الفاظ میں خراج تحسین پیش کیا-تعلیمی بورڈ میرپور خاص کے چیئرمین ثمر ٹالپر،ڈائریکٹر کالجز میرچند اوڈ اور اپسما کے چیئرمین سید طارق شاہ نے شاندار اسٹیم مقابلوں کے انعقاد پر منتظمین کو مبارک پیش کی اور طالب علموں کی بھرپور حوصلہ افزائی کی۔سائنس پروجیکٹ میں پہلی پوزیشن سندھ پبلک اسکول عمرکوٹ دوسری پوزیشن برائٹ فیچر اسار سیکنڈری اسکول اسلام کوٹ تیسری پوزیشن الہدی پبلک ہائی اسکول ٹنڈو جان محمد،رائٹ سولیوشن اسکول عمرکوٹ ،ائر فاؤنڈیشن اسکول میرپورخاص،فاس دی ہوپ ہائیر سیکنڈری اسکول میرواہ گورچانی اور مومنٹس اسکول میرپورخاص نے حاصل کی۔ ٹیکنا لوجی پروجیکٹ میں پہلی پوزیشن پروگریس پبلک اسکول مٹھی دوسری پوزیشن میرٹ پیلس ہائی اسکول میرپورخاص اور تیسری پوزیشن دیپ اکیڈمی مٹھی نے حاصل کی۔انجینئرنگ پروجیکٹ میں پہلی پوزیشن پروگریس پبلک سکول مٹھی دوسری پوزیشن برائٹ فیوچر پبلک ہائر سیکنڈری اسکول اسلام کو اور تیسری پوزیشن لنکلن اسکول میرپورخاص نے حاصل کی۔آرٹ مقابلوں میں پہلی پوزیشن نو برائٹ فیوچر پبلک ہائر سیکنڈری اسکول مٹھی نے دوسری پوزیشن میرٹ پیلس ہائی اسکول نے اور تیسری پوزیشن سندھ پبلک ہائر سیکنڈری اسکول عمرکوٹ میرپورخاص نے حاصل کی۔
.ذریعہ: Jasarat News
کلیدی لفظ: میں پہلی پوزیشن اسٹیم مقابلوں دوسری پوزیشن تیسری پوزیشن طالب علموں جاوید ملاح نے حاصل کی
پڑھیں:
پبلک اکاؤنٹس کمیٹی: چینی کی درآمد کیلئے ٹیکسز کو 18 فیصد سے کم کرکے 0.2 فیصد کرنے کا انکشاف
پبلک اکاؤنٹس کمیٹی: چینی کی درآمد کیلئے ٹیکسز کو 18 فیصد سے کم کرکے 0.2 فیصد کرنے کا انکشاف WhatsAppFacebookTwitter 0 23 July, 2025 سب نیوز
اسلام آباد(آئی پی ایس) پارلیمنٹ کی پبلک اکاؤنٹس کمیٹی (پی اے سی) میں چینی کی درآمد کے لیے ٹیکسز کو 18 فیصد سے کم کرکے 0.2 فیصد کرنے کا انکشاف ہوا ہے، پی اے سی نے شوگر ملز مالکان کی تفصیلات طلب کرتے ہوئے استفسار کیا ہے کہ بتایاجائے کس نےچینی برآمد کرنے کی اجازت دی،کس کس نےبرآمد کی، یہ بھی بتایا جائے کہ کس کس ملک کو چینی برآمد کی گئی تھی۔
پبلک اکاؤنٹس کمیٹی کا اجلاس جنید اکبر کی زیر صدارت منعقد ہوا، کمیٹی کو ملک چینی کی قیمتوں پر بریفنگ دی گئی۔
رکن کمیٹی معین پیرزادہ نے کہاکہ شوگر مافیا صوبائی حکومتوں کے بس میں نہیں ہے، کیا مراد علی شاہ یا مریم نواز کے پاس اس مافیا کے خلاف کارروائی کرنے کا اختیار ہے؟ شوگر ایڈوائزری بورڈ میں تمام مال بیچنے والے موجود ہیں لیکن صارفین کی کوئی نمائندگی نہیں ہے۔
یاد رہے کہ پبلک اکاؤنٹس کمیٹی نے گزشتہ ہفتے حکومتی فیصلے کی روشنی میں چینی کی درآمد پر ٹیکس چھوٹ کی منظوری پر ایف بی آر کے نوٹیفیکیشن کا نوٹس لیتے ہوئے ایس آر او پر وضاحت کے لیے چیئرمین ایف بی آر کو آج طلب کیا تھا۔
چیئرمین ایف بی آر راشد محمود لنگڑیال نے آج پبلک اکاؤنٹس کمیٹی میں پیش ہوکر انکشاف کیا کہ 5لاکھ ٹن چینی کی درآمد کیلئے کابینہ کی ہدایت پر 4 قسم کے ٹیکسوں میں کمی کی گئی، مختلف ٹیکسز کو 18 فیصد سے کم کرکے 0.2 فیصد پر لایا گیا۔
سیکریٹری فوڈ سکیورٹی نے کمیٹی کو بتایا کہ سیزن کے آغاز میں 1.3 ملین ٹن چینی کا ذخیرہ موجود تھا، چینی برآمد کرنے کی اجازت کاشتکاروں کو تحفظ دینے کے لیے دی گئی تھی، سیکریٹری فوڈ سیکورٹی کے ریمارکس پر کمیٹی کے ارکان نے تشویش کا اظہار کیا۔
چیئرمین پی اے سی جنید اکبر نے کہا کہ چند شوگر ملز مالکان کو ارب پتی بنانے کے لیے پہلے چینی برآمد کرنے کی اجازت دی گئی تھی، پی اے سی نے چینی کا معاملہ آئندہ ہفتے تک موخر کر دیا۔
واضح رہے کہ فاقی کابینہ نے شوگر ملز مالکان کی جانب سے 21 نومبر 2024 سے پیداوار شروع کرنے کی شرط پر مزید 5 لاکھ میٹرک ٹن چینی برآمد کرنے کی منظوری دی تھی۔
بعدازاں ملک بھر میں چینی کی قیمتوں میں اضافے کے بعد حکومت نے گزشتہ ماہ 5 لاکھ ٹن چینی درآمد کرنے کا فیصلہ کیا تھا تاہم حکومت کو 50 ہزار ٹن چینی درآمد کرنے کے عالمی ٹینڈر پر کوئی بولی موصول نہیں ہوئی ہے۔
علاوہ ازیں پبلک اکاؤنٹس کمیٹی نے آڈٹ رپورٹ 24-2023 میں فنانس ڈویژن سے متعلق آڈٹ اعتراضات کا جائزہ لیا، فراڈ پر مبنی سرگرمیوں میں ملوث کمپنی کو قرضہ دینے کی وجہ سے 23 ارب روپے کے نقصان کا معاملہ بھی اجلاس بھی زیر غور آیا۔
آڈٹ حکام نے بتایا کہ نیشنل بینک نے حیسکول پٹرولیم لمیٹڈ کا معاشی تجزیہ کیے بغیر یہ قرضہ دیا، سینیٹر افنان اللہ نے فنانس ڈویژن کے حکام سے سوال کیا کہ آپ بتائیں 23 ارب روپے کہاں گئے، سید نوید قمر نے کہاکہ آپ کو ذمہ داروں کا تعین کرنا ہوگا۔
ایف آئی اے حکام نے بتایا کہ ایف آئی آر کے اندر 32 ملزمان کے نام تھے، اس میں کچھ بینکرز کا کردار بھی تھا، صدر نیشنل بینک نے بتایا کہ 2 ارب روپے ہمیں وصول ہوچکے ہیں، جنہوں نے جرم کیا وہ چھوٹ گئے جبکہ نیشنل بینک کے لوگ ایف آئی اے کے پاس ہیں۔
ایف آئی اے حکام نے عدالت کو بتایا کہ حیسکول کے 12 میں سے 7 بندوں کا کوئی کردار نہیں تھا،2 افراد کو عدالت نے چھوٹ دی جبکہ 5 افراد کا کیس ابھی ختم نہیں ہوا، پی اے سی نے معاملہ عدالت میں ہونے کی وجہ موخر کردیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرناکام ’’پریشن سندور‘‘کا دعویٰ ایک بار پھر جھوٹا ثابت، امریکی صدر کے ہاتھوں بھارت کو سبکی کا سامنا ناکام ’’پریشن سندور‘‘کا دعویٰ ایک بار پھر جھوٹا ثابت، امریکی صدر کے ہاتھوں بھارت کو سبکی کا سامنا سلامتی کونسل مباحثہ: بھارت دہشت گردی کی منظم سرپرستی کر رہا ہے، پاکستان حماد اظہر روپوشی ختم کرکے اپنے والد کی نماز جنازہ میں شرکت کے لئے پہنچ گئ ڈیگاری واقعہ: غیرت کے نام پر قتل کی گئی خاتون کی والدہ کا مبینہ قاتلوں کی رہائی کا مطالبہ کیا9مئی کیس میں بری شاہ محمود پی ٹی آئی کی قیادت سنبھال سکتے ہیں؟ اسلام آباد کی نجی سوسائٹی کے برساتی نالے میں بہہ جانے والے باپ بیٹی کی تلاش جاریCopyright © 2025, All Rights Reserved
رابطہ کریں ہمارے بارے ہماری ٹیم
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست