چیمپئنز ٹرافی، جنوبی افریقا کو فاسٹ بولرز کی کمی کا سامنا
اشاعت کی تاریخ: 18th, January 2025 GMT
چیمپئنز ٹرافی سے قبل جنوبی افریقی فاسٹ بولنگ بیٹری پوری قوت کے ساتھ تیار نہیں ہے۔
گیرالڈ کوئٹزی ہیمسٹرنگ انجری سے نجات پاکر حال ہی میں واپس آئے ہیں، بورجر، ولیمز اور اینرچ نورکیا انجری مسائل سے دوچار ہیں، ٹیم کو ریزرو فاسٹ بولرز سے ان کی کمی کو پورا کرنا ہوگا، نورکیا کے متبادل کا انہیں چناؤ کرنا ہوگا۔
وہ جنوبی افریقی ٹی 20 لیگ میں جوہانسبرگ سپر کنگز اور پریٹوریا کیپٹیلز کے میچ سے باہر ہوگئے، ان کی فٹنس کا بغور جائزہ لیا جارہا ہے، کوئٹزی نے انجری سے واپسی پر ڈربن سپر جائنٹس کے خلاف میچ میں حصہ لیاتھا، سری لنکا سے سیریز میں انجرڈ ہونے کے بعد یہ ان کا پہلا مسابقتی میچ تھا۔
.ذریعہ: Daily Mumtaz
پڑھیں:
پاکستان نے جنوبی افریقا کو 9 وکٹوں سے شکست دے کر سیریز برابر کر دی
data-id="863a0a8" data-element_type="widget" data-widget_type="theme-post-content.default">
لاہور: قذافی اسٹیڈیم میں کھیلے گئے دوسرے ٹی ٹوئنٹی میچ میں پاکستان نے شاندار کھیل کا مظاہرہ کرتے ہوئے جنوبی افریقا کو 9 وکٹوں کے بھاری مارجن سے شکست دے دی۔
قومی ٹیم نے 111 رنز کا معمولی ہدف محض 14ویں اوور کی پہلی گیند پر حاصل کر کے سیریز 1-1 سے برابر کر دی۔
پاکستانی اوپنرز نے کھیل میں شاندار آغاز فراہم کیا۔ نوجوان بلے باز صائم ایوب نے برق رفتار بلے بازی کرتے ہوئے اپنی فارم واپس حاصل کی اور صرف 38 گیندوں پر 71 رنز کی ناقابلِ شکست اننگز کھیلی۔ ان کی اننگز میں 6 چوکوں اور 5 بلند و بالا چھکوں کا دلکش جارحانہ انداز شامل تھا۔
صاحبزادہ فرحان نے 28 رنز بنائے جب کہ بابر اعظم نے 18 گیندوں پر 11 رنز بنا کر ناٹ آؤٹ رہتے ہوئے ٹیم کو ہدف تک پہنچایا۔ جنوبی افریقا کی جانب سے واحد وکٹ کوربن بوش نے حاصل کی تاہم ان کی بولنگ پاکستانی بلے بازوں کے سامنے بے اثر ثابت ہوئی۔
اس سے قبل جنوبی افریقا کے کپتان نے ٹاس جیت کر بیٹنگ کا فیصلہ کیا لیکن پاکستانی بولرز نے آغاز سے ہی مخالف بیٹرز پر دباؤ برقرار رکھا۔ پوری پروٹیز ٹیم 20ویں اوور میں محض 110 رنز پر ڈھیر ہوگئی۔
ڈیوالڈ بریوس 25 رنز کے ساتھ نمایاں رہے جب کہ کپتان ڈونوون فریرا 15، اوٹنیل بارٹمن 12، اور کوربن بوش 11 رنز بنا سکے۔ کوانٹن ڈی کاک، ٹونی ڈی زورزی، میتھیو بریٹزکے اور ریزا ہینڈرکس جیسی بڑی وکٹیں بھی کم اسکور پر گر گئیں۔
پاکستانی بولرز نے عمدہ کارکردگی دکھاتے ہوئے پوری ٹیم کو محدود رکھا۔ فہیم اشرف نے 4 شکار کیے، سلمان مرزا نے 3 وکٹیں حاصل کیں جب کہ نسیم شاہ نے 2 اور ابرار احمد نے ایک کھلاڑی کو آؤٹ کیا۔ سلمان مرزا کی نپی تلی گیندبازی نے خاص طور پر جنوبی افریقی بلے بازوں کو بے بس کر دیا۔
صدر ٹرمپ کا دورہ جاپان، سرمایہ کاری کے بجائے صحت موضوعِ بحث بن گئی