اقرار الحسن کی چوتھی شادی پر بات کرنے کی ویڈیو وائرل
اشاعت کی تاریخ: 21st, January 2025 GMT
کراچی(نیوز ڈیسک)ٹی وی میزبان اقرار الحسن کی جانب سے چوتھی شادی پر بات کرنے کی ویڈیو وائرل ہوگئی، جس پر صارفین نے دلچسپ تبصرے کرنے سمیت انہیں آڑے ہاتھوں بھی لیا۔
اقرار الحسن کو پہلے ہی ایک سے زائد شادیاں کرنے پر تنقید کا نشانہ بنایا جاتا رہا ہے، انہوں نے تین ٹی وی میزبان و صحافی خواتین سے شادیاں کر رکھی ہیں۔
حال ہی میں اقرار الحسن فلاحی پروگرام میں شرکت کے لیے برطانیہ گئے، جہاں انہوں نے دیگر معاملات پر بات کرنے کے ساتھ ساتھ ایک سے زائد شادیوں پر بھی بات کی۔
اقرار الحسن کی جانب سے تقریب میں اپنی تین شادیوں پر بات کرنے کی ویڈیو وائرل ہوگئی، جس میں انہوں نے چوتھی شادی کا ذکر بھی چھیڑا۔
تقریب سے خطاب کے دوران ٹی وی میزبان کا کہنا تھا کہ وہ اپنی ایک سے زائد شادیوں پر اس لیے بات نہیں کرتے، کیوں کہ وہ نہیں چاہتے کہ وہ اس عمل کو خوبصورت اور مثال کے طور پر پیش کریں۔
ان کا کہنا تھا کہ ان کا تین شادیاں کرنے کا کوئی ارادہ نہیں تھا لیکن ان کی زندگی کے حالات ایسے بن گئے کہ انہیں ایک سے زائد شادیاں کرنی پڑیں۔
اقرار الحسن نے واضح کیا کہ وہ کسی کو یہ مشورہ نہیں دیں گے کہ وہ ایک سے زائد شادیاں کریں اور ہر کوئی ان کے حالات اور مسائل بھی نہیں جانتا اور نہ سمجھ سکتا ہے۔
ٹی وی میزبان کے مطابق ہر کسی کی زندگی کے اپنے مسائل ہوتے ہیں اور ہر کوئی زندگی کو اپنے حساب سے آگے بڑھاتا ہے۔
اقرار الحسن نے کہا کہ اگرچہ انہوں نے نہ چاہتے ہوئے بھی تین شادیاں کیں لیکن ان کا چوتھی شادی کا کوئی ارادہ نہیں۔
ٹی وی میزبان کی جانب سے چوتھی شادی کی بات کرنے پر تقریب میں موجود افراد ہنس پڑے اور انہوں نے تالیاں بھی بجائیں۔
اگرچہ اقرار الحسن نے واضح کیا کہ انہوں نے حالات کی وجہ سے تین شادیاں کیں لیکن انہوں نے حالات کی وضاحت نہیں کی اور یہ نہیں بتایا کہ ایسی کیا مجبوری ہوگئی تھی کہ انہیں نہ چاہتے ہوئے بھی شادیاں کرنی پڑیں۔
View this post on InstagramA post shared by Murtaza Ali Shah (@murtazaviews)
خیال رہے کہ اقرا الحسن نے پہلی شادی سابق نیوز کاسٹر قرت العین سے 2010 سے قبل کی تھی، جن سے انہیں ایک بیٹا بھی ہے۔
ٹی وی میزبان نے دوسری شادی نیوز کاسٹر فرح سے کی اور ان سے شادی کو بھی ایک دہائی سے زائد عرصہ گزر چکا ہے۔
اقرار الحسن نے تیسری شادی تقریبا دو سال قبل صحافی عروسہ خان سے کی، انہوں نے بعد میں کی جانے والی اپنی دونوں شادیوں کو کچھ عرصے تک خفیہ بھی رکھا۔
مئی 2024 میں انہوں نے ایک انٹرویو میں بتایا تھا کہ ان کی تینوں بیویاں ایک ساتھ نہیں رہتیں، تاہم تینوں کے آپس میں اچھے تعلقات ہیں۔
View this post on InstagramA post shared by Murtaza Ali Shah (@murtazaviews)
مزیدپڑھیں:سعودی کمپنی ’منارا منرلز‘ پاکستان کے ریکوڈک منصوبے میں سرمایہ کاری کیلئے تیار
ذریعہ: Daily Ausaf
کلیدی لفظ: اقرار الحسن نے ٹی وی میزبان ایک سے زائد پر بات کرنے چوتھی شادی انہوں نے
پڑھیں:
عالیہ، پوجا کے مقابلے میں آدھی بھی نہیں، پوجا بھٹ کے بھائی کا تہلکہ خیز انٹرویو وائرل
بالی ووڈ کی ماضی کی سُپر اسٹار پوجا بھٹ کے بھائی راہول بھٹ نے اپنی سوتیلی بہن عالیہ بھٹ کو پوجا بھٹ سے صلاحیتوں میں کم تر قرار دے دیا۔
حال ہی میں اداکار راہول بھٹ نے بھارتی میڈیا کو دیے ایک انٹرویو میں اپنی بات کھل کر بیان کی۔ انٹرویو کے دوران جب میزبان نے کہا کہ عالیہ بھٹ، بھٹ خاندان کی وراثت کو آگے لے جا رہی ہیں، تو راہول بھٹ نے اس پر حیران کن ردعمل دیا۔
راہول نے اس بات سے جزوی اتفاق کیا کہ عالیہ خاندان کی نمائندگی کر رہی ہیں، لیکن ساتھ ہی انہوں نے کہا کہ ان کے ذاتی خیال میں عالیہ بھٹ ان کی سگی بہن پوجا بھٹ کے مقابلے میں کسی بھی پہلو میں آدھی بھی نہیں ہیں۔ نہ صلاحیت میں، نہ خوبصورتی میں، اور نہ ہی پرکشش انداز میں۔
View this post on InstagramA post shared by BollywoodShaadis.com (@bollywoodshaadis)
راہول کا کہنا تھا کہ ’میرے لیے، عالیہ میری سگی بہن کے مقابلے میں آدھی بھی نہیں۔ نہ ٹیلنٹ، نہ لُک، نہ سیکسی، پوجا کے سامنے پانی کم ہے۔ یہ میری ذاتی رائے ہے۔‘
راہول بھٹ کے اس بیان پر سوشل میڈیا پر ملے جلے ردعمل دیکھنے کو مل رہے ہیں، جہاں کچھ لوگ ان کے خیالات کو جرات مندانہ قرار دے رہے ہیں جبکہ کچھ اسے غیر ضروری موازنہ تصور کر رہے ہیں۔
ہندوستان کی انتہا پسندی سے خطے کے امن کو شدید خطرات لاحق ہیں، پیر مظہر سعید