ویرات کوہلی کا فوجی کیساتھ سیلفی سے انکار، بھارتی سوشل میڈیا پر طوفان کھڑا
اشاعت کی تاریخ: 22nd, January 2025 GMT
بھارتی بلے باز ویرات کوہلی مبینہ طور پر سیلفی کے لیے انتظار کرتے بھارتی فوجی اہلکار کو نظر انداز کرنے کی ویڈیو وائرل ہونے کے بعد کڑی تنقید کے زد میں آگئے۔
سماجی رابطے کے پلیٹ فارم ایکس پر وائرل ہونے والی ویڈیو کے مطابق ممبئی میں گاڑی سے اتر کر جب ویرات کوہلی جارہے تھے تو ایک فوجی اہلکار فون لے کر بلے باز کے پاس آیا جس کو انہوں نے نظر انداز کر دیا۔
ویڈیو وائرل ہونے کے بعد سوشل میڈیا صارفین نے ویرات پر جان بوجھ کر فوجی کے ساتھ سیلفی سے لینے سے انکار کرنے کا الزام عائد کرتے ہوئے ان کے رویے پر شدید تنقید کی۔
ایک ایکس صارف کا کہنا تھا کہ سچن ٹینڈولکر کے 24 سالہ کیریئر میں کبھی ان کو ایسا کرتے نہیں دیکھا۔ نہ ہی ڈراوڈ، لکشمن یا گنگولی کو۔
ایک او ر صارف نے کہا کہ ایسے کرکٹر یا کھلاڑی ان کے رول ماڈل نہیں ہوسکتے۔
واضح رہے رپورٹس کے مطابق ویرات کوہلی اور ان کی اہلیہ حال ہی میں علی باغ میں قائم اپنے وِلا میں شفٹ ہوئے ہیں۔
اس ہی دوران دونوں کو گیٹ وے آف انڈیا پر علی باغ کے لیے جاتی فیری پر بھی سوار دیکھا گیا تھا۔ مداحوں میں یہ قیاس آرئیاں چل رہی ہیں کہ ویرات اور انوشکا مستقل طور پر اپنے علی باغ کے گھر میں منتقل ہوچکے ہیں۔
.ذریعہ: Express News
کلیدی لفظ: ویرات کوہلی
پڑھیں:
امریکی ایئرلائن کی پرواز قبل رن وے پر آگ اور دھواں، مسافروں کی ڈرامائی ریسکیو ویڈیو وائرل
ڈینور ایئرپورٹ پر امریکی ایئرلائن کی ایک پرواز کو روانگی سے پہلے اچانک روکنا پڑا جب لینڈنگ گیئر میں خرابی کے باعث رن وے پر آگ اور دھواں پھیل گیا۔
واقعے کے فوراً بعد ہنگامی انخلا کیا گیا اور تمام 173 مسافروں کو بحفاظت باہر نکال لیا گیا۔ حکام کے مطابق ایک شخص کو معمولی چوٹ آئی۔
PANIC on runway as wheel of American Airlines plane catches FIRE
Passengers SLIDE out as smoke seen billowing underneath
BOEING jet — 1 injured in Denver airport pic.twitter.com/K8qXdrcIYm
— RT (@RT_com) July 26, 2025
متاثرہ پرواز AA-3023 تھی، جو بوئنگ 737 میکس 8 طیارے پر مشتمل تھی اور میامی جا رہی تھی۔ امریکی ایئرلائن کے مطابق یہ ایک ٹائر میں تکنیکی خرابی کا معاملہ تھا۔
سوشل میڈیا پر وائرل ہونے والی ڈرامائی ویڈیو میں مسافروں کو گھبراہٹ کے عالم میں جہاز سے رن وے پر پھسلتے ہوئے دیکھا جا سکتا ہے، جب کہ جہاز کے نیچے آگ لگی ہوئی تھی اور دھوئیں نے پورے علاقے کو لپیٹ میں لے رکھا تھا۔
یہ بھی پڑھیں:ایئر انڈیا حادثے میں نیا موڑ: طیارے کے تباہی کی ایک اور وجہ سامنے آگئی
فیڈرل ایوی ایشن ایڈمنسٹریشن (FAA) نے بتایا کہ طیارے نے دوپہر 2:45 بجے (مقامی وقت) روانگی کے دوران لینڈنگ گیئر کے ممکنہ مسئلے کی اطلاع دی، جس کے بعد فوری طور پر مسافروں کو رن وے پر اتارا گیا اور بس کے ذریعے ٹرمینل منتقل کیا گیا۔
ڈینور ایئرپورٹ کی جانب سے جاری بیان میں کہا گیا کہ آگ لگنے کا واقعہ طیارے کے رن وے پر موجود ہونے کے دوران پیش آیا۔
ایئرپورٹ کے فائر ڈیپارٹمنٹ اور ریسکیو ٹیمز کو فوری طور پر اطلاع دی گئی، اور تمام مسافروں کو بحفاظت نکال لیا گیا۔
فائر ڈیپارٹمنٹ کے مطابق آگ شام 5:10 بجے مکمل طور پر بجھا دی گئی۔
امریکن ایئرلائن نے اپنے بیان میں کہا کہ طیارے کے لینڈنگ گیئر کے ٹائر میں تکنیکی مسئلہ پیش آیا۔ تمام مسافر اور عملہ محفوظ رہا، اور طیارے کو سروس سے ہٹا کر ہماری مینٹیننس ٹیم کے سپرد کر دیا گیا۔
متنازع لمحہ:اس ہنگامی صورت حال میں ایک مسافر کو سوشل میڈیا پر سخت تنقید کا سامنا ہے، جسے ویڈیو میں اپنے بچے کو ایک ہاتھ سے (بظاہر گردن سے پکڑ کر) اور دوسرے ہاتھ میں سامان تھامے دیکھا گیا۔
وہ پھسلتے وقت توازن برقرار نہ رکھ سکا اور اپنے بچے پر گر پڑا، جس پر صارفین نے اسے شدید تنقید کا نشانہ بنایا۔
یہ 5 ماہ میں دوسرا واقعہ ہے جب ڈینور ایئرپورٹ پر طیارے میں آگ لگی۔
اس سے قبل مارچ میں ایک ڈلاس جانے والی امریکی ایئرلائن کی بوئنگ 737-800 میں آگ لگی تھی، جس میں بھی تمام 172 مسافروں اور 6 عملے کو بحفاظت نکالا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
غزہ میں جنگ بندی کے امکانات پہلے سے زیادہ روشن ہو گئے،مارکو روبیو