میلانیا ٹرمپ: خاتونِ اول کی حیثیت سے وائٹ ہاؤس میں واپسی
اشاعت کی تاریخ: 20th, January 2025 GMT
ویب ڈیسک —
امریکی خاتون اول بننے والی میلانیا ٹرمپ سنہ دو ہزار سولہ میں اپنے شوہر ڈونلڈ ٹرمپ کے پہلی بار صدر بننے کے بعد لائیم لائیٹ میں آئیں۔ اب وہ ایک بار پھر وائٹ ہاؤس پہنچنے والی ہیں۔۔ کچھ جانتے ہیں میلانیا ٹرمپ کی زندگی اور کیرئیرکے بارے میں، اور یہ کہ ان سے وابستہ امریکی عوام کی توقعات کیا ہیں۔
شادی سے پہلے میلانیا کا نام Melanija Knavs تھا ۔۔ابدنیا انہیں سابق امریکی خاتون اول میلانیا ٹرمپ کے نام سے جانتی ہے ۔۔ان کی پیدائش چھبیس اپریل 1970 کویورپی ملک سلووینیا کے شہر نوو مستو شہر میں ہوئی۔ ان کے والد سیونیچا نامی قصبے میں گاڑیاں بیچتے تھے جبکہ ان کی ماں ٹیکسٹائیل انڈسٹری میں کام کرتی تھیں ۔۔
میلانیا کی اسکول کی ساتھی مریاناکہتی ہیں کہ میلانیا کی دلچسپی فیشن میں تھی۔”انہیں ڈیزائیننگ کرنا بھی پسند تھا وہ پرانے کپڑوں سے نئے کپڑے بناتی تھیں۔”
میلانیا نے کالج میں ڈیزائین کی تعلیم حاصل کر رہی تھیں، پھر انہوں نے اسے روک کر میلانیا Knauss کے نام سے یورپ میں ماڈلنگ کرنا شروع کر دی ۔۔انیس سو نوے کی دہائی میں ان کی کامیابی انہیں امریکہ لے آئی۔
میلینیا ٹرمپ۔ فائل فوٹو
اوہائیو یونیورسٹی کی کیتھرین جیلیسن کہتی ہیں،ایک فیشن ماڈل کے طور پر اور ایک ایسی شخصیت کی حیثیت سے انہیں نیو یارک میں اکثر اونچے طبقے کی پارٹیوں میں مدعو کیا جاتا تھا، میرے خیال سے وہیں ان کی ملاقات ڈونلڈ ٹرمپ سے ہوئی
بائیس جنوری دو ہزار بائیس کو وہ میلانیا ٹرمپ بنیں۔ ایک سال بعد ان کا اور ڈونلڈ ٹرمپ کا پہلا اور اکلوتا بیٹا، بیرن، پیدا ہوا۔ اسی سال وہ امریکی شہری بھی بن گئیں۔
میلانیا ٹرمپ کی زندگی نے اس وقت ایک مختلف موڑ لیا جب ان کے شوہر نے ریپلیکن پارٹی کے ٹکٹ پر دو ہزار سولہ کا صدارتی انتخاب لڑا، اور کامیابی حاصل کی۔
امریکہ کے 45 ویں صدر کے طور پرڈونلڈ ٹرمپ 20 جنوری 2017 کوحلف اٹھا رہے ہیں، ٹرمپ کی اہلیہ میلانیا اور ان کا بیٹا بیرن ان کے ساتھ کھڑے ہیں۔ فوٹو رائٹرز
میلانیا نے اپنے شوہر کے بارے میں کہا،”مجھے ان پر انتہائی فخر ہے۔
ڈونلڈ ٹرمپ نے جنوری دو ہزار سترہ میں پینتالیسویں امریکی صدر کا حلف اٹھایاتھا۔ خاتون اول کی حیثیت سے میلانیا ٹرمپ نے دنیا کے متعدد ملکوں کا دورہ کیا۔
انہوں نے ’بی بیسٹ کمپین‘ جیسے پراجیکٹز پر کام کیا جس کا مقصد بچوں کی فلاح ، آن لائین سیفٹی اور منشیات کے مسئلے سے نمٹنا تھا۔ اگرچہ دیگر فرسٹ لیڈیز کے مقابلے میں انہوں نے خود کو زیادہ نمایاں نہیں کیا پھر بھی انہیں میڈیا کی سخت جانچ پڑتال کا سامنا رہا۔
اوہائیو یونیورسٹی کی کیتھرین جیلیسن کہتی ہیں، "کچھ حلقوں میں ان پر ، ان کے فیشن کے انتخاب، فوری طور پر وائٹ ہاؤس منتقل نہ ہونے کے فیصلے اور ان کی ‘بی بیسٹ’ مہم کے امریکی فرسٹ لیڈیز کی کامیاب ترین کیمپینز میں سے ایک نہ ہونے پر تنقید ہوئی۔”
امریکی خاتون اول میلانیا ٹرمپ کو 7 مئی 2018 کو واشنگٹن میں وائٹ ہاؤس کے روز گارڈن میں انکے Be Best beginning اقدام کے آغازپر صدر ڈونلڈ ٹرمپ انہیں خوش آمدید کہ رہے ہیں۔ فوٹو رائٹرز۔۔
وائٹ ہاؤس چھوڑنے کے بعد میلانیا ٹرمپ عملی طور پر عوام کی نظروں سے اوجھل ہو گئیں۔ کبھی کبھار وہ اپنے شوہر کی 2024 کی صدارتی مہم اور اپنی یادداشت کی پروموشن کے لیے عوام کے سامنے آتی رہیں۔
میلانا اس یاد داشت کے بارے میں کہتی ہیں۔
"اس یاد داشت کو لکھنا میرے لیے ذاتی طور پر انتہائی گہرا اور اپنے بارے میں سوچنے کا تجربہ تھا۔”
میلانیا ٹرمپ، گھانا کے دورے پر۔ 2 اکتوبر، 2018 فوٹو رائٹرز
وسکانسن کے ووٹر آسٹن سمتھ نے دو ہزار سولہ میں ڈونلڈ ٹرمپ کو ووٹ دیا تھا ۔۔انہوں نے میلانیا ٹرمپ کی وہائٹ ہاوس میں واپسی کے لیے اپنی امیدوں کا اظہار کرتے ہوئے کہا کہ میں چاہوں گا کہ وہ چند پسندیدہ پراجیکٹز پر کام کریں ۔ ایک چیز جس کے لیے میں بہت پُر جوش ہوں وہ اسکولوں میں فراہم کیے جانے والے کے لنچ کا ہے۔
ڈیموکریٹک ووٹر جسلین کور چاہتی ہیں کہ میلانیا ٹرمپ ، بقول ان کے ایک بااثرخاتون اول بنیں ۔
"وہ باہر جاکر شہروں میں کمیونٹیز سے بات کریں ، ملک بھرکا دورہ کریں اور خوداپنی پہچان بنائیں۔”
انہوں نے زور دیا کہ صرف ایسی شخصئیت کے طور پر نہیں جو کہ صدر کے پیچھے کھڑی ہو بلکہ ایک ایسی عورت کے طور پر جس کی اپنی کوئی طاقت ہو۔۔
تاہم تجزیہ کارکیتھرین جیلیسن سمجھتی ہیں کہ میلانیا ٹرمپ، دوسری مدت صدارت میں بھی ایک خاتون اول کے طور پر لائیم لائیٹ سے زیادہ تر دور ہی رہیں گی
وائس آف امریکہ کی ورونیکا بالڈراس کی رپورٹ
.ذریعہ: Al Qamar Online
کلیدی لفظ: پاکستان کھیل میلانیا ٹرمپ ڈونلڈ ٹرمپ وائٹ ہاؤس کے طور پر انہوں نے ٹرمپ کی
پڑھیں:
وینیزویلا پر حملہ کر کے مجھے اقتدار دیں، نوبل امن انعام یافتہ خاتون کی امریکہ کو دعوت
امریکی چینل بلومبرگ سے گفتگو میں نوبل انعام یافتہ اپوزیشن لیڈر نے کہا کہ مادورو پر دباؤ بڑھانا اور عسکری راستہ ہی اس کو اقتدار چھوڑنے پر مجبور کر سکتا ہے۔ یہ بیانات اس وقت سامنے آئے ہیں جب امریکی بحری افواج وینیزویلا کے قریب سرگرم ہیں اسلام ٹائمز۔ عالمی نوبل امن انعام یافتہ وینیزویلائی اپوزیشن رہنما ماریا کورینا ماچادو نے انعام حاصل کرنے کے کچھ ہی ہفتوں بعد اپنے ملک کے صدر نیکولاس مادورو کے خلاف فوجی حملے کی کھلی وکالت کی ہے۔ انہوں نے امریکی چینل بلومبرگ سے گفتگو میں کہا کہ مادورو پر دباؤ بڑھانا اور عسکری راستہ ہی اس کو اقتدار چھوڑنے پر مجبور کر سکتا ہے۔ یہ بیانات اس وقت سامنے آئے ہیں جب امریکی بحری افواج وینیزویلا کے قریب سرگرم ہیں اور میڈیا نے ممکنہ امریکی ہوائی حملوں کی خبریں دی ہیں۔ اگرچہ امریکی وزیر خارجہ مارکو روبیو نے ایسی خبروں کو جعلی قرار دیا۔ تاہم منشیات کی اسمگلنگ کے خلاف کارروائی کے بہانے امریکی فوجی تحرکات میں اضافہ جاری ہے۔
ماچادو ڈونلڈ ٹرمپ اور بنیامین نتن یاہو سے قریبی تعلقات رکھتی ہیں۔ انہوں نے نوبل انعام ملنے کے بعد دونوں رہنماؤں سے بات کی اور حتیٰ کہ ٹرمپ کو انعام پیش کرنے کی پیشکش بھی کی۔ انہوں نے ایک انٹرویو میں بالواسطہ طور پر واشنگٹن کو پیغام دیا کہ اگر مادورو کے خاتمے میں مدد کی جائے تو امریکہ کو وینیزویلا کے قدرتی وسائل تک رسائی دی جا سکتی ہے۔ انہوں نے مزید کہا کہ مادورو حکومت کے "خاتمے کے بعد ابتدائی 100 گھنٹوں" کے لیے ان کے پاس مکمل منصوبہ موجود ہے، اور عوام مناسب موقع پر سڑکوں پر نکلیں گے۔ اس طرح، ماچادو نے خود کو مادورو کے بعد وینیزویلا کی ممکنہ سیاسی جانشین کے طور پر پیش کیا ہے۔
ملتان، حضرت شاہ رکن الدین عالم کا 712 واں سالانہ تین روزہ عرس شروع، بڑی تعداد میں مرید شریک