اسلام آباد پولیس کی کارروائی، 24 گھنٹوں میں سینکڑوں ملزمان گرفتار
اشاعت کی تاریخ: 22nd, January 2025 GMT
اسلام آباد پولیس نے 24 گھنٹوں کے دوران درجنوں اشتہاریوں سمیت سینکڑوں ملزمان کو گرفتار کیا ہے۔
یہ بھی پڑھیں:اسلام آباد پولیس میں اکھاڑ پچھاڑ، ایس ایچ او کی تنزلی
ترجمان اسلام آباد پولیس کے مطابق اسلام آباد پولیس نے گزشتہ 24 گھنٹوں کے دوران سنگین جرائم میں ملوث 49 اشتہاریوں سمیت 103 ملزمان کو گرفتار کیا ہے، گرفتار ملزمان سے 23پستول،05 رائفلیں، بندوقیں معہ ایمونیشن اور آہنی مکا برآمد ہوا ہے۔
اسلام آباد پولیس کی خصوصی آگاہی مہم ’نشہ اب نہیں‘ جاری
اسلام آباد کو منشیات سے پاک کرنے کے لیے خصوصی آگاہی مہم ’نشہ اب نہیں‘ کے تحت 24 گھنٹوں کے دوران منشیات فروشوں سے 4 ہزار 325 گرام چرس،2 ہزار 552 گرام ہیروئن ،1 ہزار 91 گرام آئس اور50 لیٹر شراب برآمد ہوا ہے۔
یہ بھی پڑھیں: شہریوں کے لیے بڑا ریلیف، اسلام آباد پولیس کی مصالحتی کمیٹیاں ازسرنو فعال
غیر اخلاقی سرگرمیوں میں ملوث افراد گرفتار
پولیس ٹیموں نے غیر اخلاقی سر گرمیوں میں ملوث 10عورتوں سمیت 12 افراد کو بھی گرفتار کیا ہے، ڈی آئی جی اسلام آباد سید علی رضا نے اس عزم کا اعادہ کیا ہے کہ شہریوں کی جان و مال کی حفاظت ہماری اولین ذمہ داری ہے، جو اسلام آباد پولیس پوری کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’نشہ اب نہیں we news اسلام آباد پولیس اشتہاری ملزمان پاکستان.ذریعہ: WE News
کلیدی لفظ: نشہ اب نہیں اسلام ا باد پولیس اشتہاری ملزمان پاکستان اسلام ا باد پولیس کیا ہے
پڑھیں:
جادو ٹونا کرنے کے شبہے میں قتل عمر رسیدہ شخص کا ڈھانچہ برآمد، ملزمان گرفتار
بھارتی ریاست اوڈیشہ کے علاقے بھوبنیشور میں ایک 72 سالہ بزرگ شخص کو اپنے خلاف جادو ٹونا کرنے کے شبہے میں 2 افراد نے مبینہ طور پر قتل کر دیا۔
بھارتی پولیس کے مطابق واقعہ تقریباً ایک ماہ قبل پیش آیا تھا، تاہم اس کا انکشاف اس وقت ہوا جب جمعے کے روز جنگلات سے مقتول کی ہڈیوں کا ڈھانچہ برآمد ہوا۔
یہ بھی پڑھیے: کالا جادو یا شرارت؟ دہلی کی عدالت میں ملزم کی انوکھی حرکت پر کارروائی معطل
پولیس نے اس قتل میں ملوث ہونے کے الزام میں دو ملزمان کو گرفتار کر لیا ہے۔
بھوبنیشور کے پولیس کمشنر کے مطابق مقتول کی شناخت اس کے بیٹے نے ایک گلے کے زیور کی بنیاد پر کی، جو ڈھانچے کے ساتھ ملا تھا۔ مقتول کی شناخت بلرام دیوگم کے نام سے ہوئی۔
پولیس کے مطابق 30 ستمبر کی رات بلرام اپنے کھیت کی نگرانی کے لیے گئے تھے اور واپس نہیں لوٹے۔ بعد ازاں تحقیقات میں انکشاف ہوا کہ دونوں ملزمان نے انہیں قتل کر کے لاش جنگل میں دفنا دی اور ان کے سامان کو قریبی تالاب میں پھینک دیا۔
ایک پولیس افسر کے مطابق دونوں گرفتار ملزمان نے دورانِ تفتیش جرم کا اعتراف کر لیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت قتل کالا جادو
پاکستان اور افغان طالبان کے درمیان استنبول میں مذاکرات ناکام، عطا تارڑ