این آئی سی ایچ جیسا اسپتال پورے ملک میں نہیں‘مصطفی عبداللہ
اشاعت کی تاریخ: 21st, January 2025 GMT
ترجمان حکومت سندھ مصطفی عبداللہ بلوچ نے قومی ادارہ برائے صحتِ اطفال (این آئی سی ایچ) کا دورہ کررہے ہیں
کراچی (اسٹاف رپورٹر)ترجمان حکومت سندھ مصطفی عبداللہ بلوچ نے قومی ادارہ برائے صحتِ اطفال (این آئی سی ایچ) کا دورہ کیا، جہاں اسپتال کے ایگزیکٹو ڈائریکٹر پروفیسر ناصر سڈل نے انہیں مختلف شعبوں کا معائنہ کروایا۔ اس موقع پر ترجمان نے داخل مریض بچوں اور ان کے والدین سے ملاقات کی اور اسپتال میں فراہم کی جانے والی سہولتوں پر اطمینان کا اظہار کیا۔ترجمان حکومت سندھ مصطفی عبداللہ بلوچ نے میڈیا سے گفتگو کرتے ہوئے کہا کہ این آئی سی ایچ جیسا اسپتال پورے ملک میں نہیں اور یہاں فراہم کی جانے والی طبی سہولتیں پورے ایشیا میں منفرد ہیں۔ اسپتال میں خون کے کیسز اور تھیلیسیمیا کے مریض بچوں کا مفت علاج کیا جاتا ہے، جبکہ 15 ہزار کینسر کے رجسٹرڈ مریض موجود ہیں۔ دنیا بھر میں دھڑ سے جڑے بچوں کے ڈیڑھ سو کامیاب آپریشن کیے گئے ہیں۔اس نوعیت کا کامیاب آپریشن این آئی سی ایچ میں بھی کیا گیا ہے۔پروفیسر ناصر سڈل نے بتایا کہ پانچ سو بستروں پر مشتمل اسپتال میں روزانہ ایک ہزار مریض آتے ہیں،کراچی کے 80 فیصد بچے اسپتال آتے ہیں، لیکن 60 فیصد بچے اب بھی ان طبی سہولیات سے محروم ہیں۔ انہوں نے کہا کہ ایمرجنسی مریضوں کو فوری امداد فراہم کی جاتی ہے، لیکن غیر ہنگامی آپریشنز کے لیے ایک سال بعد کی تاریخیں دینا پڑتی ہیں۔ اسپتال میں روزانہ 5 سے 6 آپریشنز کیے جاتے ہیں۔
.ذریعہ: Jasarat News
کلیدی لفظ: ا ئی سی ایچ مصطفی عبداللہ اسپتال میں
پڑھیں:
سندھ حکومت کے ترجمان حواس باختہ ہیں، عظمیٰ بخاری
وزیر اطلاعات پنجاب عظمیٰ بخاری نے کہا ہے کہ سندھ حکومت کے ترجمانوں کی فورس ڈپریشن اور ٹینشن میں حواس باختہ ہوگئی ہے۔
عظمیٰ بخاری نے لاہور سے جاری بیان میں سندھ حکومت کے بیانات پر ردعمل دیا اور کہا کہ سمجھ نہیں آرہی سندھ والوں کا پرابلم کیا ہے؟
انہوں نے کہا کہ کبھی کہتے ہیں وزیراعلی پنجاب نظر کیوں نہیں آئی، کبھی کہتے کہ ان کو شہروں کی صفائی کے لیے خود آنا پڑتا ہے۔
سندھ حکومت کی ترجمان سعدیہ جاویدنے کہا ہے کہ ملک کے سب سے بڑے صوبے میں بلدیاتی نظام نہ ہونا عوام سے زیادتی ہے۔
وزیراطلاعات پنجاب نے مزید کہا کہ سندھ کے ترجمانوں کی فورس ڈپریشن اور ٹینشن میں حواس باختہ ہو گئی ہے، مریم نواز کو عوام سے جو داد مل رہی ہے، اس سے آپ کا جل جل کے برا حال ہورہا۔
اُن کا یہ بھی کہنا تھا کہ صفائی آپریشن مکمل ہونے پر مریم نواز نے ورکرز کےلیے 10,10 ہزار روپے انعام کا اعلان کیا۔
عظمیٰ بخاری نے کہا کہ بلدیاتی نظام پنجاب کا ہے، تکلیف سندھ حکومت کو کیوں ہورہی؟ جو بلدیاتی نظام سندھ میں ہے، اس میں صرف ایک مئیر کا ون مین شو ہے۔
انہوں نے کہا کہ کراچی کے میئر کے سوا پورے سندھ میں کوئی بلدیاتی ادارہ نظر نہیں آتا، کراچی کے میئر کو کراچی سے زیادہ پنجاب کی فکر ہے۔
وزیر اطلاعات پنجاب نے کہا کہ عید کے تیسرے دن بھی سندھ کی ویڈیوز لوگ دیکھ رہے ہیں جہاں کوڑا پڑا ہے، سندھ کا بلدیاتی نظام اپنی ہی حکومت کا کوڑا اٹھانے کے قابل نہیں۔
ہماری معاشی خود انحصاری کا دارومدار سستی بجلی اور زراعت پر ہے: وزیراعظم